Ilmiy-metodik jurnali scientific-methodical journal ministry of public education of the

“Mumkin emas...” o‘yini
O‘yinning  maqsadi:  ishtirokchilarda  hayotda  duch  kelishi  mumkin  bo‘lgan 
muammolarni yechish yuzasidan ko‘nikma va malakalarni hosil qilish.
O‘yinning borishi:
 guruh ikkiga bo‘linadi. Birinchi guruh o‘z xohish-istaklarini bayon 
qiladi, ikkinchi guruh esa bunga rad javobini berishi kerak. O‘n minutdan keyin guruhlar 
o‘z o‘rinlarini almashadilar. O‘yin taxminan quyidagicha boshlanishi mumkin:
– Men bugun kechqurun diskotekaga bormoqchi edim.
–  Yo‘q,  mumkin  emas,  kech  bo‘lib  qoladi.  Yotoqxonaga  soat  to‘qqizdan  keyin 
kiritilmaydi.
– Men istalgan narsamni istalgan vaqtda sotib olishim mumkin.
– Yo‘q, bunday qila olmaysan. Chunki endi o‘zing uchun zarur barcha narsalarni o‘z 
hisobingdan sotib olishing kerak.
O‘yindan so‘ng xohishlarni rad qilish uchun qo‘llanilgan dalillar, ularning sabablari 
va mazmuni tahlil qilib chiqiladi. Boshlovchi quyidagicha xulosa qilsa bo‘ladi: “Asosli va 
asossiz  rad  etishlar  bor.  ko‘pincha  sizga  ba’zi  ta’qiqlar  asossizday  tuyulishi  mumkin, 
biroq ularda ham maqsad, mazmun borligini inkor eta olmaymiz. Agar biz istagimiz nega 
rad etilayotganligini anglasak, tushunsak, bunga ko‘nikishimiz osonroq bo‘ladi. Ba’zan 
o‘zimiz qilayotgan xatti-harakatlarimiz, istagimiz noo‘rin ekanligini ham anglab turamiz. 
Bunday holda tushunishimiz qiyin bo‘lgan kechinmalarni his qilamiz”.