Iv-vi gurux kationlari aralashmasi taxlili

Co²⁺, Ni²⁺, Cd²⁺ ionlarini ochish

Kobalt (II), nikel (II) va kadmiy (II) sulfatli eritmalarini bir qismidan mis (II) va simob (II) ionlari bo’lmagan eritmasi yoki sulfatli sentrifugat, mis (II) va simob (II) ionlaridan tozalangan eritmasi uch qismiga bo’linadi. Bir qismidan iborat kobalt (II) ioniga 1-nitrozo-2-naftol bilan reaksiya bajarib ko’riladi yoki ortiqcha tiotsinat ioni bilan reaksiyasi qilinadi. Ikkinchi qismidan nikel (II) ioniga dimetilglioksim bilan reaksiyasi bajariladi. Uchinchi qismidan esa kadmiy (II) ioniga vodorod sulfidli suv bilan (pH=0,5) reaksiyasi bajariladi.

Cr³⁺ ionini ochish

Xromni ishqoriy sentrifugatdan taxminiy taxlil bo’yicha ochiladi.

Zn²⁺ni ochish

8-10 tomchi ishqoriy sentrifugatga 2-3 tomchi ammoniy sulfid eritmasidan qo’shiladi. Oq cho’kmaning xosil bo’lishi rux (II) kationi borligini ko’rsatadi.

Al³⁺ni ochish

Ishqoriy sentrifugatdan alyuminiy (III) ionini alizarin bilan ochiladi. Buning uchun 2-3 tomchi ishqoriy sentrifugatga 2mol/dm³ sirka kislota eritmasidan qo’shiladi. Kaliy geksatsianoferrat (II) bilan shimdirilgan filtr qog’ozga 2 tomchi sirka kislotali eritmasidan tomiziladi va alyuminiy kationini alizarin bilan ochiladi.

NAZORAT SAVOLLARI

1. IV-VI gurux kationlari aralashmasida qaysi kationlarni kasrli aralash usulda ochish mumkin?

2. IV-VI gurux kationlari aralashmasini tizimli taxlilini asosiy bosqichlarini ko’rsating.

3. Nima uchun IV guruxni V va VI guruxdan ajratayotganda natriy gidroksidi va vodorod peroksidi qo’shiladi? Reaksiya tenglamalarini kimyoviy formulalarini yozing.