Ҳисобот. Туман (шахар) олимпидасида қатнашадиган ўқувчилар ҳақида маълумот

II. Фан олимпиадаларининг иккинчи босқичиини ўтказиш тартиби
Фан олимпиадасинининг иккинчи босқичини ўтказиш масъулияти Ўрта махсус, касб-ҳунар таълими ҳудудий бошқармаси ва туман (шаҳар) халқ таълими бўлимлари раҳбарларининг зиммасига юкланади.
Мазкур босқичда олимпиада математика, информатика, тарих, ҳуқуқшунослик, иқтисодий билим асослари, география ва чизмачилик фанидан икки турда (тест синови, амалий иш), она тили ва адабиёт, ўзбек тили (таълим рус ва бошқа тилларда олиб бориладиган гуруҳларда), рус тили ва адабиёти (ўзбек ва бошқа тилларда ўқитиладиган гуруҳларда), рус тили ва адабиёти (рус гуруҳларида), инглиз, немис, француз, қозоқ ва тожик тиллари ҳамда қорақалпоқ тили ва адабиёти фанларидан уч турда (тест синови, оғзаки ва ёзма иш), физика, биология, кимё фанларидан уч турда (тест синови, ёзма иш, лаборатория иши) ўтказилади.
Иккинчи босқичда ўрта махсус, касб-ҳунар таълими муассасаларининг II-III курс ва умумтаълим мактабларининг 9-11 синф ўқувчилари иштирок этади. Иккинчи босқич учун тест синови, ёзма иш ва амалий топшириқлар ўрта махсус, касб-ҳунар таълими ҳудудий бошқармалари ҳамда Вилоят методика марказлари, вилоят педагогларни қайта тайёрлаш ва малакасини ошириш институтлари билан ҳамкорликда ишлаб чиқилади. Ушбу материаллар туман (шаҳар) босқичини ўтказиш бўйича ташкилий қўмита томонидан тасдиқланиб, махфийлиги таъминланади ва жойларга фан олимпиадаларини ўтказиш куни етказилади.
Фан олимпиадаларининг иккинчи босқич натижалари туман ташкилий кўмитасида муҳокама этилади, ғолибларнинг III вилоят олимпиадасида қатнашиши тўғрисида қарор қабул қилинади ва олимпиада ўтказиладиган фанлардан I-,II-,III- ўринни эгаллаган ғолибларнинг учинчи босқичда иштирок этиши ҳақидаги буюртмалар олимпиаданинг III- босқичини ташкил этиш ва ўтказиш бўйича ташкилий қўмитага тақдим этилади.
Иккинчи босқич ғолиб ўқувчилари ўрта махсус, касб-ҳунар таълими ҳудудий бошқармаси ва туман (шаҳар) халқ таълими бўлимлари томонидан рағбатлантирилади.
Таълим муассасалари сони кўп ёки кам ва ўртасидаги масофа узоқ бўлган ҳолатларда туман босқичидан олдин ташкилий кўмитанинг қарорига асосан ҳудудларга бўлиб ўтказиш амалга оширилади.

III. Фан олимпиадаларининг учинчи босқичини ўтказиш тартиби