Imarat hám inshaatlar quríLÍSÍ kafedrasí

Ámeliy shiniǵiwlar orinlaw ushin metodikaliq kórsetpe tayarlaw

Beton, aǵash, tábiyiy taslar, gips hám hák baylanıstırıwshılar tiykarındaǵı materiallar hám basqalardı polimerler menen modifikaciyalaw usılında olardıń qásiyetlerin jaqsılaw múmkin. Polimerler menen modifikaciyalanǵan qurılıs materiallarınıń bekkemligi, deformativ qásiyetleri, ximiyalıq agressiv ortalıqlarǵa shıdamlılıǵı joqarı boladı. Modifikaciyalanǵan materiallardıń edirilishga, soqqıǵa shıdamlılıǵı joqarı boladı, dinamikalıq kúshleniwlerge qarsılıq kórsetiw qásiyeti artadı.

Modifikaciyalanǵan qurılıs materialları kompozicion material bolıp, bul jerde material ádetde karkas yamasa birlemshi faza wazıypasın, polimer bolsa modifikaciyalawshı matrica yamasa qosımsha wazıypasın óteydi.
Cementli betonlar polimercementli beton, betonopolimer hám polimer qaplamalı beton kórinislerinde modifikaciyalanadı.
Polimercementli beton cement massasına salıstıǵanda 17-20% polimer qosılıp tayarlanadı. Bunda polimer qatıp bekkem ózine tán karkas payda etiwi nátiyjesinde betonnıń qásiyetleri jaqsılanadı. Mineral baylanıstırıwshı sıpatında portlandcementten tısqarı puccolanlı, shlaklı cementler, silikatlı hám gipsli baylanıstırıwshılar da isletiliwi múmkin.
Polimer zatlar sıpatında polivinilacetat (PVA), SGS-65 GP lateksleri, suwda eriytuǵın epoksid, aceton-formaldegid polimerleri hám basqalar qollanıladı. Polimerler ádetde beton aralaspası tayarlanıp atırǵan payıtda qosıladı.
Betonǵa PVA emulsiyasın kiritip betonnıń sozılıwdaǵı hám iyiliwdegi bekkemligin asırıw múmkin. Biraq PVA emulsiyası qosılǵan betonlar qurǵaq orınlarda (hawanıń salıstırmalı ıǵallıǵı 40-50% ke shekem) isletiwge mólsherlengen. Olardıń hawada kirishishi ápiwayı betonǵa salıstırǵanda joqarı boladı. Bunıń sebebi PVA emulsiyası quramınan suwdıń puwlanıwı hám polimerdiń plenka halatına ótiwi bolıp esaplanadı.
Polimercementli betonlar sanaat imaratları, skladlar polları, aerodrom hám jol qaplamaları qurılısında, antikorroziyalıq qaplamalar alıwda temirbeton konstrukciyalar shokların bekitiwde hám basqalarda isletiledi.

8.