Ичак инфекциялари (вабо, cholera, холера)

ПАТОМОРФОЛОГИК УЗГАРИШЛАР
Бу касалликдан улган беморлар патоморфологик текширишларда ички органларининг дистрофияси ва сувсизланиш белгилари аниқланади. Ичак суюқлик билан тулалиги, микроскопик текширувларда эса ичак ворсинкаларининг эпителийсини десквамацияси яллиғланиш белгилари мавжуд булмаса ҳам аниқланади. Микроциркуляция бузилиши ва сувсизланиш буйрак каналчаларида дистрофик узгаришларга олиб келади.


КЛИНИК ШАКЛЛАРИНИНГ ТАСНИФИ
Касалликнинг қуйидаги турлари фарқланади (Рахманова А.Г.)
• Типик шакли • Атипик шакли
Оғирлик даражасига қараб:
- енгил - яширин
- урта оғир - «қуруқ»
- оғир - ута тез
И.К. Мусабаеванинг таснифига кура қуйидаги клиник шаклларига булинади:
• Гастритик,
• Энтеритик,
• Гастроэнтеритик,
• Алгид,
• Қуруқ,
• Яшин тезлигида,
• Микст-вабо,
• Асоратланган,
• Тифоидли.
В.И.Покровский (1978) томонидан таклиф қилинган таснифи, касаллик оғирлиги сувсизланиш даражасига асосланган. Сувсизланишнинг 4 та даражаси фаркланади:
1. - йуқотилган суюқлик тана вазнининг 1-3% ни ташкил этади.
2. - йуқотилган суюқлик тана вазнининг 4-6% ни ташкил этади.
3. - йуқотилган суюқлик тана вазнининг 7-9% ни ташкил этади.
4. - йуқотилган суюқлик тана вазнининг 10% ва ундан купроқни ташкил этади.


КЛИНИК КУРИНИШИ
Вабода куп ҳолларда инкубацион давр қисқа - бир неча соатлардан 3-5 кунгача ва айрим ҳолатларда 6-10 кунгача давом этиши мумкин. Купинча, касаллик юқтирилгандан кейин биринчи куниданоқ ривожланади. Вабода инкубацион даврда карантин ҳолат 5 кунга белгиланган. Вабонинг типик тури уткир ривожланиб, қоринда қулдираш ва ичак тулиш ҳисси билан суюқ сувли ич келиши, аммо қоринда огриксиз, ҳамда тенезмларсиз намоён булади. Тана ҳарорати нормал, айрим ҳолатларда субфебрилитет булиши мумкин. Курикда тил ва шиллиқ пардалар қуруқлиги аниқланади. Қорин оғриқсиз, ичак буйлаб қулдираш сезилади. Диареянинг давомийлиги 1-2 кун давом этиб ва яхши кечишида бемор соғайиб кетади. Касалликнинг ривожланишида ич келишининг сони кунига 20 тагача ошиши мумкин. Ич келиши суюқ, типик ҳолатларда «гуруч ювиндиси» куринишида булади. Бундай ахлатнинг кичик миқдорида ҳам куп миқдордаги вабо вибрионларини бактериологик текширувда аниқлаш мумкин. Баъзида ахлат таркибидаги шиллиқ ва қон унга «гушт ювиндиси» рангини беради. Бундай ҳолат касалликни оғир кечаётганлигидан ва ичак қон томирларининг утказувчанлиги ошганлигидан далолат беради. Баъзи беморларда эса ахлатида ут булиб унга сарик ранг беради, одатда бунда ишқорий ва баъзида нейтрал муҳитга эга булади. Касаллик кечишида «фонтанли» қусиш пайдо булиши бу бемор умумий аҳволини ёмонлашувига олиб келади. Қусилган масса таркибида овқат қолдиқлари дастлаб мавжуд булиб, қусиш тезлашгандан сунг у «гуруч ювиндиси» куринишини олади. Қусуқ массасида ҳам вабо вибрионлари топилиши мумкин, лекин кам миқдорда. Дастлабки қусуқ масса реакцияси кислотали, кейин ишқорий ва нейтрал булиши мумкин. Доимий қусиш эпигастрал соҳада оғирлик ҳиссини пайдо қилиб, кейин эса оғрик пайдо булади. Патологик ич келиши қусиқ массанининг ҳар бир порцияси уртача 250-300мл ни ташкил қилиб ва бу миқдор камаймайди. Бунинг натижасида беморда дегидратация ва деминерализация ривожланади
Сувсизланишнинг 4 та даражаси мавжуд. Дегидратациянинг I даражаси – йуқотилган суюқлик миқдори тана вазнининг 1-3%ни ташкил қилади. Умумий аҳволи бу даврда қониқарли булиб, асосан беморни чанқаш безовта қилади. Дегидратациянинг II даражаси - тана вазнининг 4-6%га тенг суюқлик йуқотилади ва умумий қоннинг ҳажми кам микдорда камаяди. Бунда беморларни кучли чанқаш, ҳолсизлик, шиллиқ қаватларни қуриши, тахикардия, систолик АҚБни ва диурезни пасайиши безовта қилади.
Дегидратациянинг III даражаси – йуқотилган суюқлик тана вазнининг 7-9%ни ташкил қилади. Бунда умумий циркуляциядаги плазма микдори сезиларли даражада камайишига олиб келади ва туқималараро суюқлик камайиши, буйракда қон айланишини бузилиши натижасида метаболитик узгаришларга, яъни сут кислотали ацидозга олиб келади. Клиникада бу болдир, товон, қул мушакларининг титроғи, тери тургорининг пасайишига, тахикардия, овознинг бузилиши, цианоз билан ифодаланади. Бундай шаклда беморда facies cholerica ривожланади: куз олмасини ботиши ва юқорига ёпилади, склера хиралашади, қовоқлар ярим ёпилган ҳолатда, бурун қирраларини уткирлаши, ёноқ суякларини буртиб чиқиши ва юзини озиб кетиши кузатилади. Алгиднинг типик белгиларига: қул терисини ужмайиши, олдинги муаллифлар буни «Кир ювувчининг қули» билан таққослаганлар. Тери тургорлиги бирдан камаяди, терида бурмалар ҳосил қилиши осон булиб, лекин у тезда жойига қайтмайди. Овоз бойламларининг парези ва эксикози натижасида дисфония (овозни пасайиши ва бузилиши) ривожланади, кейинчалик тезкор афонияга олиб келиши мумкин (vox. Cholerica). Қоннинг қуюқлашиши ҳисобига гемоглобин миқдорининг ошишига (150 г\л гача) ва бу билан бирга гиперлейкоцитозга (80х10^3гача) олиб келади. III даражали сувсизланишнинг гипотония, гипокалиемия, ацидоз, олигурия ҳолатини адекват терапия билан тиклаш мумкин. IV даражали сувсизланишда эса йуқотилган суюқлик миқдори тана азнининг 10%дан купроқ ташкил қилади ва бу чуқур дегидратацион шокка олиб келади. Бунда тана вазнини меъёридан паст булиши (ваболи алгид), ҳансирашнинг кучайиши, афония, оғир гипотензияга, анурия, мушаклар фибриляцияси кузатилади. Дегидратацион шокда декомпенсациялашган метаболик ацидоз ва оғир туқима гипоксияси ривожланади. Оғир туқима гипоксияси ҳисобига беморда онг ҳуши бузилишларидан, то мия комасигача ва нафас маркази фалажидан то асфиксиягача булиши мумкин. Бундай ҳолатларда стационаргача тез тиббий ёрдам ва стационар даво чоралари беморнинг ҳаётини сақлаб қолиши мумкин. Организм сувсизланиши бир неча соат давомида ривожланиб тезда дегидратацион шокка олиб келиши мумкин. Бундай кечишни яшин тезлигида кечиш ҳисобланади. Қуруқ вабо (cholera sicca) атипик шакли булиб, бунда клиникада қусиш ва ич кетиш кузатилмайди. Клиник манзараси: уткир токсикоз, гипоксия натижасида ЮҚТ тизими фаолияти пасайиши, бундан нафас тезлашиши, асфиксия, овозни йуқолиши, анурия кузатилиши мумкин. Марказий нерв системасида сезиларли даражада узгаришлар билан кечиши, яъни ҳар хил мушакларни титраши, менингеал симптомлар мавжудлиги ва натижада коллапс ривожланиши мумкин. Бу жараёнлар яшин тезлигида кечишда булиб, бир неча соатлардан кейин бемор улимига олиб келиши мумкин. Бу шаклда табиий шароитда учраши камдан кам, асосан организм ҳолсизланганларда учрайди, бунда леталлик абсолют эмас. Секцион биопсияда ичак бушлиғида куп миқдорда гуруч ювиндиси ва гушт ювиндиси ҳолатдаги вабо вибрионига бой суюқлик аниқланади. Болаларда вабо кечиши прогрессив булиб, бунинг натижасида бола организмида декомпенсациялашган сувсизланиш, анурия, энцефалопатия ривожланиши билан кечади.