Identifikatsiyalash

V-BOB yuzasidan nazorat savollari

1. 
   Nochiziqli programmalashtirish masalasini echish usullari qanday?
   
2. 
   Gradientlar usuli deb qanday masalalarga aytiladi?
   
3. 
   Funksiya gradienti nima?
   

4. Gradientni funksiya ekstremumini topishdagi roli.
5. Ekstremal kiymatni topish.
VI- BOB. DINAMIK PROGRAMMALASHTIRISH
6.1.Bellmanning optimallik prinsipi.
Koʻp jarayonlar oʻz-oʻzidan bosqichlarga boʻlingan boʻladi. Masalan, vaqtga bogʻlik boʻlgan jarayonlarni planlashtirish va boshqarishda xar bir qadam 5 yil, 1 yil, kvartal, oy va dekadadan iborat boʻlishi mumkin.
Lekin dinamik programmalash faqat vaqtga bogʻlik boʻlgan koʻp bosqichli masalarni echish uchun ishlatiladi deb tushunmaslik kerak. Amaliyotda uchraydigan va vaqtga bogʻlik boʻlmagan jarayonlarni ifodalovchi koʻp masalalarni dinamik programmalash usullari bilan echish mumkin. Bunga misol sifatida eng qisqa yoʻlni aniqlash masalasini, samolyotning optimal tezligi xamda uchish balandligini aniqlash masalasi va butun sonli programmalash va boshqalarni koʻrsatish mumkin. Bu masalalar vaqtga bogʻlik boʻlmagan jarayonlarni ifodalaydi. Lekin ularni turli vositalar yordamida koʻp bosqichli masalalarga aylantirish, soʻngra ularga dinamik programmalash usullarini qoʻllab echish mumkin.
Dinamik programmalash quyidagi xususiyatlarga ega boʻladi:

1. 
   Dinamik programmalash koʻp bosqichli jarayonning birdan-bir yagona echimini emas, balki xar bir davrga mos keluvchi va tub manfaatni koʻzlovchi echimlar ketma-ketligini topishga yordam beradi;
   
2. 
   Dinamik programmalash yordami bilan echilayotgan koʻp bosqichli masalaning ma’lum bir bosqichi uchun topilgan echimi undan oldingi bosqichlarda topilgan echimga bogʻlik boʻlmaydi. Unda faqat shu bosqichni ifodalovchi faktlar nazarga olinadi;
   
3. 
   Dinamik programmalash yordami bilan koʻp bosqichli masalani echish jarayonining xar bir bosqichida tub maqsadni koʻzlovchi echimni aniqlash kerak, ya’ni echimlar orasida tub maqsadga erishishda maksimal xissa koʻshuvchi echimni topish kerak.