Iv-bap. Menedjment texnologiyasí

Maqsetler  –  anıq  juwmaqlanǵan  jaǵday  bolıp  esaplanıp,  sub`ekt(shólkem, 

jámáát,  insan)lerdiń  iskerligi  oǵan  erisiwge  qaratıladı.  Maqsetler  shólkemlesken 

qatnasıqlardı  belgileydi,  maqsetke  erisiw  ushın  motivaciya  hám  qadaǵalaw 

sistemaları olarǵa tiykarlanıp háreket etedi. 

Maqsetler uzaq hám qısqa múddetli bolıp tiykarǵı eki túrge bólinedi. Ádette 

bir  jıl  yamasa  onnan  azıraq  múddette  erisiletuǵın  maqsetler  qısqa  múddetli  dep, 

úsh  jıl  yaki  onnan  kóbirek  múddette  erisiletuǵın  maqsetler  uzaq  múddetli  dep 

esaplanadı.  Eger  zárúrlik  payda  bolsa,  jáne  aralıq  (orta  múddetli)  maqsetlerde 

belgileniwi múmkin. 

Durıs qáliplesken  maqsetlerdiń qanaatlandırılıwı  zárúr bolǵan tómendegidey 

tiykarǵı talaplar qoyıladı: 



 

haqıqıylıq; 



 

iyiliwsheń; 



 

ólshemge iye hám waqıtqa qaratılǵan; 



 

anıq; 



 

birge ámelge asırılatuǵın, birin biri tolıqtıratuǵın; 



 

tásirdiń tiykarǵı sub`ektleri ushın qolay. 

Jobalastırıw wazıypası tómendegilerdi óz ishine aladı: 



 

maqset hám wazıypalardı belgilew; 



 

maqsetlerge  erisiw  ushın  strategiyalar,  baǵdarlama  hám  jobalardı  islep 

shıǵıw; 

---



 

zárúrli  resurslardı  anıqlawhám  olardı  maqset  hám  wazıypalar  boyınsha 

bólistiriw; 



 

jobalardı  orınlawı  lazım  bolǵan,  olardı  ámelge  asırıw  ushın  juwapker 

bolǵan adamlarǵa jetkiziw. 

Ulıwma  alǵanda  jobalastırıw  wazıypası  zamanagóy  shólkemlerde  úsh 

dárejede orınlanadı: strategiyalıq, taktikalıq, operativlik. 

Strategiyalıq  jobalastırıwdan  taktikalıq,  sońınan  bolsa  operativ  (ádette  bir 

jıllıq) jobalastırıw kelip shıǵadı, ol jeterli dárejede analizlenip islep shıǵıladı. Usı 

jobaǵa  muwapıq  shólkem  iskerliginiń  hár  bir  baǵdarı  boyınsha  jumıstıń  kólemi 

belgilenedi.  Jıllıq  joba  óndirislik  hám  satıw  jobaların  sherek  hám  aylar  boyınsha 

anıq  bólistiriliwine  sharayat  jaratadı.  Usı  boyınsha  hár  bir  bólim  hár  ayda  satıw 

hám  qárejetler  boljawın  anıqlap  aladı  hám  óz  jobaların  usı  boljawlar  menen 

sáykeslestiredi. 

Kárxananıń  iskerligin  operativ  jobalastırıw  kópshilik  jaǵdayda  biznes-joba 

tiykarında ámelge asırıladı. Biznes-jobada shólkem boysınıwı kerek bolǵan waqıt 

aralıǵı belgili bolıwı kerek (ádette bir jıl). 

Biznes-joba  járdeminde  isbilermen  belgili  dáwir  ishinde  óziniń  iskerliginiń 

nátiyjelerin  bahalawı  múmkin.  Bul  jobadan  keleshekte  biznesti  alıp  barıw 

koncepciyasın islep shıǵıw ushın paydalanıwı múmkin. 

Bunnan tısqarı qarız beriwshiler hám investorlar bizneske pulların kiritiwden 

aldın,  biznes-joba  menen  tanısadı.  Bunda  olar  isbilermenniń  tiyisli  sol  biznesti 

júritiwdegi  abıroyı,  qarızǵa xızmet  kórsetiw  boyınsha pul aǵımları,  kepilliklerdiń 

támiyinleniwi hám jeke kapitaldıń úlesine itibar qaratıwları kerek. 

Biznes-jobalar tiykarınan tómendegi bólimlerden ibarat boladı: 



 

isbilermen yamasa firmanıń statusı; 



 

ónim hám xızmetler; 



  marketing; 



 

óndirislik joba; 



 

basqarıw hám shólkemlestiriw; 

---



 

finanslıq joba.