Joba: Ma’mleketlik kadastri tu’sinigi ha’m onın’ mazmunı

Belorus Respublikasi – Ko’shpes mu’lk obyektlerin texnik inventarizatsiyalaw ha’m ma’mleketlik diziminen o’tkeriw Uy-jay kommunal xojaliq ministrliginin’ ko’shpes mu’lkti esapqa aliw ha’m ma’mleketlik diziminen o’tkeriw Respublika orayi – ma’mleket unitar karxanasi ha’mde aymaqliq birliklerdegi dizimnen o’tkeriw ha’m texnik inventarizatsiyalaw organlari ta’repinen a’melge asiriladi.
Qazaqstan – Hu’kimettin’ 1997-jilg’i qarari menen ko’shpes mu’lkke bolg’an huquqlardi ha’m olar menen baylanisli bitimlerdi ma’mleket diziminen otkeriw funksiyasi sonday-aq aldin aymaqliq orinlawshi organlar janinda sho’lkenlestirilgen ko’shpes mu’lkti bahalaw ha’m ma’mleket diziminen otkeriwshi karxanalar Adliya ministirligi qaramag’ina berildi. Ko’shpes mu’lkti qa’liplestiriw boyinsha jumislar, Jer resurslarin basqariw agentligi ha’m TIKB lar ta’repinen a’melge asiriladi.
Qirg’izistan – Dizimnen o’tkiziw ha’m ko’shpes mu’lkti qa’liplestiriw funksiyalari 1999-jildan Jer du’ziw, geodeziya ha’m kartografiya ma’mleket agentligi ha’mde rayon ha’m qala TIKB lari bazasinda du’zilgen Ko’shpes mu’lkke bolg’an huquqlardi dizimnen o’tkeriw ma’mleket agentligi ta’repinen a’melge asiriladi.
Litva – huquqlardi ma’mleket diziminen o’tkeriw ha’mde ko’shpes mu’lkti qa’liplestiriw, “Registrlar orayi” ma’mleket karxanasi ta’repinen a’melge asiriladi. “Registrlar orayi” ma’mleket karxanasi ko’shpes mu’lk registrinan tisqari “yuridikaliq shaxslar ha’m adresler Registrin” da juritedi.
Moldoviya – “Ko’shpes mu’lk kadastri haqqindag’i” Nizamina muwapiq, ko’shpes mu’lkke bolg’an huquqti ma’mleket diziminen o’tkeriw ha’mde ko’shpes mu’lkti qa’liplestiriw jumislari Jer mu’nasebetleri ha’m kadastr agentligi ta’repinen a’melge asiriladi. Agentlik quramina TIKB ha’m jer du’ziw xizmetleri de kiredi.
Rossiya Federatsiyasi – “Ko’shpes mu’lkke bolg’an huquq ha’m olar menen baylanisli bitimlerdi ma’mleket diziminen o’tkeriw” Nizamina muwapiq, ko’shpes mu’lkke bolg’an huquq ha’m olar menen baylanisli bitimlerdi ma’mleket diziminen o’tkeriw ha’mde birden bir ma’mleket Reestrin jaratiw ha’m ju’ritiw Adliya organlari waziypasi bolg’an. Ko’shpes mu’lk obyektlerin texnik inventarizatsiyalaw ha’m ma’mleket esabina aliw bir neshe organlar arqali a’melge asiriladi, olar: Geodeziya ha’m kartografiya Federal xizmeti; Federal jer kadastri xizmeti; Qurilis ha’m uy-jay kommunal kompleksi ma’mleketlik kamiteti.
Ukraina – Ko’shpes mu’lkti qa’liplestiriw ha’m og’an bolg’an huquqti ma’mleket diziminen o’tkeriw funksiyalari Jer ma’mleketlik ka’miteti ha’m TIKB ortasinda bo’lingen bolip, tiyisliligi bo’yinsha jer uchastkalarina ha’mde bina ha’m inshaatlarg’a juwap beredi.
Estoniya – ko’shpes mu’lkke bolg’an huquqti ma’mleket diziminen o’tkeriw Adliya ministrligi quramindag’I arnawli sudlar ta’repinen a’melge asiriladi. Ko’shpes mu’lkti qa’liplestiriw jumislari jerlerdi bahalaw boyinsha karxanalar yamasa jeke topograflar arqali a’melge asiriladi.