Impex insurance

Foyda solig’ning jami daromaddan barcha chegirib tashlanadigan xarajatlar tarkibi va mohiyati

Reja. 1.Foyda solig’i haqida. 2.Foyda solig’i bazasi. 3.Soliq kodeksidagi foyda solig’idan chegiriladigan xarajatlar to’g’risidagi ma’lumotlar.

Foyda solig’i mamlakatimizdagi to’g’ri soliqlar tarkibiga kirib budjetga tushumi bo’yicha birinchi o’rinda turuvchi soliq hisoblanadi, to’g’ri soliqlar orasida. Jami soliqlar Ichida esa ikkinchi o’rinda turadi. Hozirgi kunda foyda solig’i stavkasi 15 % hisoblanadi. Mamlakatimizning soliq bo’yicha rag’batlantiruvchi siyosati bo’yicha foyda solig’ining tabaqalashtirilgan stavkalari mavjud. Soliq kodeksining 294- moddasida foyda solig’ining to’lovchilari keltirilgan.

Foyda solig’i to’lovchilari tarkibi

1) O‘zbekiston Respublikasining soliq rezidentlari bo‘lgan yuridik shaxslar;

2) O‘zbekiston Respublikasining norezidentlari bo‘lgan yuridik shaxslar, shuningdek O‘zbekiston Respublikasida faoliyatni doimiy muassasalar orqali amalga oshiradigan, yuridik shaxs tashkil etmagan holdagi chet el tuzilmalari;

3) O‘zbekiston Respublikasidagi manbalardan daromadlar oluvchi O‘zbekiston Respublikasi norezidentlari bo‘lgan yuridik shaxslar (bundan buyon ushbu bo‘limda norezidentlar deb yuritiladi);

4) soliq to‘lovchilar konsolidatsiyalashgan guruhining mas’ul ishtirokchilari bo‘lgan yuridik shaxslar;

5) soliq davrida tovarlarni (xizmatlarni) realizatsiya qilishdan olgan daromadlari bir milliard so‘mdan ortiq bo‘lgan yoki o‘z ixtiyori bilan foyda solig‘ini to‘lashga o‘tgan yakka tartibdagi tadbirkorlar;

6) oddiy shirkat shartnomasi (birgalikdagi faoliyat to‘g‘risidagi shartnoma) doirasida amalga oshiriladigan faoliyat bo‘yicha oddiy shirkatning ishonchli shaxsi.

Foyda solig’i bazasi : Soliq Kodeksning 295-moddasiga muvofiq aniqlanadigan, soliq solinishi lozim bo‘lgan foyda summasi soliq bazasi hisoblanadi. Soliq bazasini ushbu bo‘limda belgilangan tartibda va shartlarda aniqlashda soliq to‘lovchi daromadlarining va xarajatlarining ayrim turlari maxsus qoidalar bo‘yicha inobatga olinishi yoki inobatga olinmasligi mumkin.