Ихтирога патент олиш: Ўзбекистон Республикасида унинг ҳуқуқий муҳофазаси ва ҳимояси
32
сўровномага жавоб бериш муддатини тиклаши мумкин.
Муддатни тиклаш ҳақидаги илтимосномани тақдим этиш муддати
ўтиб кетган ҳужжат билан биргаликда ўтказиб юборилган муддат тугаган
кундан бошлаб 12 ойдан кечикмаган муддатда тақдим этилиши лозим.
Вазирлик кўрсатилган сабабларнинг мавжудлигини тасдиқловчи
ҳужжатни талаб қилиб олишга ҳақлидир.
Илтимосномага белгиланган миқдордаги
тегишли патент божи
тўланганлиги ҳақидаги ҳужжат илова қилиниши керак. Белгиланган
миқдордаги тегишли патент божи тўланганлигини исботловчи ҳужжат
кўрсатилган муддатда тақдим этилмаса, юридик аҳамиятга эга ҳаракатлар
амалга оширилмайди ва бу ҳақда талабнома берувчига хабар берилади.
Ўтказиб юборилган муддат тикланганлиги ҳақида ҳам
талабнома
берувчига хабарнома юборилади.
6. Талабномани ўзгартириш
Агар талабнома берувчи ихтирога талабномани фойдали моделга
патент бериш учун талабномага ўзгартирмоқчи бўлсангиз, бу ишни патент
бериш тўғрисидаги қарор қабул қилингунга қадар ва
тегишли патент
божини тўлаган ҳолда амалга оширишингиз мумкин. Бундай
ўзгартиришда биринчи талабнома устуворлиги сақланади.
7. Патент бериш тўғрисидаги қарор
Агар ихтиронинг патентга лаёқатлилик шартларига мувофиқлиги
аниқланган бўлса, Вазирлик патент бериш ҳақида қарор қабул қилади.
Патент бериш ҳақидаги қарорни олгач,
талабнома берувчи
ихтиронинг Давлат реестрида рўйхатдан ўтказилиши, у ҳақдаги
маълумотларнинг эълон қилиниши, патент берилиши ҳамда унинг амал
қилиш муддатини 3 йил давомида сақлаб
турилиши учун патент божини
тўлаши лозим.
Do'stlaringiz bilan baham: 
