Tizimni modellashtirish natijalarining tahlili.
EHMda hisoblashlar natijasida olingan chiqish ma’lumotlarini samarali tahlillash uchun ishchi hisoblar natijalari bilan nima qilish va ularni qanday talqin etish kerakligini bilish lozim. Bu masalalar S tizimni modellashtirishning ikkita birinchi bosqichlarida dastlabki tahlil asosida yechilishi mumkin. model bilan mashinali tajribani rejalash chiqish ma’lumotlarning kerakli miqdorini chiqarish va ularning tahlil usulini aniqlashga imkon beradi. Bunda faqatgina keyingi tahlil uchun kerak bo‘ladigan natijalar bosmaga berish hamda modellashtirish natijalarini qayta ishlash va bu natijalarni eng ko‘rgazmali ko‘rinishda ifodalash nuqtayi nazaridan EHM ning imkoniyatlaridan to‘laroq foydalanish kerak. Natijalarni EHM dan chiqarishdan oldin ularning statistik tavsiflarni hisoblash, mashinani qo‘llash samaradorligini oshiradi va EHM dan chiqqan axborotni qayta ishlashni minimumga olib keladi.
Modellashtirish natijalarini keltirish.
Ilgari belgilanganidek, modellashtirishning uchinchi bosqichida modellashtirishning oxirgi natijalarini jadvallar, grafiklar, diagrammalar, sxemalar va shu kabilar ko‘rinishida ifodalashga asosiy e’tiborni qaratish lozim. Har bir aniq holda eng to‘g‘ri keladigan shaklni tanlash maqsadga muvofiq, chunki bu buyurtmachi tarafidan ularni keyingi foydalanish samaradorligiga katta ta’sir ko‘rsatadi. Ko‘p holatlarda eng oddiy shakl jadvallar hisoblanadi, hattoki S tizimning modellashtirish natijasini grafiklar ko‘proq ko‘ragzmali tasvirlaydi. Modellashtirishning dialogli rejimlarida displeylar modellashtirish natijalarini operativ aks ettiradigan eng oqilona vositalardir.
Modellashtirish natijalarining talqini.
Modellashtirish natijalarini olib va tahlillab bo‘lib, ularni modellanayotgan obyektga, ya’ni S tizimga nisbatan talqin qilish kerak. Bu nimbosqichning asosiy mazmuni model orqali mashinali tajriba o‘tkazish natijasida olingan axborotdan modellashtirish obyektiga qo‘llaniluvchi axborotga o‘tish. Buni asosida tadqiqlanayotgan S tizimning ishlash jarayoni tavsiflariga nisbatan xulosalar chiqariladi.
Do'stlaringiz bilan baham: |
