Ish raqami: 4-1103-2301/619 Da’vogar: O’zbekiston Respublikasi Savdo-sanoat palatasi,,Mikrokreditbank” aj manfaatida Javobgar

Sudya yordamchisi, sud majlisiga taklif qilingan taraflardan: 
Da’vogar: AJ “Mikrokreditbank” ishonchli vakili A.Hamdamov 
(2023-yil 9-yanvardagi 03-33-5/15-sonli ishonchnoma asosida) ishtirok 
etayotganligi yuzasidan raislik etuvchiga axborot berdi. 
Javobgar va qo’shimcha javobgar tegishli tartibda, sud ajrimi orqali sud 
muhokamasining vaqti va joyi to’g’risida xabardor qilingan bo’lsa- da, bugungi sud 
muhokamasida ishtirok etmadi hamda da’vo yuzasidan o’z e’tirozlarini bildirmadi. 
Raislik etuvchi ishda ishtirok etuvchi shaxsga sud tarkibini, sud majlisi kotibini 
ma’lum qildi, sud tarkibiga, sud majlisi kotibiga raddiyalar bor yo’qligini so’radi hamda 
O’zbekiston Respublikasi Iqtisodiy protsessual kodeksining 42-moddasida nazarda 
tutilgan taraflarning protsessual huquq va majburiyatlarini, sud majlisini olib borish 
tartibini tushuntirdi. 
Ishda ishtirok etuvchi da’vogar taraf vakili tomonidan O’zbekiston Respublikasi Iqtisodiy 
protsessual kodeksining 20-moddasiga ko’ra sud tarkibiga, sud majlisi kotibiga raddiya 
bildirilmadi, shuningdek sud majlisini O’zbekiston Respublikasi Iqtisodiy protsessual 
kodeksining 10-moddasiga ko’ra davlat tilida olib borilishiga kelishib olindi. 
Raislik etuvchi ishda ishtirok etuvchi shaxslardan sud tekshiruviga qo’shimcha 
hujjatlar va iltimosnomalar bor-yo’qligini so’radi. 
Ishda ishtirok etuvchi shaxslardan qo’shimcha hujjat va iltimosnomalar taqdim 
etilmadi. 
Raislik etuvchi sud majlisini olib borish va dalillarni tekshirish tartibini belgiladi. 
Raislik etuvchi ish bo’yicha dalillarni tekshirishga o’tdi. 
Raislik etuvchi so’zni da’vogar: AJ “Mikrokreditbanki” ishonchli 
vakili A. Xamdamovga berdi. 
Sud muhokamasida da’vogar: AJ ,, Mikrokreditbank” ishonchli 
vakili A.Hamdamov: 
- da’vo arizadagi vajlarni takrorlab, “Abdulaziz qorabayirlari” fermer xo’jaligiga 
taraflar o’rtasida 2019-yil 4-iyunda tuzilgan kredit shartnomasiga asosan 41.300 
AQSH dollar miqdorda kredit mablag’lari ajratilganligini, ushbu kredit ta’minoti 
sifatida “Effekt Energo Servis” XKning kafilligi hamda ushbu xususiy korxonaga 
tegishli mol-mulklar qabul qilinganligini, ajratilgan kredit to’lov jadvaliga asosan 
javobgarning muddati o’tgan kredit va unga hisoblangan foiz qarzdorligi vujudga 

---

3
8 
kelganligini, bir necha bor ogohlantirilgan bo’lsa-da, vujudga kelgan kredit 
qarzdorligi qoplab berilmaganligini, bugungi kun holatiga qarzdorlik qisman 
qoplanganligini bildirib, qarzdorlik yuzasidan ma’lumotnoma taqdim etib, da’voni 
qanoatlantirib berishni so’radi. 
Savollar va qo’shimchalar bo’lmadi. 
Raislik etuvchi sud muhokamasida muzokaraga o’tib, muzokara uchun so’zni da’vogar 
tarafga berdi. 
Sud muhokamasida da’vogar vakili: 
-da’voni qanoatlantirib berishni so’radi. 
Sud, ishda ishtirok etgan da’vogar taraf vakilining tushuntirishlarini tinglab, sudga 
taqdim etilgan hujjatlar bilan tanishib chiqdi. 
Raislik qiluvchi javobgar vakiliga ariza yuzasidan o’z eʼtirozlari buyicha tushuntirish 
berishni taklif qildi. 
Javobgar vakili Karabaev Аkmaljonning tushuntirishi:- daʼvogar vakili xolatni qisman 
to’g’ri yoritdi, ya’ni uni muddati kelmagan asosiy qarzni undirish bo’yicha talabini 
to’liq qo’llab-quvvatlamayman, ya’ni kredit shartnomasidagi muddat hali tugamagan, 
suddan daʼvoni qonuniy ko’rib chiqishni so’rayman. 
Raislik qiluvchi qo’shimcha javobgar vakiliga ariza yuzasidan o’z eʼtirozlari bo’yicha 
tushuntirish berishni taklif qildi. Qo’shimcha javobgar vakilida bu bo’yicha hech 
qanday e’tiroz yo’qligi bildirildi 
Raislik qiluvchi arizachi vakillarida javobgar vakiliga savollar bor yo’qligini so’radi. 
Savollar bo’lmadi. 
Raislik qiluvchi dalillarni tekshirishni yakunlashdan avval sud majlisi ishtirokchilarida 
ariza va iltimosnomalar bor-yo’qligini suradi 
Ariza va iltimosnomalar bo’lmadi. 
Raislik qiluvchi dalillarni tekshirish yakunlanganligi va muzokaraga o’tilishini eʼlon 
qilib, muzokara uchun taraflar vakillariga so’z berdi. 
Daʼvogar vakili A.Hamdamov:- suddan daʼvoni qanoatlantirishni surayman. 
Javobgar vakili A.Karabayev:- suddan daʼvoni qonuniy hal etishni so’rayman. 

---

3
9 
Raislik qiluvchi sud maslahatda qolishini eʼlon qildi va sud maslahatda qoldi.
Oradan ma’lum vaqt o’tgach, raislik etuvchi maslahatxonadan chiqib, qabul 
qilingan hal qiluv qarorning xulosa qismini o’qib eshittirdi hamda sud majlisi 
bayonnomasi bilan tanishish, qabul qilingan hal qiluv qaroridan norozi taraflar bir oy 
muddat ichida Toshkent viloyat sudiga apellyatsiya tartibida shikoyat (protest) keltirish 
mumkinligini tushuntirdi. 
Shuningdek raislik qiluvchi tomonidan ishda ishtirok etayotgan shaxslarga qabul 
qilingan qarorning mazmun-mohiyati tushuntirib berildi. 
Raislik qiluvchi sud majlisini yopiq deb e’lon qildi. 
Bayonnoma O’zbekiston Respublikasi Iqtisodiy protsessual kodeksining 201-moddasi 
talablari asosida tuzildi.