I. T. Pаlvаnоv kоnstitutsiyaviy huquq
Download 1.46 Mb. Pdf ko'rish
|
2 5411444856344021189
|
KОNSTITUTSIYAVIY HUQUQ
312 313 miqdordagi eng ko‘p deputatlik o‘rinlarini qo‘lga kiritgan bir necha siyosiy partiya tomonidan taklif etiladi. O‘zbekiston Respublikasi Prezidenti taqdim etilgan Bosh vazir lavozimiga nomzodni ko‘rib chiqqanidan keyin o‘n kun muddat ichida uni O‘zbekiston Respublikasi Oliy Majlisi palatalarining ko‘rib chiqishi va tasdiqlashi uchun taklif etadi. Bu bosqichda Bosh vazir lavozimiga nomzod O‘zbekiston Respublikasi Oliy Majlisida uning nomzodi ko‘rib chiqilayotgan paytda va tasdiqlanayotganda Vazirlar Mahkamasining yaqin muddatga va uzoq istiqbolga mo‘ljallangan harakat dasturini taqdim etishi talab etiladi. Bosh vazir nomzodi uning uchun o‘zbekiston Respublikasi Oliy Majlisining Qonunchilik palatasi deputatlari va Senati a’zolari umumiy sonining yarmidan ko‘pi tomonidan ovoz berilgan taqdirda tasdiqlangan hisoblanadi. Qonunchiligimizda Bosh vazir saylanishi bilan bog‘liq masalalarda turli vaziyatlarni hisobga olgan holda yondashilganini ko‘rishimiz mumkin. Xususan, agar ovoz berish vaqtida Bosh vazir nomzodi O‘zbekiston Respublikasi Oliy Majlisining Qonunchilik palatasi yoki Senatida O‘zbekiston Respublikasi Oliy Majlisining Qonunchilik palatasi deputatlari yoki Senati a’zolari umumiy sonining ko‘pchilik ovozini ololmasa, O‘zbekiston Respublikasi Prezidenti O‘zbekiston Respublikasi Oliy Majlisining Qonunchilik palatasidagi barcha siyosiy partiyalar fraksiyalari bilan qo‘shimcha maslahatlashuvlar o‘tkazganidan so‘ng Bosh vazir lavozimiga nomzodni yana bir marta taqdim etish huquqiga ega. Vazirlar Mahkamasining a’zolari Bosh vazir taqdimiga binoan O‘zbekiston Respublikasi Prezidenti tomonidan tasdiqlanadi va lavozimidan ozod etiladi. Parlamentga Bosh vazir faoliyatini kuzatib borish va nazorat qilish funksiyasi berilgan. Bosh vazir va O‘zbekiston Respublikasi Oliy Majlisining Qonunchilik palatasi o‘rtasida O‘zbekiston Respublikasi Bosh vazir vazifasini bajaruvchi tayinlanishi va Oliy Majlis yoki uning palatalaridan birining tarqatib yuborilishi to‘g‘risidagi qoida mustahkamlandi. To‘rtinchidan, O‘zbekiston Respublikasi Bosh vazirining lavozimidan ozod etilishi bir vaqtning o‘zida O‘zbekiston Respublikasi Hukumatining iste’foga chiqishiga sabab bo‘lishi qonunda belgilab qo‘yildi. Hozirgi kunda, Vazirlar Mahkamasi tarkibiga O‘zbekiston Respublikasi Bosh vaziri, uning o‘rinbosarlari, vazirlar, davlat qo‘mitalarining raislari, shuningdek, Qoraqalpog‘iston Respublikasi hukumatining boshlig‘i Vazirlar Mahkamasi tarkibiga o‘z lavozimi bo‘yicha kiradi. Vazirlar Mahkamasini shakllantirish, dastlab saylovda eng ko‘p deputatlik o‘rinlarini olgan siyosiy partiya yoki bir necha siyosiy partiya tomonidan qo‘llab-quvvatlangan va ilgari surilgan hamda O‘zbekiston Respublikasi Prezidenti tomonidan taqdim etilgan Bosh vazir nomzodini O‘zbekiston Respublikasi Oliy Majlisining Qonunchilik palatasi deputatlari va Senati a’zolari tomonidan saylash orqali boshlanadi. Bu jarayon biroz murakkab ko‘rinsada u o‘ziga xos mantiqiy ma’noga va tartibga ega. Ushbu qoidalar O‘zbekiston Respublikasining Konstitutsiyasida, “Davlat boshqaruvini yangilash va yanada demokratlashtirish hamda mamlakatni modernizatsiya qilishda siyosiy partiyalarning rolini kuchaytirish to‘g‘risida”gi Konstitutsiyaviy Qonun, “O‘zbekiston Respublikasi Vazirlar Mahkamasi to‘g‘risida”gi Qonun hamda “O‘zbekiston Respublikasi Oliy Majlisi Qonunchilik palatasining Reglamenti to‘g‘risida”gi va “O‘zbekiston Respublikasi Oliy Majlisi Senatining Reglamenti to‘g‘risida”gi Qonunlarda batafsil yoritilgan. Jumladan, Bosh vazir nomzodi O‘zbekiston Respublikasi Oliy Majlisining Qonunchilik palatasiga saylovda eng ko‘p deputatlik o‘rinlarini olgan siyosiy partiya yoki teng |
