Жисмоний тарбия, спорт назарияси ва услубияти фанининг предмети

1-МАВЗУ: “ЖИСМОНИЙ ТАРБИЯ, СПОРТ НАЗАРИЯСИ ВА УСЛУБИЯТИ ФАНИНИНГ ПРЕДМЕТИ”


Режа :
1. Жисмоний тарбия назарияси ва услубиётига кириш
2. Жисмоний тарбия назарияси предмети, унинг вазифалари ва мазмуни.
3. Фанннинг асосий тушунчаларининг таърифи.
Мавзуга оид таянч тушунчалар ва иборалар:
Жисмоний тарбия назарияси, жисмоний тарбия услубиёти, жисмоний тарбия назарияси предмети, жисмоний маданият, жисмоний тарбия, жисмоний камолот, спорт, жисмоний ривожланиш, жисмоний тарбия тизими.
Мавзуда кўриб чиқиладиган муаммолар:
Жисмоний тарбия назарияси ва методикаси фанининг пайдо бўлиш манбалари ва ривожланиш босқичлари.
1-савол бўйича дарснинг мақсади:
Жамиятда жисмоний тарбия ва спортнинг тутган ўрни ҳақида талабаларга тушунча бериш.
Идентив ўқув мақсадлари:

1. 
   Жисмоний тарбия ва спортнинг моҳиятини очиб беради.
   
2. 
   Мамлакатимизда жисмоний тарбия ва спортга эътибор ҳақида гапириб беради.
   
3. 
   Ўқитувчилик касби ва унинг соғлом авлод тарбияси жараёнидаги ўрни ҳақида гапириб беради.
   

1 – асосий саволнинг баёни:
Жисмоний маданият назарияси ва методикаси-5112000 “Жисмоний маданият” йўналиши Давлат таълим стандарти ва ўқув режасида ўзининг мустаҳкам ўрнига эга фандир.Жисмоний маданият маданият назарияси ва методикаси жисмоний маданият ва спорт соҳасида профессионал фаолият олиб бориш учун замин яратадиган фундаментал билимлар тизимини шакллантирувчи касбга йўналтирилган ўқув фани ҳисобланади.
Фаннинг мақсади: талабаларни профессионал фаолиятнинг самарали усуллари ва приёмлари тўғрисидаги зарур назарий ва услубий билимлар билан қуроллантириш,ушбу фаолият давомида таълимий,тарбиявий ва соғломлаштирувчи вазифаларни муваффақиятли ҳал этиш асосларини очиб беришдан иборат.
Жисмоний тарбия назарияси ва методикаси фани қуйидаги 4 та бўлимдан иборат:

1. 
   Жисмоний маданият ва спорт назариясининг умумий тавсифи.
   
2. 
   Жисмоний тарбия машғулотларининг мазмуни ва методикаси.
   
3. 
   Турли ёш даврларида жисмоний маданият билан шуғулланишнинг ўзига хос хусусиятлари.
   
4. 
   Спорт назарияси.
   

Биринчи бўлимда жисмоний маданият ва спорт назариясинингхусусиятлари, илмий ва ўқув фани сифатида унинг “Жисмоний маданият”мутахассислиги фанлари орасида тутган ўрни очиб берилади.Жисмоний маданият ва спорт назариясининг асосий тушунчаларига тавсиф берилади ва ушбу соҳадаги илмий тадқиқотлар тўғрисида дастлабки маълумотлар берилади.Алоҳида мавзуларда жисмоний маданиятнинг ижтимоий аспектлари ва Ўзбекистон жисмоний маданият тизимига тавсиф берилган.
Иккинчи бўлимда жисмоний маданият назарияси ва методикасининг масалалари ёритиб берилган.Жисмоний тарбия тамоиллари,воситалари ва методлари,машғулот шакллари,ҳаракатларга ўргатиш назарияси ва методикасининг асослари очиб берилган.
Учинчи бўлим шуғулланувчиларнинг ёш ва бошқа хусусиятларидан келиб чиққан ҳолда жисмоний тарбия машғулотларини ташкил қилиш муаммоларига бағишланган.
Спорт назарияси бўлимида спортнинг умумий тавсифи,спорт тренировкаси асослари,спортчини тайёрлаш тизимида режалаштириш ва комплекс назорат масалалари ёритилган.
Ушбу фанни ўрганишда Л.П.Матвеев, А.Д.Новиков, В.М.Зациорский, В.Н.Платонов, Б.А.Ашмарин, А.А.Абдуллаев, Ш.Х.Хонкелдиев, Ю.М.Юнусова,К.Маҳкамжоновларнинг дарслик ва ўқув қўлланмаларидан фойдаланилади.

Назорат саволлари:

1. 
   Мустақилликка эришилгандан сўнг Ўзбекистонда жисмоний тарбия ва спорт тўғрисида қандай Қонун ва карорлар қабул қилинди?
   
2. 
   Тарбия қандай жараён?
   
3. 
   Замонавий ўқитувчи қандай сифатларга эга бўлиши керак?