Iqtisodiyot va turizm

O`zbekiston-Janubiy  Koreya.  Janubiy  Koreya  bilan  hamkorlik  ham 

O`zbekiston  tashqi  siyosatining  eng  muhim  yo`nalishlaridan  hisoblanadi. 

Tarixan  qisqa  davr  mobaynida  O’zbekiston  va  Koreya  Respublikasi  siyosiy, 

savdo-sarmoyaviy  va  madaniy-gumanitar  yo’nalishlardagi  o’zaro  manfaatli 

hamkorlik  bo’yicha  salmoqli  tajriba  to’pladilarki,  bu  ikki  mamlakat  o’rtasida 

kelajakda  ham  amalga  oshiriladigan  uzoq  muddatli  loyihalar  uchun  mustahkam 

asos  bo’lib  xizmat  qiladi.  Hozirgi  kunda  strategik  hamkorlik  tufayli 

mamlakatimizning  ishlab  chiqarish  infratuzilmalarini  rivojlantirish  uchun  zarur 

bo’lgan yuqori texnologiyalar, investitsiyalar kirib kelmoqda. Shu o’rinda ta’kidlab 

o’tish  kerakki,  O’zbekiston  va  Koreya  Respublikasi  iqtisodiy  va  investitsion 

hamkorligining  rivojlanishida  sezilarli  yutuqlarga  erishgan  bo’lsada,  uning 

ko`lamini  yanada  kengaytirish  uchun  yetarli  imkoniyatlar  mavjud.  Ayniqsa, 

energetika,  to’qimachilik,  metallurgiya,  elektronika,  yuqori  texnologiyalar  va 

iqtisodiyotning  boshqa  sohalarida  hamkorlikni  yuqori  darajaga  ko’tarish 

davlatlarimiz  o’rtasidagi  istiqbolli  aloqalarni  rivojlantirish  uchun  siyosiy, 

iqtisodiy va ijtimoiy asos bo’lib xizmat qiladi. 

O’zbekiston  va  Janubiy  Koreya  iqtisodiy  hamkorligi  2019-yilga  kelib  o`zaro 

tovar ayirboshlash hajmi 2 755,4 million AQSH dollarini tashkil etdi. Bu ko’rsatgich 

O’zbekistonning tashqi savdo aylanmasida 4-o’rinni egallaydi.