Joba: Ulıwma mağlıwmatlar

5.5-súwret. Arnawlı gorelkalar.
Acetilen generatorı kal`ciy karbidin suw menen óz-ara tásirleniwinen acetilen alıw ushın arnalğan. Generator tómen basımlı (0,02 MPa shekem) hám ortasha basımlı (0,02-15 MPA shekem), hám de kóshpeli hám stacionar boladı. Kóshpeli generatorlardıń ónimdarlığı – 1,25 ten 3 m³/saat; stacionar generatorlarda - 5,10,20,40,80,160,320 hám 640 m³/saat boladı.
1-kestede
Gorelkalardıń texnikalıq sıpatlaması

Túri	№	Kepserlenip atırğan materialdıń qalıńlığı, mm	Gaz sarpı; 1-10^-3		Basım, kPa
			kislorod	acetilen	kislorod	acetilen
GS-2	0	0,25-0,6	0,0178	0,0165	50-400	1
	1	0,5-1,5	0,037	0,033	100-400
	2	1-2,5	0,072	0,064	159-400
	3	2,5-4	0,123	0,11	200-400
GS-3	1	0,5-1,5	0,0153	0,034	100-400	1
	2	1-2,5	0,036	0,065	150-400
	3	2,5-4	0,066	0,11	200-400
	4	4-7	0,123	0,21	200-400
GS-4	5	7-10	0,22	0,29	200-400	1
	6	10-17	0,33	0,45	200-400
	7	7-30	0,52	0,78	200-400

Kóshpeli ASM-1,25-3 generatorı keń tarqalgan bolıp (5.6-súwret), onıń ónimdarlığı 1,25m³/saat, maksimal basımı – 0,15 MPA teń bolıp ham de suwdı sığıp shığarıw sxemasında isleydi. Bull generatordıń ulıwma kórinisi 3a-súwrette hám onıń sxeması 3b-súwrette berilgen.

5.6-súwret. ASM-1,25-3 generatorınıń ulıwma kórinisi hám sxeması.

Genertaordıń tiykarı 1 tosıq 13 penen ekige ajıratılğan: joqarğısı – gaz payda bolıwı 5, tómengisi juwğısh 2. Gaz payda bolıwshı kamera 5 ke kamera 7 biriktirilgen bolıp, onıń joqarısınan karbid salınğan sım tor 8 shaxta 6 ğa túsetuğın etip moyın qaldırılğan. Sım tor 8 qaqpaq 9 ğa ornatıladı, qaqpaq bolsa moyınğa vint 10 menen rıchag 11 járdeminde bekkemlenedi. Suw generatorğa shaxta 6 arqalı qwyıladı. Sım tor 8 ge karbid salınıp shaxta 6 ğa túsiriledi hám qaqpaq 9 tığızlanıp jabıladı. Bunda kal`ciy karbid suw menen óz-ara tásirlenip acetilen ajıralıp shığa baslaydı hám trubka 12 arqalı juwğıshqa ótedi. Onda acetilen suwıydı hám klapna 4 arqalı shlang 3 ten suw zatvorı 14 ke baradı, onnan kepserlew gorelkası yamasa qırqıwshı maslamağa beriledi. Suw zatvorı 14 gaz kislorod jalınan qaytıwshı soqqısı (jalın gorelka ishinen generatorğa qarap júredi) bolğanda, generatordı partlawdan saqlaydı. Qurılmada generator basımın kórsetip turıwshı monometr 15 bar. Generatorğa bir mártetde 2,2 kg kal`ciy karbidin salıwğa boladı.

Bul generator tiykarında kóshpeli ASV-1,25 generatorı islep shığılğan bolıp, onıń tiykarğı ayırması bir mártede kal`ciy karbidiniń 3 kg shekem salıwğa maslastırılğanlığı. 1 kg kal`ciy karbidinen onıń tańlanıwı hám danadarlığına qarap 235-280 l acetilen alınadı. Sonıda esapqa alıw mayda hám poroshok tárizli kal`ciy karbidinen paydalanıw qadağan etiledi, sebebi olardı paydalanğanda partlaw qáwipi payda boladı. 1 kg kal`ciy karbidiniń óz-ara tásirleniwi ushın 0,56 l suw ketedi. Ámelde 7-20 l suw salınadı, bull acetilenniń jaqsı suwına hám generatordıń qáwipsiz islewine járdem beredi.