Кафедраси алимжонова Ж. И

 
 

---

62 
4-БОБ. ЧИННИ – ФАЯНС БУЮМЛАРИНИ ШАКЛЛАШ
УСУЛЛАРИ 
 
Нафис керамика маҳсулотларини ишлаб чиқаришда буюмларни 
шакллашнинг қуйидаги усуллари мавжуд: 
-пластик массадан шакллаш; 
-кукунсимон массадан пресслаш; 
-суюқ массадан (шликердан) қуйиш. 
Хўжалик чинни-фаянс буюмларини ишлаб чиқаришда 95-97% 
махсулот пластик усулда, 3-5% маҳсулот гипс қолипга қуйиш усулида 
шаклланади. Пластик усулда қолиплаш ёрдамида айланувчи жисм шаклига 
эга бўлган чинни ва фаянс буюмлари, изоляторлар, майолика ва нафис 
керамикасининг бошқа буюмлари олинади. Бунда керамик массасининг 
намлиги буюм турига қараб 17% дан 28% гача боради. 
 
1. Чинни-фаянс буюмларини пластик усулда шакллаш 
Пластик масса ёрдамида буюмларни шакллаш қуйидаги усулларда 
олиб борилади: 
1) ғовакли гипс ва пластмасса қолипларида шаблонлар, айланувчан 
штемпеллар ёки роликлар ёрдамида; 
2) металли қолипларда қиздирилган ёки антифрикцион мой билан 
қопланган штемпел ёрдамида (изоляторлар ишлаб чиқаришда); 
3) масса бўлакларидан гипс қолипларида (отминка); 
4) шнекли ва поршенли прессларида профилли мунштук орқали 
массани сиқиб чиқариш ёрдамида. Бу усул буюмларни қирқувчи 
инструментлар билан махсус автоматлар ёрдамида шаклни тўғрилаш 
операцияси билан бирга олиб борилади. 

---

63 
Пластик усулда шакл беришнинг авзалликлари: 
-турли ўлчамга эга бўлган айланувчи жисм шаклидаги буюмларни 
шакллаш мумкинлиги; 
-шакллаш жихозларининг мураккаб эмаслиги ва юқори унумдорликка эга 
эканлиги. 
-бир буюм чегарасида турли қалинликдаги деворларни олиш имконияти; 
-керамик 
массанинг 
пластиклик 
хусусиятидан 
тўлиқ 
равишда 
фойдаланиш; 
Пластик усулда шакл беришнинг камчиликлари: 
-шаклланаётган буюмнинг деформацияга учраш холлари; 
-шаклланиш сифатининг масса таркибига боғлиқ равишда ўзгариши; 
-пластик масса намлигининг кукунсимон массаникидан юқори эканлиги; 
-массани бир жинсли бўлмаган текстурани эгаллаб қолиши.