Jamoani istiqbolini belgilovchi tarbiyaviy tadbirlarni tashkil etish usullari

Mavzuning dolzarbligi. O’zbekiston Pespublikasi mustaqillikka erishgandan so’ng kelajagimiz vorisi bo’lgan yoshlar tarbiyasiga katta e’tibor qaratildi.O'zbekiston Respublikasi Prezidenti Shavkat Mirziyoyevning yoshlarga qaratilgan katta e`tiborlari o`laroq : Kadrlar tayyorlash milliy dasturi va maktab ta’limini rivojlantirish umummilliy davlat dasturining amalga oshirilishi samaralari mamlakatimizda barkamol avlodni tarbiyalashga qaratilayotgan ulkan e’tiborning yaqqol tasdig’idir. Darhaqiqat , yosh avlod ma’naviy tarbiyasi nechog’li ahamiyatli va kechiktirib bo’lmas masaladir. Chunki, bugungi yoshlar ertangi O’zbekistonning kelajagi va bunyodkorlaridir. O'zbekiston Respublikasining istiqlolga erishuvi hamda o'z mustaqil siyosiy, iqtisodiy va ijtimoiy yo'liga ega bo'lishi, xalq xo'jaligining turli sohalarida, jumladan xalq ta'limi tizimida ham o'sib kelayotgan yosh avlod ta'lim-tarbiyasi bilan bog’liq jarayonini qayta ko'rib chiqishni taqozo etmoqda. Hozirgi paytda, fan va madaniyatning eng so'nggi yutuqlari asosida kelajagimiz bo'lgan yosh avlodni hayotga tayyorlashning samarali shakl va uslublarini izlash nihoyatda zarurdir. O'zbekiston Respublikasi Birinchi Prezidentining «Ma'naviyat va ma'rifat» jamoatchilik markazi faoliyatini yanada takomillashtirish va samaradorligini oshirish to'g'risida»gi farmonida ko'rsatilganidek, jamiyatda yuksak ma'naviy fazilatlarni kamol toptirish, milliy mafkurani shakllantirish, yoshlarni boy madaniy merosimiz, tarixiy an'analarimizga, umuminsoniy qadriyatlarga hurmat, Vatanga muhabbat, istiqlol g'oyalariga sadoqat ruhida tarbiyalash mamlakatimizda amalga oshirilayotgan barcha islohotlarning hal qiluvchi omilidir.
Kurs ishining maqsadi: Boshlang`ich sinflarda jamoaviy tashkil etiladigan tarbiyaviy ishlarning nazariy asoslarini o`rganish va tahlil qilish.
Kurs ishining ob’ekti: Boshlang`ich sinflarda jamoaviy tashkil etiladigan tarbiyaviy ishlarning nazariy asoslarini o`rganish va tahlil qilish jarayoni.
Kurs ishining predmeti: Boshlang`ich sinflarda jamoaviy tashkil etiladigan tarbiyaviy ishlarning nazariy asoslarini o`rganish va tahlil qilish jarayoni va vositalari.