Jahonda umumqabul qilingan bank tizimi Jahon amaliyotida har bir mamlakatning Markaziy banki banklarning banki
Download 5.53 Mb. Pdf ko'rish
|
bank ishi (2) (1) (1)
«Forvard» kurs – bu muddatli valyuta bitimlarining kursidir.
Forvard kursi kelajakda valyutani aniq bir kunga yyetkazib berish sharti bilan sotilish va xarid qilish bahosini o‗zida ifoda etadi. Forvard bitimlari, odatda, valyuta kurslarining o‗zgarishi natijasida yuzaga keladigan risklarni sug‗urtalash orqali bartaraf qilish maqsadida ishlatiladi. Bitim tuzilayotgan paytda forvard kursda aniqlanadi va ana shu kurs bo‗yicha valyuta sotiladi yoki sotib olinadi. Agar shartnoma muddati tugagan kunda valyuta kursi shartnomada ko‗rsatilgan kursdan farq qilsa, unda bir tomon foyda ko‗radi va ikkinchi tomon zarar ko‗radi. Masalan, siz joriy yil 1-yanvarda yilning 1-iyun kuni 1$ = 2200 so‗m kursida sotib olish bitimini tuzdingiz. Ammo joriy yilning 1-iyun kuni 1$=2210 so‗mni tashkil etdi, natijada siz har bir dollarga 10 so‗m miqdorida qo‗shimcha foyda ko‗rasiz. Agar 1-iyun kuni 1$=2195 so‗mni tashkil etsa, unda har bir dollar- dan 5 so‗mdan zarar ko‗rasiz. Forvard va spot kurslari valyuta bitimlarini amalga oshirish vaqti bilan bir-biridan farq qiladi.. Nazariy jihatdan forvard kursi spot kursiga teng bo‗lishi mumkin, lekin amaliyotda u doimo past yoki yuqori bo‗ladi. Agar forvard kursi spot kursidan yuqori bo‗lsa, valyuta forvard bitimida mukofot bilan kotirovka qilinadi. Agar forvard kurs spot kursidan past bo‗lsa, valyuta forvard bitimlarida diskont bilan kotirovka qilinadi. Odatda, forvard bitimlarida mukofot va diskontni umumiy tarzda ifodalash uchun forvard farqlar yoki marja tushunchasidan foydalaniladi. Forvard farqlar spot kurs asosida forvard kurslarni aniqlash uchun foydalaniladi. Forvard farqlar bitimda qatnashayotgan ikki valyutaning foiz stavkalari o‗rtasidagi farq sifatida namoyon bo‗ladi. Forvard farqlar spot kursga qo‗shiladi yoki chegiriladi. Agar forvard farqlar spot kursga qo‗shilsa, forvard kurs mukofotli, agar forvard farqlar chegiriladigan bo‗lsa forvard kurs diskontli deyiladi. Agar asosiy (bazaviy) valyutaning foiz stavkasi ikkinchi valyutaga nisbatan yuqori bo‗lsa, forvard farq (marja) chegirib tashlanadi va bu holat forvard bozorida asosiy (bazaviy) valyuta diskont bilan savdoda ishtirok etayotganligini ko‗rsatadi. Ikkinchi valyuta bu jarayonda forvard bozori savdosida mukofot bilan ishtirok etadi. Agar asosiy valyuta bo‗yicha foiz stavkasi ikkinchi valyutaga nisbatan past bo‗lsa, forvard farq qo‗shib olinadi va bu holda forvard bozorida asosiy valyuta mukofot bilan savdoda qatnashadi, ikkinchi valyuta esa diskontga ega bo‗ladi. 180 Joriy ayirboshlash kursi asosida forvard kursini topish uchun spot kursiga forvard farqlar (marja)ni qo‗shish yoki chegirish lozim. Bu qoidani quyidagicha ifodalash mumkin. Kotirovkalar tushsa - chegiriladi. Kotirovka ko‗tarilsa - qo‗shiladi. 19-jadval Download 5.53 Mb. Do'stlaringiz bilan baham: |
Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling
ma'muriyatiga murojaat qiling