«jahon tarixi va manbashunoslik»

Poi Kalon ansambli

Minorai Kalon (1127) yoki Katta Buxoro minorasi qoraxoniylardan Arslonxon hukmronlik qilgan davrda qurilgan. Bu minora shahardagi eng baland inshootdir. Uning balandligi 46,5 metr. Uning qurilgan vaqti (1127 yil)ni ko`rsatadigan yozuv korpusning o`rta belidagi koshinlardan birida qisman saqlanib qolgan. Minora baland, dumaloq ustunsimon bo`lib, tepasida ravoqli «fonusi» (tomi) bor. Uning ichida 104 pillapoyali aylanma zinasi bor. Minoraning yuqori tomoni sal ingichkaroq bo`lib, tsilindr shaklli gumbazida 16 ta darcha bor.

Minoradan azon aytilgan. Minorada yov paydo bo`lishini kuzatadigan darcha ham bo`lgan. Minoraning qorovulxonasi hali ham bor. Minoraning sirti jimjimador qilib terilgan pishiq g`isht bilan qoplangan. Buxoro shahrining tashqi ko`rinishida bu minora badiiy jihatdan katta axamiyat kasb etadi.

Gumbazning zangori belbog`i XVI asrda ishlangan koshinlardan iborat. Naqsh bilan so`zlar yozilgan yaski qismi XII asrda yasalgan och moviy tusdagi koshiilardan iborat bo`lib, Buxoro muzeyining Sitorai mohi xosa filialida saqlanmoqda. Minora korpusiiing pastki qismi ta`mirlandi, u o`n burchak shaklida bo`lib, ustiga minora qurilgan.