Jahon moliyaviy-iqtisodiy inqirozi zamonaviy moliyaviy operatsiya va bitimlarni chuqurroq o‘rganish va tahlil qilish o‘ta muhimligini yana bir bor isbotladi

Pandemiya

O‘tgan yilning boshida paydo bo‘lgan koronavirus pandemiyasi hozirgi globallashuv faktini tasdiqladi – bu dunyodagi biror bir davlat ham chetda bir o‘zi yolg‘iz qolmaganidan dalolat beradi.
Dunyo bo‘ylab regulyatorlar o‘zlarining moliyaviy tizimlarining barqarorligini ta’minlashda katta muammolarga duch kelishdi va natijada inqiroz davrida misli ko‘rilmagan javob berishdi.
Koronavirus inqirozi bank-moliya tizimiga innovatsion texnologiyalarni joriy etishni jadallashtirish, bankdan tashqari moliyalashtirish manbalarini kengaytirish, aholi orasida moliyaviy savodxonlik darajasini oshirish, shuningdek ijtimoiy himoyaga muhtojlarni ijtimoiy qo‘llab-quvvatlashning yanada shaffof mexanizmlarini ishlab chiqish zarurligini ko‘rsatdi.
Xulosa qilib aytish kerakki, pandemiya onlayn buyurtma berish va yuk tashishi sanoatida keskin o‘sishiga olib keldi. Ushbu sohaning o‘sish dinamikasi karantin cheklovlari bekor qilingandan keyingi davrda ham davom etishi kerak. Shuning uchun naqd pulsiz masofaviy to‘lovlarni jadal ommalashtirish, elektron pul va pul o‘tkazmalari tizimining rivojlantirish talab etiladi. Bu o‘z navbatida, tijorat banklarini raqamlashtirishga yo‘naltirish, mijozlarga xizmat ko‘rsatish algoritmlarini qayta tuzish va mijozlar bilan munosabatlarni o‘rnatish jarayonlarini chuqurroq qayta ko‘rib chiqish jarayonini rag‘batlantiradi.
Albatta, pandemiya va O‘zbekistonda joriy qilingan lokdaun masofaviy bank xizmatlarini jadal rivojlanishiga yordam berdi. Xususan 2021 yil 1 yanvar holatiga masofaviy xizmatlardan foydalanuvchilar soni 14,5 mln kishini tashkil etdi (shundan 13,7 mln kishi jismoniy shaxslar, 822 ming kishi tadbirkorlik sub’yektlari) bu o‘tgan yilning shu davriga nisbatan 30 foizga ko‘proqdir
Markaziy bank tomonidan raqamli banklar va fiiallarning ishlashiga litsenziya berilishi ham bank-moliya tizimini yanada raqamlashtirishga turtki bo‘ldi va mijoz va bank o‘rtasidagi munosabatlarda zamonaviy yondashuvlarni vujudga kelishiga sabab bo‘ladi.