Iqtisodiyot bilan tanishuv

IV bobni takrorlash uchun savol va topshiriqlar.

A.Sovollar.

1.Tovami biror narxda sotib olishga bo'lgan xohishning, ehtiyojning o'zigina talab bo'la oladimi? Qachon bu xohish talabga aylanadi?

2.Talab va talab miqdori o'rtasida qanday farq bor?

3.Talab miqdorining tovar narxiga teskari bog'langanligini izohlang va misollar yordamida tahlil qiling.

4.Tovarga bo'lgan talab qanday omillar ta’sirida o'zgarishi mumkin?

5.Bir-birining o'rnini bosuvchi va to'ldiruvchi tovarlar juftiga ikkitadan misol keltiring va javobingizni asoslang.

6.Taklif tushunchasining ma’nosini misollar yordamida tushuntiring.

7.Taklif miqdori qanday omillar ta’sirida o'zgarishi mumkin? Misollar keltiring.

8.Agar makkajo'xori narxi yaqin kelajakda ortishi kutilayotgan bo'lsa, makkajo'xorining bozordagi taklif miqdori qanday o'zgaradi?

9.Davlat tomonidan biror-bir tovami ishlab chiqarishga imtiyozlar berilib soliqlar kamaytirilsa, bu tovar taklifi qanday o'zgaradi?

10.Taqchil va to'yingan bozor holatlari nima va ular qachon vujudga keladi?

11.Tovarning bozor yoki muvozanat narxi, deb nimaga aytiladi va u qanday aniqlanadi?

12.Talab va taklif o'zgarishining bozor narxiga ta’sirini misollar yordamida tushuntiring.

13.Agar tovar taklifi o'zgarmagan holda unga bo'lgan talab oshsa (kamaysa), tovarning muvozanat miqdori va narxi qanday o'zgaradi?

14.Agar tovarga bo'lgan talab o'zgarmagan holda uning taklifi oshsa (kamaysa), tovarning muvozanat miqdori va narxi qanday o'zgaradi?