Ismanov I. N., Davlyatova g. M., Buzrukxonov s. M

V BOB. KORXONA FAOLIYATIDA BIZNES REJALASHTIRISH 
 
Tayanch so’z va iboralar: korxona, korxona turlari, strategiya, iqtisodiy 
o’sish, iqtisodiy rivojlanish, hujumkor strategiya, himoyalanuvchi strategiya, 
strategiya bosqichlari, maqsad, missiya. 
 
5.1. Korxona rejalashtirishning ob’ekti sifatida 
Ishlab chiqarish korxonasi iqtisodiyotning asosiy, yetakchi bo’g’ini 
hisoblanadi. Chunki, aynan korxonalarida asosiy ishlab chiqarish jarayonlari keng 
avj oladi, mehnat va ishlab chiqarish tashkil qilinadi, iqtisodiy munosabatlar 
amalga oshiriladi, moddiy boyliklar yaratiladi. 
Yuridik shaxs huquqiga ega bo’lgan, mulkchilik huquqi yoki xo’jalikni to’la 
yuritish huquqi bo’yicha o’ziga qarashli mol-mulkdan foydalanish asosida 
mahsulot ishlab chiqaradigan va sotadigan yoki ayirboshlaydigan, ishlarni 
bajaradigan, xizmat ko’rsatadigan, bellashuv hamda mulkchilikning barcha 
shakllari teng huquqliligi asosida amaldagi qonunlarga muvofiq o’z faoliyatini 
ro’yobga chiqaradigan mustaqil xo’jalik yurituvchi sub’yekt korxona hisoblanadi. 
Ishlab chiqarish korxonalariga zavodlar, fabrikalar, shaxtalar,karyerlar va 
boshqa ishlab chiqarish xarakteridagi xo’jalik tashkilotlarini kiritish mumkin. 
Xodimlar, asosiy vositalar, axborot va mablag’lar korxonaning ichki 
muxitini tashkil etadi. Ichki muxit komponentlarining o’zaro ta’siri natijasida
tayyor mahsulot yaratiladi. 
Hech bir korxona tashqi muhitdan ajralgan xolda faoliyat ko’rsatmaydi. 
Korxona faoliyati samaradorligini va maqsadga muvofiqligini belgilab beradigan 
tashqi muxit sifatida mahsulot istemolchilari, ta’minotchilar, shuningdek davlat 
organlari va korxona atrofida yashovchi axoli maydonga chiqadi. 
Bugungi kunda Respublikamizda ro’yxatga olingan korxonalar va 
tashkilotlar soni quyidagi 5.1-jadvalda keltirilgan. 

---

69 
5.1-jadval.