Қайси давлат органлари коррупцияга қарши курашиш бўйича фаолиятни амалга оширувчи давлат органлари ҳисобланади?
Ўзбекистон Республикаси Коррупцияга қарши курашиш агентлиги, Ўзбекистон Республикаси Бош прокуратураси, Ўзбекистон Республикаси Давлат хавфсизлик хизмати, Ўзбекистон Республикаси Ички ишлар вазирлиги, Ўзбекистон Республикаси Адлия вазирлиги, Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти.
Коррупцияга қарши курашишнинг асосий принциплари.
Қонунийлик, фуқаролар ҳуқуқлари, эркинликлари ва қонуний манфаатларининг устуворлиги, очиқлик ва шаффофлик, тизимлилик, давлат ва фуқаролик жамиятининг ҳамкорлиги, коррупциянинг олдини олишга доир чора-тадбирлар устуворлиги, жавобгарликнинг муқаррарлиги.
Ўзбекистон Республикасининг ташқи сиёсат тамойиллари тўғрисида тушунча беринг.
Ўзбекистон Республикасининг ташқи сиёсати – давлатларнинг суверен тенглиги, куч ишлатмаслик, чегараларнинг дахлсизлиги, низоларни тинч йўл билан ҳал этиш, бошқа давлатлар ички ишларига аралашмаслик қоидаларига ҳамда халқаро ҳуқуқнинг бошқа қоида ва нормаларига асосланади.
Давлат рамзлари деганда нимани тушунасиз?
Давлат рамзлари – давлатнинг миллий-сиёсий, иқтисодий хусусиятлари, ижтимоий ва давлат тузуми, географик ва бошқа белгиларини ифодалайди.
Ўзбекистон Республикаси қонун билан тасдиқланадиган ўз давлат рамзлари - байроғи, герби ва мадҳиясига эга.
Ўзбекистон Республикаси Парламенти неча палатадан иборат?
Ўзбекистон Республикаси Парламенти 2 палатадан – Қонунчилик палатаси ва Сенатдан иборат бўлиб, Парламент – олий давлат вакиллик органи ҳисобланади ва қонун чиқарувчи ҳокимиятни амалга оширади.
Do'stlaringiz bilan baham: |
