I bob. Sho’r tuproqlar klassifikatsiyasi

Kurs ishining o’rganilganlik darajasi. O’zbekiston Respublikasi hududlarida tarqalgan sho’r tuproqlar klassifikatsiyasi va uni tarkibi borasida bir qancha olimlar tadqiqot ishi olib borishgan, lekin bu o’z yechimini topa olmagan. Mazkur kurs ishida sizot suvlarining balansi va ularning maqbul chuqurligi ilk bor tadqiq etilmoqda.
N.A. Dimo 1908 yildan O‘rta Osiyo. Ayniqsa Sirdaryo va Amudaryo havzalari rayonlarining tuproqlarini batafsil o‘rganishga kirishdi. 1909-1910 yillarda Mirzacho‘lning sho‘rlangan tuproqlarini tekshirib, bu rayonning tuproq kartasini tuzib chiqqan. N.A. Dimo tuproqlar zoologiyasining ham asoschisi hisoblanadi. Olim ko‘plab tuproq-zoologik tadqiqotlarida tuproqdagi ko‘p sonli
hayvonot olami jumladan, yomg‘ir chuvalchanglari, chumolilar, mayday umurtqali jonivorlarning tuproq paydo bo‘lishidagi roliga katta e‘tibor berdi.
Keyinchalik O‘rta Osiyoda yirik tuproqshunoslar I.P.Gerasimov, V.A.Kovda, A.A.Rode, N.A.Rozanov, E.V.Lobova, N.A.Kachinskiy,V.V.Egorov va boshqalarning tuproq giografiyasi, fizikasi va meliorasiyasi borasidagi ishlaei bilan bir qatorda, ayniqsa paxtachilik rayonlarining tuproqlarini o‘rganishda M.A. Orlov, I.N. Antipov-Karatayev, S.N. Rijov, A.M. Pankov, N.V. Kimberg, M.U. Umarov, M.B. Bahodirov, A.A. Sadriddinov va boshqalarning xizmatlari katta bo‘ldi.

Kurs ishining maqsadi va vazifasi. Surxondaryo viloyati ekin maydonlaridagi sho’r tuproqlar klassifikatsiyasi va uni o’rganishni tadbiq etish

• 
  Sho'r tuproqlar klassifikatsiyasini o’rganish;
  
• 
  Ekinlarning rivojlanishiga sho’rlanishning ta’sirini tadbiq etishdan iborat;
  

Kurs ishining ob’ekti va predmeti. Sho’ tuproqlar klassifikatsiyasi va o'simliklarning ekologik xususiyatlari
Kurs ishi natijalarining ilmiy va amaliy ahamiyati. Sho'r tuproqlar klassifikatsiyasini qishloq xo’jaligi sohasida tahsil olayotgan talabalar, soha mutaxassislair bo’yicha qo’llanma bo’lib xizmat qilishi mumkin.