“ИҚтисодиёт назарияси ” кафедраси
Иқтисодиѐтни давлат томонидан тартиблашда пул-кредит
Download 0.85 Mb. Pdf ko'rish
|
iqtisodiyotni davlat tomonidan tartibga solishning mohiyati va shakllari
|
4. Иқтисодиѐтни давлат томонидан тартиблашда пул-кредит воситаларининг ўрни ва такомиллаштириш йўналишлари Иқтисодиѐтни давлат томонидан тартиблашда пул-кредит сиѐсатининг аҳамияти юқори ҳисобланади. Пул кредит сиѐсати Марказий банк томонидан амалга оширилади. Пул-кредит сиѐсатининг асосий воситалари ва дастаклари қуйидагилардан иборат бўлади: - молия-кредит муассасаларининг Марказий банкдаги захиралари минимал ҳажмини ўрнатиш ва ўзгартириш; - ҳисоб ставкасини тартибга солиш; - давлат муассасаларининг қимматли қоғозлар бозоридаги операциялари (давлат облигацияларини чиқариш, уларни сотиш ва тўлаш). - Валюта курсини ўзгартириш ва тартибга солиш 2015 йилда пул бозорида, шу жумладан, тижорат банкларининг депозит ва кредит операциялари бўйича ўрнатилган фоиз ставкалари пасайиш динамикаси кузатилди. Жумладан, 2015 йил 1 январидан қайта молиялаш ставкасининг 1 фоизли бандга пасайтирилиши ҳамда иқтисодиѐтдаги инфляцион кутилмаларнинг пасайиб бориши каби омиллар таъсирида 2015 йилда жами депозитлар бўйича ўртача тортилган фоиз ставкаси йил бошидаги 7,7 фоиздан 6,7 фоизгача пасайди. Шунингдек, 2015 йилда пул бозорида ҳам молиявий ресурслар нархларининг арзонлашиши кузатилиб, банклараро кредит операциялари бўйича ўртача фоиз ставкаси 2015 йилнинг биринчи чорагида кузатилган ўртача 9,7 фоиздан йил охирига келиб 9,2 фоизгача пасайди. Ўз навбатида, депозитлар ва банклараро пул бозорида фоиз ставкаларининг пасайиши тижорат банклари томонидан иқтисодиѐтнинг реал секторига ажратилаѐтган кредитлар бўйича фоиз ставкаларининг пасайишига хизмат қилди. Хусусан, 2015 йилда тижорат банкларининг кредитлари бўйича ўртача тортилган фоиз ставкаси йиллик ҳисобда 10,5 фоиздан 9,5 фоизгача пасайди. |
