Iqtisodiyotni modernizatsiyalash sharoitida sanoat tarmoqlarini rivojlantirish istiqbollari. Reja Kirish

Iqtisodiyotni modernizatsiyalash sharoitida sanoat tarmoqlarini rivojlantirish istiqbollari.

Reja
Kirish
1. Iqtisodiyotni modernizatsiyalash sharoitida O’zbekistondagi

investitsiya siyosati va muhiti

2. Iqtisodiyotni modernizatsiyatsiyalash sharoitida sanoat korxonalarida investitsion faoliyatini moliyalashtirish holati tahlili
3.Iqtisodiyotning sanoat sektoriga yo’naltirilgan kredit qo’yilmalari .

Xulosa

Foydalanilgan adabiyotlar ro`yxati

Kirish
Hozirgi kunda O’zbekiston Respublikasi iqtisodiyotini modernizatsiya qilishda bo’layotgan o’zgarishlar, globallashuv va integratsiyalashish jarayonlarining jadallashuvi, xalqaro raqobatning kuchayishi, texnologiyalardagi uzluksiz va muhim sifat o’zgarishlarining yuz berishi, sotish bozorlari va iste’molchilar talablarining tarkibiy o’zgarishlari har bir xo’jalik yurituvchi sub’ektdan raqobatbardosh mahsulot yaratish, ishlab chiqarish jarayonidagi xarajatlarni keskin kamaytirish va boshqaruvda bozor talablarini hisobga olgan holda optimal qaror qabul qilishni talab qilmoqda.
Milliy iqtisodiyotni yetakchi tarmoqlarini modernizatsiya qilish
Milliy iqtisodiyotning etakchi tarmoqlarini modernizatsiya qilish, eksportbop mahsulotlar ishlab chiqarishni kengaytirish, diversifikatsiyalash, bank-moliya tizimi va sanoat tarmoqlari o’rtasidagi integratsiyani rivojlantirish hamda mamlakat iqtisodiyotining barqarorligini ta’minlash orqali innovatsion rivojlanishga zamin tayyorlash dolzarb vazifalardan biridir. Shu sababli bir qator etakchi mamlakatlarning ijtimoiy-iqtisodiy rivojlanishidagi ijobiy tajribasidan foydalanish respublikamizni ijtimoiy-iqtisodiy rivojlantirish uchun muhim ahamiyatga ega. Rivojlangan mamlakatlarda innovatsiya jarayonini muvaffakiyatli kechishi davlat va biznesning quyidagi o’zaro ta’sir modelida namoyon bo’ldi.
Dastlab davlat innovatsion rivojlanish tashabbuskori sifatida namoyon bo’ladi, uning strategiyasi, ustuvorligi, qo’llab-quvvatlash shakllarini belgilaydi va start-up loyihalarni moliyalashtiradi. Xususan, o’tgan asrning 60-yillarini boshida AQShda, 70-yillar boshida Tayvanda, Isroilda, Janubiy Koreyada, 80-yillarda Singapur va Finlyandiyada davlat innovatsion rivojlanish dasturlari tashabbuskori sifatida namoyon bo’lgan.
Jahon tajribasiga ko’ra, innovatsion siyosat iqtisodiyotni tartibga solishga uzviy bog’lik bo’ladi.