3.4. Амалиёт даврида ўқувчиларнинг мустақил топшириқлар бўйича ишлари
Амалиётда ўқувчилар ўз кундалик дафтарларида ҳафталик мустақил бажарадиган ишни режалаштирадилар.
Амалиёт даврида кафедрадан тайинланган раҳбар ҳар бир ўқувчига мустақил равишда топшириқ беради. Топшириқ мавзуси замонавий ва илмий техник аҳамиятга эга бўлиши керак.
3.5. Ўқувчилар ишлаб чиқариш амалиётлари натижаларини якунлаш
Амалиёт якунида кафедра томонидан ташкил этилган комиссия иштирокида ўқувчилар амалиёт ҳисоботини ҳимоя қиладилар. Комиссия таркибига ўқув фанларини олиб борувчи ўқитувчилар, кафедрада ва корхонадаги тайинланган амалиёт раҳбарлари киритилади.
Ўқувчилар амалиёт дастурини бажармаган ва корхонадан қониқарсиз тавсиянома олган ёки ҳисоботни ҳимоя қилишда қониқарсиз баҳо олган бўлсалар, амалиёт ўтиш учун қайтадан юборилади.
Амалиёт якуни кафедра мажлисида муҳокама қилинади.
4. Меҳнатни мухофаза қилиш ва техника хавфсизлиги
Мехнатни мухофаза қилиш ва техника хавфсизлиги саволлариниўқувчилар томонидан ўрганиш амалиёт дастурига киритилган бўлиб, бунда ўқувчиларни олган назарий билимларини амалда кўллашини ва ишлаб чикаришнинг ўзига хос хусусиятларидан келиб чиққан холда амалга ошириш имконятига эга бўладилар.
Амалиёт бошланишидан аввал ўқувчиларга техника хавфсизлиги бўйича махсус йўриқномани кафедра томонидан тайинланган амалиёт раҳбари ўқиб беради ва махсус журналга расмийлаштиради. Бундан ташқари, ўқувчилар ишлаб чиқаришда шахсий хавфсизлини таъминлаш бўйича синов топширадилар. Синов амалиёт ўтиладиган жойда мехнатни мухофаза қилиш ва техника хавфсизлиги бўлими ходимлари томонидан ўтказилади ва махсус журналга расмийлаштирилади.
Юқоридагиларни назорат қилиш кафедра томонидан тайинланган амалиёт раҳбар зиммасига юклатилади.
5. Амалиёт якунида бажариладиган ишлар
Амалиёт ҳисоботи
Ишлаб чиқариш амалиёти ҳисоботи қуйидаги ҳужжатларни ўз ичига олади:
1. Амалиёт дастури.
2. Амалиёт календар режаси.
3. Амалиёт кундалиги.
4. Амалиёт кундалик иш дафтари.
5. Амалиёт ҳисоботи.
6. Корхонадан амалиёт раҳбарининг таснифномаси (характеристикаси)
7. Иловалар.
Do'stlaringiz bilan baham: |
