K. PàlÍmbetov, P. Allàshov

IzbAsAr FAzÍloV
(1909 — 1961)
Izbasar  Fazılov — ÕÕ  ásir  qaraqalpaq 
ádåbiyatındaǵı  talantlı  shayırlardıń  biri.
I.Fazı lov  1909-jı l ı  Taõtakópir 
rayonında  tuwılǵan.  Qaraqalpaqstan 
Jazıwshılar  Awqamın  dúziwshilårdiń 
biri.  Ol  20-jılları,  dáslåp  Shımbaydaǵı 
intårnatta,  sońınan  1925 — 1926-jılları 
Qazaqstandaǵı  Îrånburg  qalasındaǵı 
áskåriy  måktåptå  bilim  aladı.
1926-jılı  Tórtkúl  qalasına  kålip  awıl  õojalıǵı 
tåõnikumına  oqıwǵa  kirådi  hám  onı  pitkårgånnån  soń 
sol  dáwirdegi  «Qızıl  Qaraqalpaqstan»,  «Jas  Låninshi» 
gazåtalarında  juwaplı  orınlarda  jumıs  islåydi.
Shayır  1934-jılı  burınǵı  awqam  Jazıwshılarınıń 
birinshi  siåzdinå  kåńåsshi  dawıs  penån  dålågat  bolıp 
qatnasadı.
Shayırdıń  «Jåńis  jolında»  (1934),  «Qosıqlar»  (1934, 
1959),  «Awıl  báhári»  (1975)  atlı  toplamları  basılıp 
shıqtı.
I.Fazılov  råpråssiya  qurbanı  bolıp,  nahaq  jala  såbåpli, 
jigirma  jılǵa  shamalas  qamaqta  boladı  hám  aqlanıp 
shıqqannan  soń  dóråtiwishilik  pånån  shuǵıllanadı.
I.Fazılov  shıǵarmaları  tematikasınıń  baylıǵı,  waqıt 
talabına  juwap  beriwi,  ideyalıq  hám  kórkemlik  birligi, 
tereń  xalıqlıǵı  menen  ayrılıp  turadı.  Shayır  ótkendegi 
xalıq  turmısın,  olardıń  awır  awhalın  anıq  kórgen  hám 
jaqsı  sezgen.  Ol  teńsizlik  penen  eziwshiliktiń  barlıq 

---

148
qısıwmetlerin  basınan  keshirgen.  Bunı  «Qara  qoy» 
qosıǵında  kórkem  etip  hárbir  oqıwshınıń  sanasına 
jetip,  oyında  qalarlıqtay  etip  súwretleydi. 
I.Fazılov  Watandı  adamgershilik,  azatlıq,  báhár 
gúlindey  jaynaǵan  gúl  watan  dep  maqtanısh  etse, 
1957-jılı  jazılǵan  «Men  súyemen  watan  seni»  qosı-
ǵında  bul  ideyanı  tereńletedi  hám  onı  óziniń  ishki 
júrek  sezimleri  menen  beredi.  Bul  qosıǵında  shayır 
Watanǵa  shın  muhabbat,  asqan  súyispenshilik  penen 
birge,  tereń  filosofiyalıq  tolǵanıwların  beredi.  Shayır 
shıǵarmalarında  jańa  ideyanı  sulıw,  kórkem  etip  jańa 
ırǵaq,  jańa  pát,  ólshem  hám  intonaciya  menen  beredi. 
Ol  xalıq  ushın  ayanbay  xızmet  etip,  ádebiya-
tımızdıń  tariyxında  tereń  iz  qaldırǵan  shayır.