Iv-bap. Menedjment texnologiyasí

Kárxana  (shólkem)  kommunikaciyası  –  bul  júdá  quramalı,  kóp  basqıshlı 

sistema  bolıp,  óz  quramına  tek  shólkem  ishindegi  informaciya  almasıwda  ǵana 

emes, bálkim onıń sırtındaǵı informaciya almasıwdıda óz ishine aladı. Shólkem – 

bul joqarı basqarıw organları qadaǵalawı hám basqarıwı astındaǵı ob`ekt bolıp, ol 

ózinen  joqarı  tiyisli  organlarına  hár  túrli  esaplar,  maǵlıwmatlar,  informaciyalar 

berip turadı.  

Sırtqı kommunikaciya – bul shólkem menen ortalıq arasındaǵı informaciya 

almasıwı  bolıp  tabıladı.  Sırttan  keletuǵın  informaciyalar,  sonıń  ishinde  basqarıw 

organları,  hákimiyat,  ministrlik,  komitetler,  Ministrler  Kabineti  qararları, 

kórsetpeleri  hám  buyrıqları,  Prezident  qararları  hám  pármanları  buǵan  mısal 

boladı.