I-bob. Depressiya muammosining psixologik tadqiqi

REJA
KIRISH
I-BOB. DEPRESSIYA MUAMMOSINING PSIXOLOGIK TADQIQI
1.1Depressiya muammosini o‘rganish tarixi
1.2. Psixologiyada depressiya muammosining nazariy tahlili
I bob yuzasidan umumiy xulosalar
II-BOB. SHAXSNING DEPRESSIV XUSUSIYATLARI DIAGNOSTIKASI
2.1 Depressiyaning jins tafovutlarini tahliliy o‘rganish
2.2. Shaxs depressiyaga moyilligini o‘rganishning psixologik usullari
2.3. Shaxsning depressiv xulq-atvorini aniqlashning psixodiagnostik metodikalari
II bob yuzasidan umumiy xulosalar
XULOSA
TAVSIYALAR
FOYDALANILGAN ADABIYOTLAR RO‘YXATI
ILOVALAR
KIRISH
Kurs ishining dolzarbligi. O‘zbekiston Respublikasi Prezidentining “2022-2026 yillarga mo‘ljallangan Yangi o‘zbekistonning taraqqiyot strategiyasi to‘g‘risida”gi Farmonining* 70-maqsadida: “Yoshlarning huquqlari, erkinliklari va qonuniy manfaatlarini ta’minlash.Yoshlarning hayoti va sog‘lig‘ini saqlash, ular uchun malakali tibbiy xizmatdan foydalanish shart-sharoitlarini yaxshilash, yoshlar o‘rtasida tibbiy savodxonlikni oshirish va sog‘lom turmush tarzini mustahkamlash, yoshlarni vatanparvarlik, fuqarolik tuyg‘usi, bag‘rikenglik, qonunlarga, milliy va umuminsoniy qadriyatlarga hurmat ruhida, zararli ta’sirlar va oqimlarga qarshi tura oladigan, hayotga bo‘lgan qat’iy ishonch va qarashlarga ega shaxs sifatida tarbiyalash.” kabilar belgilangan.
Hozirgi intensiv hayot tarzimiz, orzu-havaslar ortidan quvish, hayotda o‘zimiz o‘rnatgan yuqori rejalar natijasida ruhiy zo‘riqishlar va oqibatda depressiya ko‘payib bormoqda. Shu sababli depressiya mavzusini o‘rganish dolzarb muammoga aylanmoqda. Ilmiy tadqiqotlar u yoki bu darajadagi depressiv holatlarga katta shaharlarning yarmidan ko‘proq aholisi moyilligini aniqlagan. Informatsion shovqin, hayotimizning «quturgan» tempi, faoliyatning har bir jabhasida «hammasini birdaniga» qo‘lga kiritishga harakat qilish insonni charchatadi, lanj qiladi, apatiya yoki ortiqcha sezuvchanlik va qo‘zg‘aluvchanlikka olib keladi.
1 O’zbekiston Respublikasi Prezidentining “2022-2026 yillarga mo’ljallangan Yangi O’zbekistonning taraqqiyot strategiyasi to’g’risida”gi 2022-yil 28 yanvardagi PF-60-son Farmoni.Toshkent, 2022-y.