Ызбекистон республикаси олий

Savollar va topshiriqlar:
1-topshiriq:
An’anaviy dars o‘tishning asosiy tarkibiy qismlarini sanab bering.
2-topshiriq:
O‘quv materiallarini og‘zaki bayon qilish metodi bo’yicha dars xaritasini tuzing.
3-topshiriq:
Noan’anaviy o’qitish metodlarini sanab bering.
4-topshiriq:
Noan’anaviy o’qitish metodlaridan birortasiga dars xaritasini tuzing.


3-amaliy mashg’ulot.
Ta‘limning tashkiliy shakllari
Mashg`ulotning maqsadi: Ta‘limning tashkiliy shakllarini tushintirish.
Kеrakli asbob va jihozlar: Fa’nga oid adabiyotlar, kompyuter, mel, doska.
Nazariy ma’lumotlar:
O’qitishni tashkil etish shakllari haqida tushuncha.
XVI asrning oxiri va XVII asrning boshlarida buyuk chex pedagogi Yan Amos Komenskiy (1592-1670) tarixda birinchi bo’lib maktab ta‘limida sinf-dars tizimini yaratdi.
Ya. A. Komesnkiyning ta‘limni tashkil qilish haqidagi qarashlari bir qator jiddiy qarshiliklarga uchragan bo’lsa ham g’arb mamlakatlariga juda tez tarqaldi va ta‘limni tashkil qilishning birdan-bir shakli deb e‘tirof etildi. Sinf-dars tizimi sharq mamlakatlariga, jumladan Markaziy Osiyodagi eski musulmon mamlakatlariga tadbiq etilmadi. Ularda 1917 yilga qadar o’rta asr maktablariga xos ta‘lim tizimi (shakli) davom etib keldi. Ushbu maktablarda 6 yoshdan 15-16 yoshgacha bo’lgan bolalarga bir xonada bir vaqt maboynida mashg’ulot olib borilardi. Shu boisdan bolalarning bilim darajalari va o’zlashtirishi ham turlicha bo’lar edi.
O’zbek maktablari oktyabr to’ntarishidan keyin sinf-dars tizimiga o’tdi. Hozirgi davrgacha guruhli mashg’ulotlarning sinf-dars tizimi deb atalgan bunday shakli keng tarqaldi, mustahkamlandi va shuncha vaqt maboynida darsning tashkiliy shakllari ham, ta‘limning metodlari ham uzluksiz takomillashib ketdi.
Sinf- yoshi va bilimi jihatdan bir xil bo’lgan ma‘lum miqdordagi o’quvchilar guruhidir.
Dars deb bevosita o’qituvchining rahbarligida muayyan o’quvchilar guruhi bilan olib boriladigan ta‘lim mashg’ulotiga aytiladi.
Dars - o’quv ishlarining asosiy tashkiliy shaklidir.
Dars - o’quv ishlarining markaziy qismidir.
Hozir maktablarimizda qo’llanilayotgan sinf-dars tizimi quyidagi tashkiliy shakllarda olib boriladi:
Har qaysi sinf yoshi va bilimiga ko’ra bir xil darajadagi bolalarning doimiy guruhiga ega bo’ladi.
Dars mashg’uloti asosan 45 minutga mo’ljallangan bo’lib, qat‘iy jadval orqali olib boriladi.
Dars bevosita o’qituvchining rahbarligida jamoa va yakka shaklda olib boriladi. Dars o’tilayotgan materialning mazmuniga qarab xilma-xil usul bilan olib boriladi, ta‘lim tizimining bir qismi sifatida, albatta, tugallangan bilim beradi va navbatdagi bilimlarni o’zlashtirish uchun zamin yaratadigan qilib uyushtiriladi.
Endilikda mustaqil respublikamiz xalq ta‘limi oldiga qo’ygan talab va ehtiyojlaridan kelib chiqqan holda maktab ta‘limini tashkil qilishning yangi-yangi shakllari yaratilmoqda. Bugungi kunda maktablarimizda ta‘limni tashkil qilish shakllari ikki turda olib borilmoqda.