Joba: Ulıwma mağlıwmatlar

Gaz jalınında kepserlew.
Bul usıl kepserlenetuğın hám mqosımsha metallardı joqarı temperaturalı gaz-kislorod jalınında eritiwge tiykarlanğan. Kislorodta janıwı ushın janılğı sıpatında acetilen, vodorod, propan-butan alaralspası, kerosin, benzin puwları, tábiyiiy eritiwshi gazler, neft`, koks gazları isletiledi.
Kepserleniwshi birkpeleriniń sıpatı kepserlew rejimi hám texnologiyasına baylanıslı boladı. Qolda kepserlewde gorelkadan shıqqan jalındı kepserlenip atırğan orınğa sonday etip bağdarlanadı, olar yadro ushınan 2-6 mm aralıqtağı tiklew zonasında jaylasın. Qosımsha material (sım) ushı tiklew zonasına yamasa kepserlew vannasına tutıp turıladı.
Gorelkanıń jağdayı, yağnıy kepserlenip atırğan betke salıstırğanda mundshtuktıń qıyalıq múyeshine biriktirilip atırğan material qalıńlığına hám metalldıń ıssılıq ótkiziwsheńligine qarap tańlap alınadı. Eger metal qalıń hám ıssılıq ótkiziwsheńligi joqarı bolsa, barğan sayın mundshtuktıń qıyalığı sonsha artıp bara beredi (5.7-súwret).

5.7-súwret. Mundshtuktıń qıyalıq múyeshin tańlaw. Dáslep metalldı tez hám jaqsılap qızdırıp alıw ushın qıyalıq múyeshi úlkenlew etip alınadı, soń normal jağdayına qaytarıladı hám kepserlewdiń sońında qıyalığı kemeytiriledi. Bunda krater jaqsı toladı hám metall kúyiwniń aldı alınadı.

Gazde kepserlewdiń eki tiykarğı usılı bar: ońğa hám shepke kepserlew (5-súwret).

5.8-súwret. Gazde kepserlew usılları.

Ońda kepserlewde (5.8a-súwret) process shepten ońğa qarap alıp barıladı. Bunda gorelka 4 qosımsha shıbıq 2 den aldın jıljıp, jalın 3 tigis 1 di payda etiwge bağdarlanadı. Bunıń menen kepserlew vannası hawa tásirinen qorğaladı hám tigis tez suwıp qalmaydı. Bul usılda joqarı sıpatlı tigis alınadı. Shepke kepserlewde (5.8b-súwret) processii ońnan shepke qarap alıp barıladı. Onda gorelka shıbıq sımınıń artında jıljıydı. Jalın bolsa kepserlenbegen betti qızdırıp, kepserlewge tayarlaydı.

Ońğa kepserlew usılı 5 mm den qalıń bolğan detallardı kepserlewde qollanıladı. Bunda jalıń kepserlenip atırğan qırları menen eki tárepten tosıladı, artınan bolsa erigen metall menen tosılıp, ıssılıqtıń tarqalıp ketiwinen saqlaydı hám onnan ónimli paydalanıw imkanın beredi.
Shepke kepserlewde tigisti kepserlewshi kórip turğanlığı ushın jaqsı shığadı, onıń enin hám bálentligiń birden etip alıwğa imkan beredi. Sonıń ushın bull usıldan juqa materiallardı kepserlewde jaqsı nátiyje beredi.
Kepserlew usılın tańlawda jumıs orınlanıp atırğan orınnıń jağdayınada qaraladı. Tómengi jağdayda kepserlewde metall qaldıńlığına qarap kerekli usıl tańlanadı. Vertikal` tigislerdi kepserlewde tómennen joqarı qarap kepserlenedi (5.9a-súwret). Gorizontal` tigisti kepserlewde shepke kepserlew usılı qollanıladı (5.9b-súwret), jalın bolsa kepserlengen tigis qalıńlığı 3 mm den artıq bolsa, detal`dı 250-300⁰C shekem yamasa kepserleniwshi tigistiń ózin 650-700⁰C shekem qızdırıp alıw kerek. Qosımsha material sıpatında kem uglerodlı polattı kepserlewde qollanılğan joqarıda kórsetilgen sım markaları menen birge Sv-12GS markalı sım da qollanıladı.