Iqtisodiy bilim asoslari

R I V O J L A N T I R I S H S T R A T E G I Y A S I
2018- yil 21- sentyabr kuni “2019 – 2021- yillarda O‘zbekiston 
Respublikasini innovatsion rivojlantirish strategiyasini tasdiqlash to‘g‘risida”gi 
O‘zbekiston Respublikasi Prezidenti farmoni imzolandi va ommaviy axborot 
vositalari orqali e’lon qilindi. 
Farmonga asosan, 2019 – 2021 yillarda O‘zbekiston Respublikasini 
innovatsion rivojlantirish strategiyasi tasdiqlandi va rasmiy huquqiy hujjat 
maqomini oldi.
Farmonda strategiyaning bosh maqsadi etib inson kapitali belgilangan. 
Farmonda inson kapitali – mamlakatning xalqaro maydondagi 
raqobatbardoshligi darajasini innovatsion jihatdan taraqqiy etganligini 
belgilovchi omil ekanligi ta’kidlangan. 
Farmonda strategiyaning asosiy vazifalari qilib quyidagilar belgilangan:
– O‘zbekiston Respublikasining 2030- yilga kelib Global innovatsion 
indeks reytingi bo‘yicha jahonning 50 ta eng ilg‘or mamlakati qatoriga kirishiga 
erishish;
– Ta’lim va ilm-fanni rivojlantirish, ularni zamonaviy talablarga 
moslashtirish;
– Innovatsiyalar, boshqaruvning zamonaviy usullari, raqobatdosh biznes 
muhitini shakllantirish va rivojlantirish;
– Zamonaviy va barqaror iqtisodiy infratuzilmani yaratish.
Unda, shuningdek, jahon fanining zamonaviy yutuqlari, innovatsion 
g‘oyalar, ishlanmalar va tehnologiyalar asosida mamlakatni jadal rivojlantirish 
qabul qilingan strategiyaning maqsadi ekanligi ham alohida uqtirilgan. 
1. O‘zbekiston o‘z taraqqiyoti uchun innovatsion rivojlanish yo‘lini 
tanlaganining sababini tushuntiring. 
2. Siz o‘zingizning atrofingizdagi hayotdan innovatsion rivojlanishga misol 
keltirishga harakat qiling. Bunda birinchi navbatda sizga eng yaqin bo‘lgan 
ta’lim, sport, tadbirkorlik sohalaridagi o‘zgarishlarni e’tibordan chetda 
qoldirmang.
3. O‘zbekistonni jahonning 50 ta eng ilg‘or mamlakati qatoriga kiritish – 
siz yoshlarning vazifangiz ekanligini idrok qila olasizmi? Siz bu vazifaga 
o‘zingizni qanday tayyorlashingiz kerak deb o‘ylaysiz?