Истиқлол йилларидагина она тилидан таълим мазмуни, мақсади ва усули масаласи кун тартибига қўйилди ва ҳал этилди. Бу улкан янгилик бўлди

Бакиева Хилола Сапаевнанинг
фалсафа доктори (PhD) диссертацияси ҳимояси ҳақида эълон
I. Умумий маълумотлар. 
Диссертация мавзуси ихтисослик шифри (илмий даража бериладиган фан тармоғи номи): «Бошланғич синф ўқувчиларида мустақил таълим орқали нутқ ва тафаккурни ривожлантириш методикаси», 13.00.02–Таълим ва тарбия назарияси ва методикаси (ўзбек тили) (педагогика фанлари).
Диссертация мавзуси рўйхатга олинган рақам: B.2019.3.PhD/1095.
Илмий раҳбар: Абдуллаева Барно Сайфутдиновна, педагогика фанлари доктори, профессор.
Диссертация бажарилган муассаса номи: Тошкент давлат педагогика университети.
ИК фаолият кўрсатаётган муассаса номи, ИК рақами: Самарқанд давлат университети, PhD.28.03.2018.Ped.02.06.
Расмий оппонентлар: Ҳусанбоева Қундузхон Парпалиевна, педагогика фанлари доктори, доцент; Ҳамроев Ғофур Ҳасанович, педагогика фанлари бўйича фалсафа доктори (PhD). 
Етакчи ташкилот: Фарғона давлат университети 
Диссертация йўналиши: амалий ва назарий аҳамиятга молик.
II. Тадқиқотнинг мақсади: бошланғич синфларнинг она тили таълимида мустақил ишлар орқали ўқувчилар нутқи ва тафаккурини ривожлантиришнинг педагогик механизмини такомиллаштиришга доир таклиф ва тавсиялар ишлаб чиқишдан иборат.
III. Тадқиқотнинг илмий янгилиги:
бошланғич синфларнинг она тили таълимида мустақил ишлар воситасида ўқувчилар нутқи ва тафаккурини ривожлантириш мазмунининг педагогик (педагогик тренинг, пинбоард, прагматизм, эргономика) ҳамда психологик (праксиология, перцептив) хусусиятлари интерактив ва технологик омиллар (off-line, операцион ўйинлар) таҳлили мисолида аниқлаштирилган;
бошланғич синф ўқувчиларининг нутқ ва тафаккурини ривожлантиришга доир компетенциявий ёндашув мезонлари аниқлик, изчиллик, натижавийлик, самарадорлик, қиёсийлик, мантиқийлик, долзарблилик тамойиллари асосида тизимлаштирилган;
бошланғич синфларнинг она тили таълимида техник воситалар ёрдамида ўқувчилар нутқи ва тафаккурини ривожлантириш мазмуни, амалий ва натижавий таркиби мотивацион, коммуникатив-когнитив ёндашув асосида такомиллаштирилган;
бошланғич синфларда она тили ўқитиш методикаси технологиялари ўқувчиларнинг нутқ ва тафаккурини ривожлантиришга йўналтирилган қарашлар, усуллар ва тавсиялар асосида электрон таълим ресурси яратилган.