Imarat hám inshaatlar quríLÍSÍ kafedrasí

4. Qánigelik pánlerden ámeliy shınıǵıwlarǵa qatnasıw hám olardıń analizin tayarlaw.
İlimiy pedagogikalıq jumısınıń tórtinshi bóliminde qánigelik pánlerinen ámeliy shınıǵıwlarǵa qatnasıwdı rejelestirdim.

3-A-B kurs, bakalavr ta’lim bag’dari studentleri ushin, Qurilis materiyallari ha’m buyimlari , qaraqalpaq toparı. 29.11.2022 j

Oqıtıwshı: J. Kamalov
Magistrant: K. Ismaylova
Pán: Qurilis konstrukciyalari
Tema: Tiykar ha’m fundamentlerdin’ ju’k ko’teriw qa’biletin aniqlaw.


Sabaqtıń analizi
Sabaq 14³⁰da baslandı, sabaqtın shólkemlestiriw bóliminde aldınǵı temanı tákirarlaw boldı, taza tema menen baylanıstırdı. Sabaq dawamında studentlerge qosımsha sorawlar beriw hám olarǵa temanı túsindiriwdegi oqıtıwshı menen studentlerdiń arasındaǵı qatnasıq itibarǵa ılayıq. Sabaqta statistikalıq usıldan paydalanılıp temaǵa tiyisli esaplar formulalar járdeminde studentlerge jeke hám taxtada birge islep kórsetildi. Sabaq dawamında oqıtıwshı tárepinen berilgan ayırım sorawlar juwapsız qaldı. Bul sorawlarǵa oqıtıwshı tárepinen túsinikler berildi. Sabaqtıń aqırında oqıtıwshı ótilgen temanı bekkemlew ushın blits soraw usılı arqalı tarqatpa material berdi hám onı studentler toltırıp tapsırdı. Oqıtıwshı keyingi sabaqqa tayarlanıp keliwi ushın tapsırmalar berdi. Sabaq 15⁵⁰ de tamamlandı.
Juwmaq: Sabaq processinde baqlaw dawamında, tema boyınsha tereń tayarlıqqa iye bolıw hám hár qanday sorawǵa tayyar turıw kerek ekenligin túsindim.


5. Ámeliy shınıǵıwlardı alıp barıw hám onı shólkemlestiriw ushın joba-konspekt dúziw

İlimiy pedagogikalıq jumıs tapsırmasınıń besinshi punktinde qánigelik pánlerden birewinen ámeliy shınıǵıwlardı alıp barıw hám onı shólkemlestiriw boyınsha joba-konspekt dúziw názerde tutılǵan.

Ameliy jumis: Beton u’lgisinin’ qisiliwg’a bolg’an bekkemliligin sinaw
Beton aralaspasınıń bikrligi aldınnan qálipke quyıp tayarlanǵan beton aralaspası konusınıń tıǵızlasıp, tegis halatqa kelgenge shekem sarıp bolǵan waqıt (sekundta) penen anıqlanadı.
Beton aralaspasınıń bikrligi tómendegishe anıqlanadı: biyikligi 200 hám ishki diametri 240 mm bolǵan cilindr formasındaǵı halqa laboratoriya vibraciya stolına bekkem ornatıladı: halqaǵa standart konus ornatıladı, joqarıda kórsetilgen usılda beton aralaspası menen toltırıladı hám qálip alınadı; ásbap diski shtativ járdeminde beton aralaspası betine tiygenge shekem tómenge túsiriledi; bir waqıttıń ózinde vibrostol hám sekundomer iske túsiriledi hám beton aralaspası tıǵızlasıp tegislenedi; beton aralaspasınıń tıǵızlasıwı nátiyjesinde ajıralıp shıqqan cement qamırı disktiń diametrdegi tesiklerinen suzib shıǵıwı menen vibraciya toqtatıladı. Beton aralaspasın vibraciyalap tıǵızlastırıw ushın sarıp bolǵan waqıt (sek) onıń bikrligin ańlatadı.
Beton aralaspanıń sırtqı fizikalıq-mexanikalıq faktorlar tásirinde qatlamlanbaslıq qásiyeti baylanısıwshańlıqtı ańlatadı. Beton aralaspası tasılıp atırǵanda, qálipleniw processinde qatlamlanıwı, yaǵnıy suw-cement aralaspası toltırǵıshlardan óz aldına ajıralıwı múmkin.
Beton aralaspasınıń baylanısıwshańlıq dárejesin plastiklik dárejesi menen anıqlaw múmkin. Baylanısıwshańlıǵı jeterli bolmaǵan beton aralaspası standart konustı toltırıw hám tıǵızlastırıw processinde qatlamlanadı hám qálip sheshilgennen keyin, payda bolǵan beton konus shashıladı yamasa qulaydı.