Institutlari

Talassemiya.  (O’rta  er  dengizi  anemiyasi,  kuli  anemiyasi).  Kasallik 

negizini gemoglobin peptid zanjirlari tuzilishidagi genetik buzilishlar natijasida 

to’la  qimmatli  bo’lmagan  eritrotsitlar  ishlab  chiqarilishi  tashkil  qiladi. 

Kasallikning 

engil 

turlari 

simptomlarsiz 

kechadi 

va 

gematologik 

tekshirishdagina  topilishi  mumkin.  Kasalakning  og’ir  turlari  teri  qoplamining 

sarg’imtir  tus  olishi,  kalla  suyagi  tuzilishidagi  yaqqol  buzilishlar  (boshning 

kattaligi,  jag’larning  kuchli  rivojlanganligi,  burun  ildizining  ichiga  tortilgani) 

bilan  yuzaga  chiqadi.  Aksariyat  bemorlar,  tez-tez  infektsion  kasalliklarga 

 

526 

chalinib  turishlarini  qayd  etadilar.  Tekshirishda  jigar  va  taloq  o’lchamlarining 

kattalashgani  aniqlanadi.  Gematologik  tekshirishda  o’ziga  xos  «nishon» 

xujayralar  topiladi,  eritrotsitlarning  osmotik  rezistentligining  ortganligi  ma’lum 

bo’ladi.  Trombotsitlar  miqdori  normal  bo’lgani  holda,  qonda  leykotsitlar  va 

retikulotsitlarning  miqdorining  ko’payganligini  qayd  qiladilar.  Qon  billirubini 

normadan bir muncha yuqori, zardobdagi temir kontsentratsiyasi ancha oshgan. 

O’t  toshlari  25%  bemorlarda  paydo  bo’ladi.  Talassemiyada  splenektomiya 

palliativ  operatsiya  hisoblanib,  zarur  bo’lgan  gemotransfuziyalar  miqdorini 

kamaytirishga  va  juda  kattalashib  ketgan  taloq  bilan  bog’liq  bo’lgan 

noqulayliklarni tugatishga imkon beradi.  

Ortirilgan  gemolitik  anemiya  –  autoimmun  kasallik  hisoblanib,  uning 

negizida  o’z  eritrotsitlariga  qarshi  antitanalar  (antitelo)  hosil  qilish  yotadi. 

Kasallikka har xil fizik va kimyoviy ta’sirlar, dorilar, infektsiyalar turtki bo’ladi. 

Ortirilgan  gemolitik  anemiyali  bemorning  eritrotsitlari,  o’z  tarkibida  anomal 

proteinlar,  bunda  bemorlarining  qon  zardobi  esa  immunoglobulinlar  IgG 

(gammaglobulin) saqlaydi. Bular o’z eritrotsitlari va normal donor eritrotsitlarini 

aglyutsinatsiya  qilish  qobiliyatiga  ega  bo’ladi.  Klinik  jihatidan  kasallik  deyarli 

tug’ma  gemolitik  anemiya  kabi  kechadi.  Biroq  ortirilgan  anemiya  uchun, 

kasallikning aksari 50 yoshdan oshgan ayollarda boshlanishi, gemolitik krizlarga 

moyillik,  bir  muncha  og’ir  (tug’ma  turidan  farqli)  kechishi  xos  bo’ladi. 

Splenomegaliya  bemorlarning  yarmida  qayd  qilingan,  bunda  ko’pincha 

gepatomegaliya  ham  topiladi.  Limfatik  tugunlarning  kattalashuvi  birmuncha 

kamroq  kuzatiladi.  Qon  tahlillarida  o’rtacha  anemiya  aniqlanadi.  Bilvosita 

billirubin  miqdorining  ortishi,  eritrotsitlarning  osmotik  rezistentligi  kam 

o’zgaradi.  Kumbs  bevosita  va  bilvosita  reaktsiyasi  ko’pchilik  bemorlarda 

musbat bo’ladi.  

Davolash  sensibilizatsiya  qiladigan  omillarni  bartaraf  etishdan  (ularni 

aniqlash  va  tugatishga  hamma  vaqt  ham  muvaffaq  bo’linmaydi),  antitanalar 

ishlanishini 

to’xtatish 

(kortikosteroidlar), 

yuvilgan 

donor 

eritrotsitlari 

transfuziyasidan  iborat.  Antitanalardan  aglyutsinatsiyalangan  eritrotsitlar  faqat 

 

527 

taloqdan  emas,  balki  butun  retikuloendotelial  sistema  tomonidan  yutilishi  va 

emirilishi munosabati bilan splenektomiya hamma vaqt ham, kutilgan natijalarni 

beravermaydi.  

Splenektomiyaga  ko’rsatma  bo’lib  kortikosteroid  preparatlar  qo’llanib 

bo’lmasligi  va  steroid  muolajaning  naf  bermasligi,  tez-tez  gemolitik  krizlar 

bo’lib  turishi,  yaqqol  gipersplenizm  hodisalari  xizmat  qiladi.  Agar  ko’pchilik 

eritrotsitlar jigardan emas taloq tomonidan emirilsa, buni shu a’zolarni Cr

51

 bilan 

nishonlangan  eritrotsitlar  qo’llanib  aniqlash  mumkin  bo’lsa,  splenektomiya 

yaxshi  natija  berishi,  remissiya  davrlarining  uzayishi  mumkin.  Biroq 

splenektomiyadan  keyin  ham  kasallik  qaytalanishi,  hatto  gemolitik  krizlar 

rivojlanishi  mumkin,  buni  endi  retikuloendotelial  sistemasining  boshqa 

a’zolarida  saqlanib  qolgan  faoliyati  bilan  bog’lanadi.  Shuning  uchun  ham 

operatsiyadan keyin steroid muolajani davom ettirishga to’g’ri keladi. 

Trombotsitopenik  purpura  (Verlgof  kasalligi)  –  gemorragik  diatez 

birdan  namoyon  bo’ladi.  Kasallikning  etiologik  omillari  bugungi  kungacha 

topilmagan.  Lekin,  kasallikning  kelib  chiqishida

 

neyroendokrin  buzilishlar, 

bakterial  va  virusli  infektsiya  ma’lum  jihatda  rol  o’ynaydi.  Kasallikning  o’tkir 

va surunkali turlari farqlanadi. O’tkir turi asosan bolalarda uchraydi va bir necha 

kunlar,  haftalar  yoki  oylar  mobaynida  rivojlanadi.  Kasallikning  surunkali  turi 

yillar  davomida  kechadi  va  aksariyat  ayollarda,  ayniqsa  voyaga  etish  davrida 

aniqlanadi.  Verlgof  kasalligi  gemorragik  sindrom  patogenezida  etakchi  o’rinni 

trombotsitopeniya,  trombotsitlarning  adgeziv  xususiyatlarining  buzilishi  va 

gipokoagulyatsiya  muhim  o’rinni  egallaydi.  Bu  kasallikda  kapilyarlarning 

mo’rtligi  va  me’yordan  oshgan  o’tkazuvchanligi  qayd  etiladi.  Bu  kasallik 

patogenezida  taloqning  roli  oxirigacha  ma’lum  emas.  Taloq  antitrombotsitar 

antitanalar  ishlanishida  qatnashadi,  aylanib  yuragan  trombotsitlarni  aktiv  tutib 

oladi,  emiradi  va  ehtimol,  suyak  ko’migining  trombotsitlar  hosil  qilish 

xususiyatiga pasaytiruvchi ta’sir ko’rsatadi deb hisoblaydilar.  

Klinik  manzarasi:  kasallik  shilliq  parda  osti  va  teri  ostiga  qon  quyilishlar, 

bachadondan  qon  ketishlar  (ayniqsa  reproduktiv  davrdagi  ayollarda),  burun  va 

 

528 

milklar  qonashi  bilan  yuzaga  chiqadi.  Me’da-ichak  sistemasidan  qon  ketish, 

makrogematuriya  va  miyaga  qon  quyilish  birmuncha  kamroq  uchraydi.  Yuza 

jarohat  va  tirnalishlardan  qon  oqish  xarakterli,  bu  hollarda  sog’  odamda  qon 

oqmaydi  yoki  juda  kam  oqadi.  Ob’ektiv  tekshirishda  teri  qoplamlarining 

rangparligini,  teri  ostiga  ko’p  sonli  qon  quyilishlarni  topish  mumkin.  Ular 

ko’pincha ko’krak, qorinning oldingi yuzasida, oyoq-qo’llarda joylashadi, og’iz 

bo’shlig’ida, ko’z soqqalarida shilliq parda ostiga qon quyiladi. Teri ostiga qon 

quyilishilar kattaligi bir necha millimetrdan bir necha santimetrgacha kattalikda 

bo’ladi.  Jigar  va  taloq  kattalashmagan.  Faqat  2%  bemorlarda  paypaslaganda 

kattalashgan  taloqni  topish  mumkin.  Jgut  simptomi  (Konchalovskiy-Rumpel-

Leede) musbat bo’ladi.  

Qon  umumiy  analizida  anemiya  yaqqol  ifodalangan  bo’lishi  mumkin, 

trombotsitlar sonining 50 x 10

9

/l gacha pasayishi yoki 1 mm² da 5000 va bundan 

kam  bo’lishi  mumkin.  Kasallik  qo’ziganda  va  ayniqsa  qon  ketish  vaqtida 

trombotsitlar  miqdori  nolgacha  pasayishi  mumkin.  Qon  ivish  sistemasi 

tekshirilganda  gipokoagulyatsiya  aniqlanadi.  Qon  oqish  vaqti  uzayishi,  g’ovak 

qon  ivindisi  hosil  bo’lishi,  qon  ivish  vaqti  va  protrombin  vaqti  normada 

bo’lganda,  unda  retraktsiya  yo’qligi  bilan  xarakterlanadi.  Suyak  ko’migi 

surtmalarida  megakariotsitlarning  trombotsit  hosil  qiladigan  turlari  sonining 

ancha pasayishi aniqlanadi. Trombotsitopenik purpurani davolash usulini tanlash 

bemorning  yoshiga,  trombotsitopeniya  davomiyligiga,  kasallikning  turiga  va 

o’tkazilayotgan davolanishning samaradorligiga bog’liq bo’ladi. 

Prognozi:  16  yoshgacha  bo’lgan  kasallikning  o’tkir  turi  bilan  kasallangan 

bolalarda davolash yaxshi natija beradi. Adekvat kortikosteroid davolash qonda 

trombotsitlar 

miqdorini 

oshirishga, 

gemorragik 

diatez 

hodisalarini 

kamaytirishga,  keyinchalik  esa  sog’ayishga  yoki  deyarli  80%  bemorlarda 

davomli klinik remissiyaga erishiladi. 

Davolash:  kasallikning  o’tkir  turi  bo’lgan  katta  yoshdagi  odamlarda 

qiyinchilik  tug’diradi.  Steroid  davolash  ham,  splenektomiya  ham  qo’llanilishi 

mumkin.  Qon  ketish  payti  xirurgik  operatsiya  o’tkazishning  xavfi  katta,  biroq 

 

529 

qon  ketishini  dori  vositalari  bilan  to’xtatishga  muvaffaq  bo’linmaganda, 

operatsiya zarur chora-tadbirdir. Trombotsitopenik purpuraning surunkali turlari 

davolashda dori vositalaridan: kortikosteroid preparatlar bilan davolash, qon va 

uning    tarkibiy  qismlarini  quyish  ta’sirchan  muolajadir.  Dori  vositalari  bilan 

davolash 60% hollarda qon trombotsitlari sonining ortishi bilan o’tadi, davomli 

klinik effekt esa faqat 30% bemorlarda kuzatiladi. Dorilar bilan davolash yaxshi 

natija  bermasa,  kasallik  tez-tez  qaytalanib  tursa,  splenektomiya  qilish  kerak. 

Operatsiya  o’tkazish  vaqtida  qo’shimcha  taloqlar  bo’lishi  mumkinligini 

unutmaslik  lozim  bo’ladi.  Ularni  qoldirish  operatsiya  natijasini  yaxshi 

tugamasligiga  sabab  bo’lishi  mumkin.  Splenektomiyadan  so’ng  davomli 

remissiyalar  60-90%  bemorlarda  kuzatiladi.  Splenektomiyadan  keyin  steroid 

terapiya,  shuningdek immunodepressantlar  (azatioprin, tsiklofosfan va  b.)  bilan 

davolash samaralidir. 

Infektsion  yallig’lanish  kasalliklarida  ikkilamchi  gipersplenizm.  Ba’zi 

bir  o’tkir  infektsion  kaslliklarda  eritrotsitlarning  qisman  gemolizi,  shuningdek 

ularning  suyak  ko’migi  tomonidan  ishlanishining  pasayishini  kuzatiladi.  Bu 

retikuloendotelial  sistemaning  giperreaktivligi  sababli  ro’y  beradi.  Bu  xil 

splenomegaliya,  keyinchalik  ikkilamchi  gipersplenizmning  rivojlanishi  bilan 

bog’liq  bo’ladi.  O’tkir  infektsiyani  tegishlicha  davolash  gipersplenizm 

simptomlarining yo’qolishiga olib keladi. 

Surunkali  yallig’lanish  va  parazitar  kasalliklari.  Retikuloendotelial 

sistema  to’qimalarining  giperplaziyasi  bilan  o’tishi  mumkin  va  keyinchalik 

splenomegaliya  va  gipersplenizmga  olib  kelishi  mumkin.  Ikkilamchi 

gipersplenizmning  eng  ko’p  uchraydigan  sabablaridan  biri  bezgak  hisoblanadi. 

Bezgakda  taloq  juda  katta  o’lchamlargacha  kattalashib,  yaqqol  gipersplenizm 

hodisalarini, atrofdagi a’zolarning ezilishini keltirib chiqaradi. Bundan tashqari, 

bezgakda  kattalashib  ketgan  taloq  birdaniga  yorilib,  qon  ketish  xavfini 

tug’diradi. 

Portal  gipertenziya  va  taloq  venasi  trombozida  gipersplenizm. 

Aksariyat  jigar  tsirrozi  oqibatida  yuzaga  kelgan  portal  gipertenziyada  va 

 

530 

infektsion  kasallikni  boshdan  kechirish  natijasida  taloq  venasi  trombozi  (Banti 

sindromi), 

qopqa 

vena 

sistemasidagi 

bosimning 

ortishi, 

taloqning 

splenomegaliya  o’lchamlarigacha  kattalishishiga  va  pantsitopeniya  holati  bilan 

yuzaga  chiqadigan  ikkilamchi  gipersplenizmga  olib  keladi.  Splenektomiya 

gipersplenizm  hodisalarini  tugatadi.  Ba’zan  qopqa  vena  sistemasidagi 

sindromini  davolash  uchun  xirurgik  operatsiyani  portokaval  anastomoz  bilan 

to’ldirishga  to’g’ri  keladi.  Banti  sindromida  splenektomiya  yaqqol  portal 

gipertenziya 

rivojlanishiga 

qadar 

samaralidir. 

Portal 

gipertenziyada 

splenektomiya  qopqa  vena  sistemasida  venoz  bosimining  sezilarli  kamayishiga 

olib kelmaydi.  

Goshe  kasalligi.  Bu  kasallikda  bemor  qonida  anomal  lipoidlar  –  kerazin 

paydo  bo’lib,  u  retikuloendotelial  xujayralari  va  avvalo  taloq  tomonidan  aktiv 

tortib  olinadi.  Bu  a’zolarda  Goshe  kerozin  xujayralari  hosil  bo’ladi.  Kasallik 

etiologiyasi  kam  o’rganilgan.  Kasallikning  oilaviy  xarakteri  xaqida  axborotlar 

bor.  Kasallik  ikki  turda:  o’tkir  va  surunkali  kechishi  mumkin.  O’tkir  turida 

splenomegaliya  va  gipersplenizm  tez  rivojlanadi,  klinik  jihatidan  gemorragik 

diatez  bilan  birga  yuzaga  chiqadi.  Kasallikning  surunkali  turi  bolalik  yoshida 

boshlanadi,  uzoq  vaqt  (ba’zan  bir  necha  10  yillargacha)  davom  etadi. 

Splenomegaliya  rivojlanishiga  qadar  kasallik  belgilari  ifodalanmaydi.  Kasallik 

belgilari  rivojlanib  ketgan  bosqichida,  gemosiderin  yig’ilishi  sababli  qo’l 

panjalari  va  yuz  terisi  sarg’ish  yoki  jigar  rang  tus  oladi.  Yirik  bo’g’imlar 

sohasidagi teri qizaradi va bir oz shishadi, kon’yuktiva o’ziga xos qalin tortadi, 

ba’zan sonning pastki uchdan bir qismida to’g’nog’ichsimon qoplamalar paydo 

bo’ladi.  Bemorda  o’rtacha  anemiya,  ba’zi  hollarda  gemorragik  diatez 

simptomlari  xarakterli.  Ob’ektiv  tekshiruvda  yaqqol  splenomegaliya  (ba’zan 

taloq  qorin  bo’shlig’ini  deyarli  butunlay  egallaydi),  jigarning  o’rtacha 

kattalashuvi  aniqlanadi.  Periferik  limfatik  tugunlar  odatda  kattalashmagan 

bo’ladi.  Sariqlik  va  astsit,  odatda  bo’lmaydi.  Qon  tahlillarida  o’rta  darajadagi 

anemiya,  leykopeniya,  trombotsitopeniya  e’tiborni  tortadi.  Diagnoz  suyak 

ko’migi  punktatida  yoki  taloqda  Goshe  xujayralari  topilganda  uzil-kesil 

 

531 

tasdiqlanadi.  Goshe  kasalligini  davolashning  birdan  bir  ta’sirchan  usuli 

splenektomiya  hisoblanadi.  Biroq,  bu  ham  bemorning  batamom  sog’ayib 

ketishiga  olib  kelmaydi.  Operatsiyadan  keyin  bemorni  iztirobga  soladigan, 

kattalashib ketgan taloq tufayli yuzaga kelgan gipersplenizm belgilari yo’qoladi. 

Limfogranulematoz  (Xojkin  kasalligi).  Bu  limfoid  to’qimaning  sistem 

o’sma kasalligi. Morfologik jihatidan limfatik tugunlar to’qimasini ko’p yadroli 

gigant Berezovskiy-Shternberg xujayralari va ularning ajdodi bir yadroli Xojkin 

xujayralaridan  infiltratlanishi  aniqlanadi.  O’sma  jarayoni  ko’proq  limfatik 

tugunlarni (bo’yin, qorin pardasi orti, mediastenal, chov sohasidagi), shuningdek 

lifoid to’qimaga boy a’zolar: taloq, jigar, suyak ko’migini zararlantiradi. Boshqa 

ichki  a’zolarning  zararlanishi  juda  kamdan  kam  kuzatiladi.  Aksariyat  20-40 

yoshdagi erkaklar kasallanadilar. Kasallik remissiyalar va qo’zish davrlari bilan 

tsiklli kechadi va o’rta hisobda 2-5 yil davom etadi. Kasalikning 10 yil bundan 

uzoq vaqt kechadigan «xavfsiz» nomini olgan turlari to’g’risida ham axborotlar 

mavjud. Limfogranulematozning g’oyat jadal sur’atda kechishiga oid kuzatuvlar 

ham  bor.  Bu  holda  kasallikning  birinchi  yilidayoq  (o’tkir  limfogranulematoz) 

bemor nobud bo’ladi. Kasallik rivojlana borish jarayonida lokal, chegaralangan 

xarakterga  ega  bo’ladi,  limfatik  tugunlarning  muayyan  guruhi  zararlanadi.  Bir 

muncha  kechikkan  bosqichlarida  o’sma  jarayoniga,  turli  a’zolarda  joylashgan 

limfatik tugunlar, taloq, o’pka, jigar va boshqalar tortiladi.  

Xalqaro  klinik  klassifikatsiyasiga  ko’ra  limfogranulematozning  4  bosqichi 

farq qilinadi. 

1-bosqich (lokal turlar) – diafragmaning bir tomoni bo’ylab joylashgan bir 

yoki ikkita yondosh limfatik tugunlar guruhlarining zararlanishi. 

2-bosqich (regionar turlar) – diafragmaning bir tomoni bo’ylab joylashgan 

ikkita  yoki  undan  ko’p  yondosh  bo’lmagan  limfatik  tugunlar  guruhlarining 

zararlanishi; 

3-bosqich  (avj  olib  ketgan  turlari)  –  diafragmaning  ikki  tomoni  bo’ylab 

limfatik tugunlarining zararlanishi va jarayonga taloqning tortilishi; 

 

532 

4-bosqich  (disseminatsiyalangan  turi)  –  ko’pgina  limfatik  tugunlar 

guruhlari va ichki a’zolarining zaralanishi. 

Kasallikning  har  bosqichida  intokiskatsiyaning  yo’qligi  (a)  yoki  bir  necha 

simptomlar  borligiga  ko’ra  (b),  kichik  bosqichlari  (tana  haroratining  37-38º 

gacha  oshishi,  tungi  kuchli  terlashlar,  terdagi  qichima,  tez  ozib  ketish)  farq 

qilinadi. 

Limfogranulematoz  o’z  rivojlanishida  umumiy  behollik,  lohaslik,  mehnat 

qobiliyatining  pasayishi,  teri  qichishi  bilan  namoyon  bo’ladi.  Isitma  kuzatilib, 

o’ziga xos to’lqinsimon tabiatga ega bo’ladi, bunda yuqori gipertermiya davrlari 

tana  haroratining  normal  bo’lishi  bilan  almashinadi.  Kasallik  avj  olib  borgan 

sayin gipertermiya davrlari tobora ko’proq paydo bo’ladi. Limfogranulematozga 

g’oyat  xos  belgi  –  limfatik  tugunlarning  o’lchamlarini  kattalashuvidir.  Bunda 

kasallikning boshlang’ich jarayonida bo’yin limfatik tugunlarini egallaydi (orqa 

guruhini).  Paypaslaganda  limfatik  tugunlar  yumshoq,  zlastik  konsistentsiyada, 

og’rimaydi, harakatchan bo’ladi. Kasallikning kechikkan bosqichlarida limfatik 

tugunlar kattiqlashib qoladi, o’zaro qo’shilib ketadi va harakatsiz bo’lib qoladi. 

Limfatik  tugunlarning  mediastenal  guruhi  zararlanganda  ko’ks  oralig’idagi 

hayotiy muhim a’zolarning ezilishi bilan o’tadigan yuqori kovak vena sindromi, 

Gorner  sindromi,  tovushning  bo’g’ilib  qolishiga  bog’liq  bo’lgan  bir  kator 

belgilarni topish mumkin. Abdominal va qorin pardasi ortidagi limfatik tugunlar 

guruhlari  zararlanganda  uzoq  vaqtga  cho’ziladigan  ich  ketish  boshlanadi. 

Kasallik  cho’zilgan  sayin,  intoksikatsiya  belgilari,  kaxeksiya  ortib  boradi. 

Ob’ektiv  tekshirilganda  bemorlarning  taxminan  2/3  qismida  splenomegaliyani 

topish  mumkin.  Taloq  qattiq,  elastik  konsitentsiyali,  uning  yuzasi  silliq, 

paypaslaganda  o’rtacha  og’riq  paydo  bo’ladi.  Anchagina  kattalashgan  taloq 

ba’zan  chap  qovurg’alar  orqasida  o’z-o’zidan  og’riq  sezgilarini  paydo  qiladi. 

O’sma jarayoni faqat taloqni tanlab zararlantirishi mumkin, bu holda kasallik bir 

muncha  xavfsiz  kechadi.  Taloq  ancha  kattalashganda  perisplenit,  taloqning 

qaytalanuvchi  infarktlari  rivojlanadi.  Klinik  jihatdan  chap  qovurg’alar  ostida 

kuchli  og’riqlar,  gipertermiya  ko’rinishida  yuzaga  chiqadi.  Qon  tahlilida 

 

533 

o’rtacha  gipoxrom  anemiya,  neytrofilez,  limfopeniya,  biroz  eozinofiliya, 

trombotsitopeniya  aniqlanadi.  EChT  odatda  bir  muncha  tezlashgan  bo’ladi. 

Limfogranulematozning 

mediastenal 

turida 

ko’ks 

oralig’i 

soyasining 

kengayganligi  aniqlanadi.  So’nggi  yillarda  limfogranulematozli  bemorlarni 

klinik tekshirish dasturiga ichak tutqichi, paraaortal limfatik tugunlar biopsiyasi 

bilan  diagnostik  laparotomiya,  splenektomiya  operatsiyasi  kiritilgan.  Bu  o’sma 

jarayonining tarqalganligini aniqlash imkonini berib, dorilar bilan davolashning 

eng  maqul  usulini  tanlashga  va  kasallikning  kechishi  va  prognozida  yordam 

beradi.  Splenektomiya  limfogranulematozning  lokal  turida  ifodalangan 

gipersplenizmda,  ko’krak  hamda  qorin  bo’shliqlari  a’zolarining  ezilishi  bilan 

bog’liq splenomegaliyada tavsiya etiladi. Kasallik bosqichi aniqlangandan so’ng 

zararlangan  limfatik  tugunlar  guruhi  rentgen  nuri  bilan  davolanadi  va 

tsitostatiklar qo’llaniladi. 

Prognozi  (oqibati).  Jarayonning  klinik  bosqichiga  va  uning  kechish  turiga 

bog’liq. Kasallikning 1-3 bosqichlaridagi 80% bemorlarda to’g’ri davolash olib 

borilganda  sog’ayishga  yoki  uzoq  muddatli  (10  yildan  ko’p)  remissiyalarga 

erishish mumkin bo’ladi.  

Surunkali  leykoz  –  qon  yaratilishida  ishtirok  etuvchi  a’zolarning  sistem 

kasalligi  hisoblanadi.  Surunkali  leykozlarning  ko’proq  uchraydigan  2  ta  turi 

tafovut  qilinadi:  surunkali  mieloleykoz  va  surunkali  limfoleykoz.  Mieloleykoz 

uchun,  qonda  mielopoezning  o’tmishidan  xujayralar,  ya’ni  etilmagan 

xujayralarning  paydo  bo’lishi  xos.  Bu  kasallik  suyak  ko’migi,  taloq,  jigar, 

limfatik  tugunlar  giperplaziyasi  bilan  o’tadi.  Limfoleykoz  qonda  limfoid 

qatorning  etilmagan  xujayralari  paydo  bo’lishi,  limfoid  apparat:  limfatik 

tugunlar, taloq, jigar, kamroq boshqa a’zolar giperplaziyasi kuzatiladi. Kasallik 

navqiron  va  keksa  yoshda  paydo  bo’lib,  ko’pincha  erkaklarda  uchraydi.  Klinik 

manzarasi:  bemorlar  darmonsizlik,  tez  charchash,  mehnat  qobiliyatining 

pasayishi,  ko’p  terlash,  subfebril  haroratlarga  shikoyat  qiladilar.  Kasallikning 

dastlabki  belgilaridan  biri  teri  osti  limfatik  tugunlarining  kattalashuvidir  va  bu 

ayniqsa  surunkali  limfoleykoz  uchun  xosdir.  Mieloleykozda  limfatik 

 

534 

tugunlarning  kattalashishi  o’rtacha,  mieloid  to’qima  giperplaziyasi  tufayli 

suyaklarda  og’riq  paydo  bo’lishi  qayd  etiladi.  Jigar  va  ayniqsa  taloqning 

o’lchamlari  ancha  kattalashgan,  ko’krak  va  qorin  bo’shlig’i  a’zolarining 

ezilishini  gipersplenizm  keltirib  chiqaradi.  Aksariyat  perisplenit,  taloqning 

qaytalanadigan  infarktlari  kuzatiladi.  Haddan  tashqari  kattalashgan  taloq,  chap 

qovurg’alar  ostida  doimiy  og’riqlar  paydo  qilishi,  yorilib,  qorin  bo’shlig’iga 

ko’p  miqdorda  qon  ketishi  xavfi  ham  mavjud.  Surunkali  leykoz  diagnozi 

gemogramma, suyak ko’migi punktati, taloqni qunt bilan tekshirishga asoslanib 

qo’yiladi. 

Davolash:  surunkali  leykozlarni  davolashning  asosiy  usuli  tsitostatiklar, 

kortikosteroidlar bilan  muolaja,  limfatik  tugunlar  kattalashganda  (limfoleykoz), 

rentgen  nuri  bilan  davolanadi.  Gipersplenizm  yaqqol  yuzaga  chiqqan  hollarda, 

uning  belgilari  orasida  gemorragik  asoratlar  birinchi  o’rinni  egalaganda, 

taloqning  qaytalanadigan  infarktlarida  taloqni  olib  tashlash  maqsadga  muvofiq 

bo’ladi. Splenek-tomiya surunkali limfoleykozda bir muncha samarador bo’ladi. 

Operatsiyadan so’ng qonda leykotsitlar soni, gemorragik va gemolitik xodisalar 

bir  muncha  kamayadi.  Bemorlarning  umumiy  ahvoli  yaxshilanadi.  Taloq 

sohasiga  rentgen  nuri  orqali  nurlash,  katta  o’lchamlardagi  gipersplenizm 

holatlari  yuz  berganda  yoki  splenektomiyani  bajarishga  qarshi  ko’rsatmalar 

bo’lganda  qo’llaniladi.  Splenektomiyani  dori  vositalari  va  nur  bilan  birga 

qo’shib qo’llash, bemorlarning umumiy  ahvolini yaxshilashga, uzoq vaqtgacha 

klinik remissiyaga erishishga imkon beradi. 

 

 

 

 

 

 

 

 

 

535