Ildiz mevalarni saqlash va dastlabki qayta ishlash texnologiyasi

O’ZBeKISTON ReSPUBLIKASI OLIY VA O’RTA
MAXSUS TA‘LIM VAZIRLIGI


GULISTON DAVLAT UNIVERSITETI
“QXMQI va ICHT”kafedrasi
M.TO`RAQULOV
5620500 - «Qishloq xo’jalik mahsulotlarini yetishtirish, saqlash va ularni dastlabki qayta ishlash texnologiyasi» ta‘lim yo’nalishi uchun
"ILDIZ MEVALARNI SAQLASH VA DASTLABKI QAYTA ISHLASH TEXNOLOGIYASI"
fanidan


O`QUV - USLUBIY QO`LLANMA


GULISTON - 2011


Кириш
Қишлоқ хўжалиги таълим йўналишларида ўқиётган талабалар бу фанни ўрзлаштириш давомида қанд лавлаги ва илдиз меваликларга бирламчи ишлов бериш технологиясининг назарий асосларини, қанд лавлаги ва бошқа илдиз мевалиларни сақлаш, бирламчи ишлов бериш, қайта ишлаш бўйича илмий изланишлар олиб бориш, йўналишларини белгилаш, жойларда маҳсулотларга бирламчи ишлов беришнинг ҳолати, шароитларини ва қайта ишлаш жараёнини таҳлил этиш, янги замонавий қулай ва арзон технологик усулларни жорий қилишни ўрганиш, такомиллаштириш, қанд лавлаги ва илдиз меваликларга бирламчи ишлов бериш ишларини мунтазам равишда такомиллаштириб бориш, маҳсулотларни етилиш даврида ва вақтинча сақлашда рўй берадиган жараёнларни назарий таърифлари, уларни илмий асосда бошқариш ҳақида тасаввурга эга бўлиши, маҳсулот сифатини янада яхшилаш, исрофгарчиликка йўл қўймаслик, сақлаш усулларини тўғри танлаш, кам чиқимли қайта ишлаш технологиясини излаб топиш ва тадбиқ этиш, маҳсулотларни қадоқлашда янги идишлардан фойдаланишни, билиши, хом ашё етиштириш ва сақлашда турли омилларнинг таъсири, илғор технологияга ёндашиб хом ашёни қайта ишлашда исроф миқдорини камайтириш йўлларини излаш, қайта ишлашни ўрта ва кичик корхоналарда амалга ошириш, юзасидан кўникмаларга эга бўлиши лозим.


Ўқув фанининг максади- вазифалари
Фанни ўқитишдан асосий мақсади - илдиз меваларни сақлаш ва дастлабки қайта ишлаш технологияси ва хом ашёни вақтинча сақлаш ҳамда қайта ишлаш асослари бўйича билим бериш.
Фаннинг вазифаси-илдиз меваларни дастлабки қайта ишлаш технологиясининг назарий асосларини, илдиз мевалиларни сақлаш, бирламчи ишлов бериш, қайта ишлаш бўйича илмий изланишлар олиб бориш йўналишларини белгилаш, жойларда маҳсулотларга бирламчи ишлов беришнинг ҳолати, шароитларини ва қайта ишлаш жараёнини таҳлил этиш, янги замонавий қулай ва арзон технологик усулларни жорий қилишни ўрганиш, такомиллаштириш.