И лмий кенгаш ф. М. Достоевский номидаги омск давлат университети

Тадқиқотнинг республика фан ва технологиялари ривожлани-шининг устувор йўналишларига мослиги. Диссертация республика фан ва технологиялари ривожлантиришнинг «1.1. Маданий меросни ўрганиш, сақлаш, тиклаш ва бошқаришга қаратилган фанлараро тадқиқотлар» устувор йўналишига мувофиқ бажарилган.
Муаммони ўрганилганлик даражаси. Қозоғистондаги музейларнинг шаклланиши, ривожланиш тамойиллари ва хусусиятига доир илмий адабиётлар хронологик жиҳатдан ўрганилди.
Жумладан, 1831-1925 йй. (А. Е. Кайназарова¹), 1920-1940 йй. (А. Г. Ибраева²), 1946-1970 йй. (С. Т. Тайман³), 1991-2004 йй. (Б. К. Санакулова⁴), 1991-2001 йй. (М. З. Мусаханова⁵) музей иши тарихига оид диссертация ишларини қайд этиш мумкин. А.Г.Ибраеванинг «Қозоғистонда музей ишининг шаклланиши ва ривожланишининг тарихий тажрибаси (1831–2006)»⁶ номли докторлик диссертациясини алоҳида таъкидлаш жоиз, бу Қозоғистон музей иши тарихининг бутун даврини қамраб олган ягона иш ҳисобланади. А. Г. Ибраева биринчилардан бўлиб Қозоғистон музей ишини уч босқичга - инқилобдан олдинги, совет ва мустақиллик даврларига бўлиб даврийлаштиришга ҳаракат қилган.
Музейшуносликнинг тегишли соҳаларга ёки айрим жиҳатларига бағишланган ишларни ҳам қайд этиш мумкин. Улар Қозоғистон музейларининг палеонтологик коллекцияларни сақлаш ва оммалаштириш марказлари (В. Н. Алиясова⁷), 20-асрда Шарқий Қозоғистондаги ўлкашунослик ҳаракати тарихи (Л. П. Турова⁸), Азрет-Султон давлат тарихий-маданий музей-қўриқхонаси тарихи ва фаолияти (Т. Рискельдиев⁹), академик А. Х. Марғулон илмий меросининг Қозоғистон музей иши учун аҳамияти (М. А. Хамитова¹⁰), музей ашёлари тарихий асар сифатидаги манба (К. Н. Райимхан¹¹), музейларнинг маданий-маърифий фаолияти (Г. Ш. Файзуллина¹²) масалаларига бағишланган.
Бу ишнинг айрим жиҳатларига бағишланган у ёки бу даражада турли муаллифларнинг бир қатор қўлланмалари ва нашрларини ҳам қайд этиш мумкин (У. Д. Муналбаева¹³).
Бундан ташқари, қозоқ тадқиқотчиларининг қатор ишлари алоҳида музейлар тарихи ва фаолиятига бағишланган: Азрет - Султон музейининг тематик экспозицияси ва маршрутлари (Х. М. Турсун, М. Алдабергенова¹⁴), Археология музейи фондлари ва ривожланиш тарихи (Г. Бексеитов, Б. Р. Нисамбеков¹⁵), Қозоғистон Республикаси Марказий давлат музейи (К. Т. Сарманова¹⁶, Х. А. Айткул, О. А. Мякишева¹⁷), К. И. Сатпаев номидаги Геология музейининг фондлари ва ривожланиш истиқболлари (Н. К. Кудайбергенова¹⁸).
Шунингдек, Қозоғистон тарихшунослигида алоҳида мақолаларда музейларнинг педагогик функцияси (В. К. Делибалтова, Ж. Ш. Бактибаев¹⁹), Қозоғистон ССР ва РСФСРнинг музей иши соҳасидаги минтақалараро алоқалари (К. Т. Тастаев, Ж. К. Тастаева²⁰), ижтимоий-маданий мулоқот ва унинг иштироки баҳолаш мезони сифатида (А. В. Кушченко⁴⁹), (А. В. Кущенко²¹), ижтимоий-маданий интеграция (Г. Темиртон, А. Канафина²²), музейлар архитектурасида атроф-муҳитнинг қулайлиги принципи (Э. Т. Мурзагалиева²³) контекстида, виртуал музейларнинг ахборот технологиялари (Т. Е. Картаева, Л. О. Абильдаева²⁴), музей ишида фонд дастурларини ишлаб чиқиш (Т. Е. Картаева, Г. Шаухарова²⁵), музейларнинг бозор интеграцияси (Т. Е. Картаева, Ж. Туримбетова²⁶), шунингдек, музейларни қайта тиклаш, рассомлик ишлари (Ш. С. Турсинбаева²⁷) масалалари кўриб чиқилади.
Адабиётлар таҳлили асосида шундай хулосага келиш мумкинки, Қозоғистонда музей ишининг шаклланиши ва ривожланиши тарихини ҳар томонлама ўрганиш масаласи долзарб бўлиб қолмоқда ва қўшимча ўрганишни тақозо этади.
Диссертация тадқиқотининг диссертация бажарилган олий таълим муассасасининг илмий-тадқиқот ишлари режалари билан боғлиқлиги. Диссертация Федерал давлат бюджети олий таълим муассасаси Ф.М. Достоевский номидаги Омск давлат университетининг илмий-тадқиқот ишлари режаларига мувофиқ «Тарих фанлари ва археология» бўйича юқори малакали кадрларни тайёрлаш таълим лойиҳаси доирасида бажарилган.