Iqtisodiy tahlil fanining mazmuni, predmeti va obyekti Iqtisodiy tahlilning maqsadi va asosiy vazifalari

Iqtisodiy tahlilning predmeti
Reja:

1. 
   Iqtisodiy tahlil fanining mazmuni, predmeti va obyekti
   
2. 
   Iqtisodiy tahlilning maqsadi va asosiy vazifalari
   
3. 
   Iqtisodiy fanlar tizimida iqtisodiy tahlilning o’rni
   

1 Iqtisodiy tahlil fanining mazmuni, predmeti va ob’yekti
Tahlil grekcha “Analisis” so’zidan olingan bo’lib, ajratish, bo’laklash, parchalash kabi ma’nolarni anglatadi. To’liqroq qilib aytganda, iqtisodiyotda sodir bo’lgan va bo’layotgan hodisa va jarayonlarni bo’laklarga, qismlarga bo’lib o’rganish degan ma’noni bildiradi.
Tahlilning asosiy mazmuni. Xo’jalik yurituvchi subyekt faoliyatini maqsadli tezkor, joriy va istiqbolli o’rganish asosida uning holatiga har taraflama baho berish tahlilning asosiy mazmunini tashqil qiladi.

Tahlilning predmeti deganda nima tushuniladi?. Tahlilning predmeti deganda korxonalarning xo’jalik faoliyatida obyektiv va subyektiv omillar ta’siri ostida sodir bo’lgan va bo’layotgan ijtimoiy iqtisodiy jarayonlar tushuniladi

Demak, korxonalarning ta’minot, ishlab chiqarish, tijorat, moliyaviy faoliyatlarida obyektiv va subyektiv omillar ta’sirida paydo bo’lgan va bo’layotgan ijtimoiy iqtisodiy jarayonlar va hodisalar tahlil predmetidir.

Tahlil obyekti. Ijtimoiy iqtisodiy jarayonlar sodir bo’lgan va bo’layotgan makon iqtisodiy tahlilning obyekti bo’lib hisoblanadi, yani tahlilning predmeti qayerda sodir bo’lsa, o’sha subyekt tahlilning obyekti bo’lib hisoblanadi, yani fermer, shirkat va boshqa xo’jaliklar tahlil obyektidir.
2 Iqtisodiy tahlilning maqsadi va vazifalari.
Tahlilning maqsadi. Xo’jalik yurituvchi subyekt faoliyatini barcha tomonlarini chuqur o’rganish asosida mavjud imkoniyatlarni aniqlash va ularni ishga solish bo’yicha chora tadbirlar ishlab chiqish tahlilning maqsadi bo’lib hisoblanadi.