Internet xizmatlarini taqdim etish va tarifikatsiyalash

---

 
INTERNET XIZMATLARINI TAQDIM ETISH VA TARIFIKATSIYALASH 
QOIDALARI (jismoniy shaxslar bo‘lgan abonentlar, shuningdek, yuridik shaxsni tashkil 
qilmasdan tadbirkorlik yoki boshqa faoliyatni amalga oshiradigan fuqarolik-huquqiy 
munosabatlar ishtirokchilari bo‘lgan shaxslar uchun). 
1.1. Umumiy qoidalar 
1.1.1. Ushbu qoidalar jismoniy shaxs bo‘lgan Abonentlar, shuningdek, yuridik shaxsni tashkil 
qilmasdan tadbirkorlik yoki boshqa faoliyatni amalga oshiradigan fuqarolik-huquqiy 
munosabatlar ishtirokchilari bo‘lgan shaxslar uchun tarif rejalarda “Internet, Uz-IX va TAS-IX 
tarmoqlariga kirish” Asosiy xizmatni taqdim etish tartibini belgilaydi. 
1.1.2. Xizmatlar faqat o‘z ehtiyojlari uchun mo‘ljallangan bo‘lib, ulardan tijorat maqsadlarida 
foydalanish taqiqlanadi. Xizmatlar ko‘rsatiladigan manzil uy-joy fondida ro‘yxatdan o‘tgan 
bo‘lishi kerak, shartnoma faqat 1.1.1-bandda ko‘rsatilgan toifalarga mansub abonentlar bilan 
tuziladi. Taqdim etilayotgan xizmatdan uy sharotida foydalanish shartlaridan tashqarida 
foydalanilayotganligi aniqlanganda, Operator oldindan ogohlantirmasdan Abonentni darhol 
o‘chirib qo‘yish huquqini o‘zida saqlab qoladi. 
1.1.3. Ushbu xizmatni taqdim etish qoidalari va shartlarida quyidagi taʼriflar va qisqartmalar 
qo‘llaniladi: 
Hisob-kitob davri – tarif rejasi shartlariga muvofiq xizmatlar uchun to‘lov amalga oshiriladigan 
vaqt davri. Hisob-kitob davri bir oy davom etadi va har bir Abonent uchun alohida, kalendar 
oyining birinchi sanasiga bog‘lanmagan holda, Internet tarmog‘iga ulanishga ruxsat etilgan kun 
va vaqtdan boshlab hisoblanadi (billing tizimining texnologik xususiyatlari sababli surilishlarni 
hisobga olgan holda); 
Hisob-kitob sanasi – shaxsiy hisobida yetarli mablag‘ mavjud bo‘lgan holatda abonent to‘lovi 
yechib olinadigan hisob-kitob davrining birinchi kuni;