K. PàlÍmbetov, P. Allàshov

MÍrZàǴàliy  dÁriBàEv
(1909 — 1942)
Mırzaǵaliy  Dáribaev  XX  ásir 
qaraqalpaq  ádebiyatında  shayır, 
jazıwshı,  dramaturg,  awdarmashı 
sıpatında  belgili  boldı.
Ol  1909-jılı  Qońırat  rayonında 
tuwılǵan.  1929-jılı  pedagogikalıq 
kurstı  pitkerip,  awılında  muǵallim 
bolıp  isleydi.  1935-jılı  Tashkent 
Orta  Aziyalıq  awıl  xojalıq  mektebin 
pitkeredi,  soń  gazetada,  Jazıwshılar 
awqamında  jumıs  isleydi.
Jazıwshınıń  dáslepki  shıǵarmaları  1930-jıllardan 
baslap  járiyalana  basladı.  Onıń  1930 — 40-jıllarda 
«Qosıqlar»,  «Jeńiwshiler»,  «Gúreske»  degen  toplamları 
basılıp  shıqtı.  Sońǵı  jılları  M.Dáribaevtıń  «Qosıqlar 
hám  poemalar»  (1954),  «Sh ıǵarmalar ı»  (1958), 
«Tańlamalı  shıǵarmaları»  (1963),  «Qálbiyke»  (1984) 
degen  toplamları  járiyalandı.
M.Dáribaev  dramaturgiya  tarawında  da  «Kóklen 
batır»,  «Árman»,‚  «Ǵárip-ashıq»,  «Jańa  adamlar»  atlı 
piesaların  jazdı.  Al,  jazıwshınıń  «Mıńlardıń  biri» 
povesti  qaraqalpaq  prozasınıń  qáliplesiwinde  ayrıqsha 
orın  iyeledi.