Интерфаол методлар ва уларнинг моҳияти

II. Дарслик билан ишлаш.
Ўқувчилар дарсликдан ҳужайра органоидлари ва уларнинг вазифаларига оид маълумот берадиган матнни диққат билан ўрганади. Умумий матннинг таркибий қисмлари, улар ўртасидаги ўзаро боғлиқликни аниқлаб, умумлаштиради (яъни моделлаштиради).
Ҳар бир гуруҳнинг аъзолари ўзаро кенгашиб, ўқув материалини моделлаштиради. Моделлаштиришда уларнинг бу жараёнга нисбатан ижодий ёндашувлари, мавзу моҳиятини очиб берадиган асосий тушунчаларни қай даражада ўзлаштирганликлари, улар ўртасидаги ўзаро алоқадорлик, боғлиқликни англай олишлари муҳим аҳамият касб этади. Гуруҳлар томонидан яратилган моделлар мавзунинг пухта ўзлаштирилганлигини кўрсатувчи муҳим омиллардан бири сифатида намоён бўлади. Мисол учун:

Фаолиятига кўра гуруҳлар рағбатлантирилади. Кейинги босқичда дастлаб ҳар бир гуруҳда, кейин эса барча гуруҳлар томонидан билдирилган фикрлар умумлаштирилади.

ФИЗИКА ФАНИ БЎЙИЧА (9-СИНФ)
Дарс мавзуси: Ёруғликнинг кимёвий ва биологик таъсири. Фотография. Фотосинтез ва унинг аҳамияти.
Дарснинг мақсади: ўқувчиларга ёруғликнинг кимёвий ва биологик таъсирлари, фотография, фотосинтез ҳодисаси, унинг аҳамиятига оид билимларни бериш, мавжуд билимларни мустаҳкамлаш.
Дарс жараёнида қўлланилувчи методлар: анъанавий ва интерфаол методлар.
Дарс жиҳозлари: ёруғликнинг кимёвий ва билогик аҳамияти ҳамда фотосинтез жараёнининг моҳиятини ёритувчи кўргазмали қуроллар.
Дарснинг бориши:
I. Саволлар асосида суҳбат ташкил этиш.
Ўқувчиларга қуйидаги саволлар берилади:
1. Ёруғликнинг табиатдаги аҳамияти қандай?
2. Фотосинтез нима?
3. Фотоминтез қаерда ва қачон содир бўлади?
II. “Инсерт” технологияси асосида билимларни мустаҳкамлаш.
Ўқувчилар гуруҳларга бўлиниб, гуруҳлар номланади. Ўқитувчи ҳар бир гуруҳдан мавзуга оид иккитадан фикр билдиришини сўрайди. Гуруҳлар навбати билан фикр билдиради (бу жараёнда гуруҳнинг барча аъзолари фаол иштирок этишларини таъминлаш мақсадга мувофиқ). Баён этилган фикрлар ёзув тахтасига ёзилади. Фаолият якунлангач, ўқитувчи “Ёруғликнинг кимёвий ва биологик таъсири. Фотография. Фотосинтез ва унинг аҳамияти” мавзусини ёритишга хизмат қиладиган матнни ўқувчиларга тарқатади. Сўнгра шундай топшириқ берилади:
1. Матн билан танишиб чиқинг!
2. Матннинг ҳар бир қаторига қуйидаги белгиларни қўйиб чиқинг:
Z – матнда гуруҳлар томонидан билдирилган фикр ўз аксини топган бўлса;
S – матнда гуруҳлар томонидан билдирилмаган фикр ёритилган бўлса;
D – матнда бир-бирига зид фикрлар мавжуд бўлса;
? – матн билан танишишда тушунмовчиликлар юзага келса.
Сўнгра гуруҳ аъзолари шахсий қарашларини ўзаро ўртоқлашиб, гуруҳ бўйича белгилар сони умумлаштирилади. Лидерлар бошчилигида ҳар бир белгининг миқдори баён этилади ва изоҳланади. Ўқитувчи гуруҳлар томонидан қайд этилган сонларни уларнинг номлари ёзилган устунга ёзиб боради. Чунончи:

№