Ii bob. Asosiy Qism 1 Restoranlarda furshet-banketni tashkil qilish mohiyati 2

Mavzu: Banketlarda xizmat ko‘rsatishni tashkil etish.
Reja:
I Bob. Kirish
II Bob. Asosiy Qism
2.1 Restoranlarda furshet-banketni tashkil qilish mohiyati
2.2 Restoranlarda kokteyl – banketni tashkil qilish
2.3 Restoranlarda choy banketini tashkil qilish
2.4 To'y banketlarida xizmat qilish buyurtma qabul qilish
IV. Xulosa
V. Foydalanilgan adabiyotlar

MUNDARIJA

I Bob	Kirish
II Bob	Asosiy Qism
2.1	Restoranlarda furshet-banketni tashkil qilish mohiyati
2.2	Restoranlarda kokteyl – banketni tashkil qilish
2.3	Restoranlarda choy banketini tashkil qilish
2.4	To'y banketlarida xizmat qilish buyurtma qabul qilish
III Bob	Xulosa va Takliflar
IV Bob	Foydalanilgan Adabiyotlar

2.1 Restoranlarda furshet-banketni tashkil qilish mohiyati.
Bunday banketlar rasmiy xarakterga ega bo'lgan, ish bo'yicha muzokaralar, savdo shartnomalari imzolanishida o'tkaziladi. Furshet-banketlar, shuningdek, yubiley, oilaviy va boshqa bayram tantanalari munosabati bilan o'tkaziladi.
Furshet-banketlari o'tkazilganda qatnashuvchilar stullarda o'tirmaydilar, tik turib tamaddi qiladilar va ichimliklar ichadilar.
Bunday banketlarning o'ziga xos xususiyatlari shundan iboratki, taomnomada, asosan, sovuq ovqatlar, ichimliklar, issiq gazak, desert va issiq ichimliklar assortimenti bo'ladi.
Sovuq taom va ichimliklar jumlasiga quyidagilar kiradi:
- salatlar (sabzavotlar, baliq, go'sht, mevalar bilan aralashtiriladi);
- qiymalangan tuxumga boshqa mahsulotlar qo'shiladi;
- baliqli gazaklar (dudlangan baliqlar, seld, baliq pashteti, rulet va boshqalar);
- go'shtli gazaklar (sovuq go'sht assortimenti, uy parrandalari, ov parrandalari, kolbasa mahsulotlari);
- pishloq qo'shilgan gazak (pishloqning har xil navlari, pecheniy pishloq bilan, yumshoqpishloq);
-har xil buterbrodlar.
Furshet-banketlarning o'ziga xos tomoni shundan iboratki, taom va gazaklar har bir kishiga alohida oz - ozdan solinadi, iste'mol qilish ham oson bo'ladi. Taom, gazaklar yeyish uchun qulay bo'lsin, deb maydalab to'g'raladi va pichoq ishlatmasdan sanchqi bilan tamaddi qilinaveradi. Furshet-banketlarda xizmat qilish restoran zalida xizmat qilishga qaraganda 4-5 marta yengil ko'chadi. Banket davomiyligi 1 soatdan oshmaydi.
Mebellarni joylashtirish. Furshet-banket stollari odatdagi stollardan balandroq bo'ladi (90 sm), stollarning kengligi 1,5 m. Qo'yilgan stollarda har bir kishiga 15 - 20 sm joy mo'ljallanadi. Stollarning har ikki tomonida odamlar joylashadigan bo'ladi. Mehmonlar, banket qatnashchilari bir tomonda bo'lishlari ham mumkin, unda stolning faqat odamlar bor tomoni bezatiladi va xizmat qilinadi.
Qo'yilgan stollar uzunligi 10 m dan oshmasligi kerak. Banket stollari to'g'ri burchakli, usti kengaytiriladigan bo'ladi. Ularni o'rnatish shakli banket zalining maydoni va me'moriy xususiyatiga bog'liq. Odatda, stollar T, P, Sh harflari shaklida qo'yiladi, markazda hurmatli mehmonlar uchun joy ajratiladi. Stollar orasi va stollarning devor bilan oralig'i 1,5 m dan kam bo'lmasligi, mehmonlar erkin harakat qila olishlari kerak.
Furshet stollarini maxsus banket stollariga soladigan dasturxonlar bilan bezatiladi, dasturxon chetlari stol chetidan ancha pastda osilib turishi lozim.
Dasturxon burchaklari ichiga qaytarib qo'yiladi. Dasturxonlarning hamma osilib turadigan pastki tomonlari polga nisbatan bir tekis bo'ladi.
Zalda asosiy furshet stollaridan tashqari ofitsiantlarning yordamchi stollari ham bo'ladi. Ular devorlar yoniga qo'yiladi, ustida ishlatiladigan tarelkalar, anjomlar, rumka, salfetkalar turadi. Yoniga sigaret, kuldon, gugurt uchun ixcham kvadrat stol ham qo'yiladi. Bu stollarga ham dasturxon solinadi.
Furshet stollarini tuzash. Furshet stollarini tuzashda xizmat qilish xususiyatlari hisobga olinadi. Tajribadan shu narsa aniqlanganki, bunday banketlarda har bir kishi uchun uchtadan rumka, bitta fujer bo'lishi kerak.
Ichimliklar, meva, gazak uchun anjomlar oldindan qo'yiladi. Furshet stolini yasatish shisha va billur idishlar qo'yishdan boshlanadi.
Qoida bo'yicha furshet stollarining har ikki tomoni yasatiladi. Faqat hurmatli mehmonlar uchun stol bir tomonlama yasatilishi mumkin. Devor tomonga qo'yilgan stollar ham bir tomonlama yasatiladi. Stollar uchun shisha, billur qadahlar, rumkalar, fujerlar ajoyib bir bezak bo'lib yarashadi.
Ikki qator tuzalgan stolning oxiriga 10-15 dona fujer uchburchak qilib qo'yiladi. Og'zi pastga qaratilgan bo'ladi. Stol oxiri 15-20 sm bo'sh bo'lishi kerak. Fujerlar guruhi oralig'iga rumkalar teriladi, har 10-15 sm ga bittadan rumka teriladi. Rumkalar qatori markazdan (10-15 sm) stol cheti tomonda bo'lishi lozim. Demak, rumkalar qatori oralig'i 20 - 30 sm bo'ladi.
Gullar qo'yilgan vazalar, mevalar, ichimlikli shishalar rumkalar oralig'iga stol markazi bo'ylab qo'yiladi. Pivo, ma'danli suv shishalari, meva sharbatlari, kvaslar fujerlar gumhi qatorida turadi. Taomnomada sharbatlar ko'rsatilgan bo'lsa, fujerlar yoniga stakanlar qo'yiladi, ular rumkalar qatorida tursa ham bo'laveradi. Spirtli ichimlik shishalari etiketkalari mehmon tomonga qaratilgan holda turishi lozim.
Stol markazi bo'ylab, fujerlarni 5 - 7 donadan «ilon izi» usulida qo'yib chiqiladi. Bunda ularning oralari 80-100 sm bo'ladi. Rumkalar, shishalar, fujer guruhlari orasiga esa uzunasiga meva va gullar qo'yiladi. Fujerlar «archa» usulida guruhlar bo'yicha teriladi. Bir stolda bir tomonga qaratiladi, ikkinchi stolda qarshi tomonga qaratiladi. Agar stol bitta bo'lsa, markazidan stol chetlariga tomon qo'yiladi. Meva solingan vazalar, gullar, ichimlikli shishalar stol o'rtasi bo'ylab qo'yiladi. Shishalarni guruh qilib yoki bir xil oraliqda yakka-yakka qo'yish mumkin.
Fujerlar va rumkalar 15-18 donadan yoki ko'proq qilib, stol bo'ylab stol o'qiga nisbatan 30-45° da qo'yiladi. Har xil fujerlar did bilan navbatma – navbat teriladi.
Turli xil rumkalar guruhlari oralig'i 30-50 sm bo'ladi. Ular orasiga gullar, mevalar solingan vazalar va ichimlik shishalari qo'yildi. Turli ko'rinishdagi rumkalar, qadahlar, fujerlar odamlarga mo'ljallab, oldindan qo'yib chiqiladi.
Hamma vaqt fujerlar rumkalardan ortiq qo'yiladi. Furshet stoliga fujerlar, rumkalar qo'yilgandan so'ng bir taxlam (6-883dona) gazak va desert tarelkalari keltiriladi. Taxlangan gazak tarelkalari stol chetidan 2 sm ichkariga, stolning oxirgi tomonidan 0,7-11 m stol markazi tomon qo'yiladi. Tarelka taxlamlari stolning har ikki tomoniga simmetrik tarzda oralari 1,5-2 m dan joylanadi, ammo stolning «ilon izi» yasatilishi bundan mustasno.
So'ngra stol idish-tovoq, anjomlar bilan yasatiladi. Ularni guruh-guruh qilib qo'yiladi. Sanchqilar tarelkalar miqdoriga qarab, pichoqlar ikki barobar kam qo'yiladi. Gazak pichoqlar tarelkalar to'plamidan o'ng tomonga, o'tkir qismi tarelkalarga qaratib qo'yiladi, sanchqilarni o'ng tomonga ham, chap tomonga ham qo'ysa bo'ladi, tishlari yuqoriga qaratiladi. Sanchqilar o'ng tomonda bo'lgani ma'qul, chunki mehmon chap qo'li bilan tarelkani ushlaydi.
Desert sanchqi, pichoqlari ham yuqoridagidek teriladi; to'rtga yoki ikkiga buklangan sochiq-salfetkalar 3-5 donadan desert tarelkalari ustiga yoki ularning yoniga qo'yiladi. Taomnomaga binoan furshet-banketlarida desert tarelkalari nazarda tutilmagan bo'lsa, sochiq-salfetkalar gazak tarelkalari yoniga qo'yiladi. Top-toza yuvilgan mevalar - uzum va boshqalar vazalarga uyib solinadi va stolga qo'yiladi. Vazalar oralig'i barobar bo'lishi kerak.
Furshet-banketda stolga ichimliklar shisha idishlarga qarab qo'yiladi. Ichimliklarning hammasi sovutilgan bo'ladi. Qizil vino va konyak uy harorati bo'yicha berilaveradi. Sharbatlar stolga butilkalarda va idishlarda, kvas, pivo, ma'danli va meva suvlari og'zi berk shishalarda qo'yiladi. Ular mehmonlar banket zaliga kirishlari oldidan ochiladi. Shishalarning bir qismi ochilmay turadi, ularga ehtiyoj tug'ilsa ochiladi.
Mevalar, gullar, ichimliklar stolga qo'yilgandan so'ng, banket boshlanishiga 30 daqiqalar qolganida gazaklar, non keltiriladi. Birinchi navbatda o'z xususiyati va ko'rinishini tezda yo'qotmaydigan taomlar olib kelinadi. Qolganlari dasturxonga mehmonlar kelgach tortiladi. Oldin katta idishlardagi, so'ngra kichik idishdagi gazaklar keltiriladi.
Ko'pchilik gazaklar chinni idishlarda olib kelinadi. Cho'zinchoq idishlar stol-o'qidan 30-40° qilib qo'yiladi. Gazak idishlari stol markaziga yaqinroq, stol chetidan 25-30 sm oraliqda turadi, chunki bu yerda mehmonlarning tarelkalari, rumkalari bo'ladi. Har bir idishda ovqatlar olish uchun anjomlar bo'lishi kerak. Uvildiriq uchun kichkina kurakcha, agar u bo'lmasa choy qoshiq qo'yiladi. Sariyog' uchun pichoq beriladi.
Stol ustida, albatta, tuz bilan garimdori bo'lishi zarur. Ular stolga bir qator qilib qo'yiladi.
Stol yasatishni tugatgach, ofitsiantlar hamma zarur narsalar joy- joyiga qo'yilganligini tekshirib chiqishlari kerak. Mehmonlar kelganiga qadar ofitsiantlarning bir qismi zalda qoladi. Bosh ofitsiant ko'rsatmasi bilan boshqa ofitsiantlar o'z tayyorgarlik ishlari bilan mashg'ul bo'ladilar. Furshet-banketlarda xorijiy mehmonlar qatnashayotgan bo'lsa, davlat bayroqlari qo'yiladi. O'zbekiston Respublikasi bayrog'i hurmatli mehmonlardan o'ng tomonda, banket qaysi xorijiy davlat sharafiga o'tkazilayotgan bo'lsa, ularning bayrog'i chap tomonda turadi.
Furshet-banketida xizmat qilish, Furshet-banketlarida xizmat qilish me'yoriy, har bir ofitsiantga 18-20 tadan mehmon to'g'ri keladi.Ofitsiantlar zal stollari qarshisida tik turgan holda mehmonlarga ichimliklar quyib beradilar, taom va gazaklar solib oldilariga stolga qo'yadilar. Taklif qilinganlarning hammasi stollar yoniga kela olmagan mehmonlarni hisobga olib ofitsiantlar chekkaroqda turgan mehmonlarga ham xizmat tavsiya qilishlari, ichimliklar, taom, gazaklar taqdim etishlari lozim. Ichimliklar tarqatishda quyidagi qoidaga rioya qilinadi. Ofitsiant rumkalar, ichimlik shishalarini patnisga qo'ygan holda chap qo'lida olib yuradi (rumkalar ustiga salfetkalar yopilgan bo'ladi), mehmonlarga ichimliklar taklif qiladi va o'ng qo'li bilan quyib beradi. Shu narsaga e'tibor berish kerakki, ichimlik shishalari etiketkasi mehmonlarga ko'rinib tursin. s
Stollar yaqinida bo'lmagan mehmonlar uchun ofitsiant stoldan gazak olib taklif qiladi, bunday hollarda mehmon stoldan bo'sh arelka oladi va ofitsiant unga gazak solib beradi. Ba'zi ofitsiant Patnisida esa gazak bilan bo'sh tarelkalar ham bo'ladi, u xohlagan taom yoki gazak solib olishi mumkinligini aytadi yoki o'ng qo'li bilan o'zi solib beradi. Ofitsiant foydalanilgan idishlarni yig'ishtirib oladi.
Mehmonlar sovuq gazaklarning asosiy qismini tamaddi qilib bo'lganlaridan so'ng (20-30 daqiqa), bosh ofitsiant ishorasi bilan ofitsiantlar issiq gazak berishni boshlaydilar. Issiq gazak, taomlar har bir kishi uchun alohida idishlarda keltiriladi. Issiq gazak va taomlarni ofitsiantlar ikki kishi bo'lib olib kelishi mumkin. Issiq ovqatdan so'ng har xil shirinliklar beriladi. Ularga tegishli anjomlar qo'yiladi.
Shampan vinosi va qadahlar keltiriladi. Patnislardagi qadahlarga vino quyib, har bir mehmon oldiga borib tavsiya qilinadi. Furshet - banket qahva ichish bilan yakunlanadi. Xohlovchilar bo'lsa, konyak ichishlari ham mumkin.
Butun xizmat qilish jarayonida ofitsiantlar stollarga qarab turadilar, foydalanilgan idishlar, bo'shagan shishalarni darrov yig'ishtirib oladilar, ularni yuvadigan xonaga topshiradilar va toza idishlarni olib kelib qo'yib turadilar. Xuddi shuningdek, kuldonlarni o'z vaqtida olib, tozalab keladilar yoki o'rniga tozasini almashtiradilar. Mehmonlar ko'p bo'lgan hollarda bu ishlarga alohida ofitsiant ajratiladi.
Zalda bir nechtagina stol bo'lsa, gazak, taomlar, ichimliklar bir vaqtda birdaniga beriladi. Stollar zalga kirish joyidan uzoqroqda bo'lsa, eng oldin ularga xizmat qilinadi.
Banket tugagach, yig'ishtirish ishlari quyidagi tartibda o'tadi: eng avval salfetkalar, shishalar, vazalar, anjomlar navbati bilan olinadi. Chinni, shisha idishlar yig'ishtiriladi. Stol ustiga solingan dasturxonlardan uvoq-ushoqlar salfetka bilan artib olinib, patnislarga solinadi. Dasturxonlar va ular ostiga solingan matolar o'rab olinadi va so'ngra pol supuriladi