Issn 2181-1296 ilmiy axborotnoma научный вестник scientific journal

ILMIY AXBOROTNOMA FALSAFA 2021-yil, 6-son 
56 
bosqichma- bosqich amaliyotga joriy etish chora-tadbirlari haqida”gi 422-sonli qarori qabul 
qilindi. 
Xo‘sh, nega bugun tarbiya masalasi davlat siyosati darajasiga ko‘tarildi va fan sifatida 
o‘qitishga ehtiyoj tug‘ildi? Chunki: “…yoshlar tarbiyasida dunyoda yuz berayotgan murakkab 
geosiyosiy va mafkuraviy jarayonlarga to‘g‘ri baho bera olish, ijtimoiy muammolarni hal 
etishda to‘g‘ri qaror qabul qilish, hayotda o‘z o‘rnini topish bilan bog‘liq bo‘lgan aniq 
maqsadlarni shakllantira olishga o‘rgatish, buning natijasi o‘laroq, oila-jamiyat o‘rtasidagi 
munosabatlarning uzilib qolishining oldini olish, loqaydlik, huquqbuzarlik, “ommaviy 
madaniyat”ning turli ko‘rinishlaridan saqlash imkoni yaratiladi” [3]. 
Aynan, “Tarbiya” fanini joriy qilinishi yoshlarda mafkuraviy immunitet va 
tahdidbardoshlik qobiliyatlarini shakllantirishning eng muhim omili vazifasini bajaruvchi 
vosita hisoblanadi. Buning uchun mazkur fanning predmetini, uning maqsad vazifalarini, bir 
so‘z bilan aytganda, fanning mazmunini muntazam takomillashtirish, boyitib borish zarur. 
Yuqoridagi fikr va mulohazalarga tayanib xulosa qilib aytish mumkinki, jamiyat 
a’zolarida tahdidlarning har qanday ko‘rinishlariga qarshi immunitet, ya’ni tahdidbardoshlik 
qobiliyatini shakllantirishga qaratilgan faoliyatni tashkil etishda: 
birinchidan, jamiyat a’zolarining tahdidbardoshlik qobiliyatini shakllantirishga 
qaratilgan jarayon va tamoyillarning ijtimoiy-falsafiy mohiyatini ochib berish orqali ijtimoiy 
munosabatlar sub’yektlarining voqelikka nisbatan munosabatlarini to‘g‘ri yo‘nalishga solish; 
ikkinchidan, ma’naviy-ma’rifiy ishlarni yanada kuchaytirishga to‘sqinlik qilayotgan 
muammolarni bartaraf etish va kelgusi vazifalarni ishlab chiqish bilan bog‘liq masalalarning 
yechimlarini o‘zida mujassam etgan ilmiy ishlanmalarni yaratish; 
uchinchidan, tahdidbardoshlik immunitetini shakllantirishda ijtimoiy ongni, ijtimoiy-
tarixiy taraqqiyotning ob’yektiv qonunlarini to‘g‘ri anglash mavjud vaziyatdan kelib chiqib 
mas’uliyatli yondashuv asosida vujudga kelgan haqqoniy xulosaga tayanib xalqimiz, ayniqsa, 
yoshlarimizni muayyan, ideal, g‘oya va mafkuralar atrofida ya’ni aniq real maqsadlar 
tevaragida birlashtirishning konseptual asoslarini yaratish; 
to‘rtinchidan, ayniqsa, yoshlarda globallashuv jarayonidagi tajovuzlarga nisbatan 
tahdidbardoshlik qobiliyatini shakllantirish bilan bog‘liq faoliyatni tashkil etishning huquqiy 
asoslarini muntazam takomillashtirib borish va ishlab chiqilgan dasturlar asosida chora-
tadbirlarni amaliyotga joriy etib borish singari vazifalarga e’tibor qaratish muhim ahamiyat 
kasb etadi. 
Adabiyotlar 
1. 
Otamurotov S. Globallashuv va milliy-maʼnaviy xavfsizlik. –T.: Oʼzbekiston, 2013. – 
74-74 b. 
2. 
Falsafa: entsiklopedik lugʼat/OʼzR FА, I.Moʼminov nomidagi falsafa va huquq instituti. 
–T.: “Oʼzbekiston milliy entsiklopediyasi” Davlat ilmiy nashriyoti, 2010 yil. – 177 b. 
3. 
O‘zbekiston Respublikasi Vazirlar Mahkamasining “Umumiy o‘rta ta’lim 
muassasalarida “Tarbiya” fanini bosqichma-bosqich amaliyotga joriy etish 
chora-tadbirlari haqida”gi 422-sonli qarori, 2020-yil 6-iyun.