IV-BAP. MENEDJMENT TEXNOLOGIYASÍ
4 – Bapta basqarıw processi, onıń ulıwmalıq wazıypaları (jobalastırıw,
shólkemlestiriw, motivaciya, qadaǵalaw, muwapıqlastırıw), motivaciyanıń
mazmunı hám process teoriyaları, basqarıwdaǵı informaciyalar hám
kommunikaciyalar, kommunikaciyalıq tarmaqlar, verbal emes informaciyalar,
basqarıw qararlarıtúsinigi, basqarıw qararların qabıl etiw basqıshları hám onı
ámelge asırıw jolları kórip shıǵıladı.
4.1. Basqarıw processihám wazıypaları
Basqarıwǵa process sıpatında qaraw lazım. Basqarıw processi – bul
resurslardı shólkemniń óz maqsetlerine erisiw ushın qáliplestiriw hám paydalanıw
boyınsha úzliksiz, izbe izlikte orınlanatuǵın, óz ara baylanısqan háreketleriniń
kompleksi bolıp tabıladı. Bul háreketler basqarıw wazıypaları dep ataladı. Solay
etip, basqarıw processi bul barlıq wazıypalardıń ulıwmalıq jıyındısı sıpatında
qaraladı.
