Касбга мувофиқлигини аниқлаш комиссияси

210. 
Қайта молиялаш ставкаси, унинг даражасини ўзгаришига таъсир этувчи 
омиллар?
Жавоб: Марказий банкнинг қайта молиялаш ставкаси Марказий банк томонидан олиб 
борилаётган монетар сиёсатнинг асосий йўналишларидан, инфляция ва иқтисодий ўсиш 
даражасининг ўзгариши ҳамда пул бозоридаги ҳолатдан келиб чиққан ҳолда белгиланади ҳамда 
у иқтисодиётдаги фоиз ставкаларининг индикатори бўлиб хизмат қилади. Қайта молиялаш 
ставкаси монетар сиёсат инструментларидан бири бўлиб, у Марказий банкнинг тижорат банклари 
билан операцияларини амалга оширишда қўлланилади. 
211. 
Рентабеллик тўғрисида маълумот беринг.
 
Жавоб: Рентабеллик - пул, меҳнат ва моддий ресурсларидан фойдаланиш бўйича 
самарадорлик даражасини ифодалайдиган нисбий кўрсаткичдир. 
212. 
Синдициялаштирилган кредит нима? 
Жавоб: Синдициялаштирилган кредит - бир неча банклар томонидан йирик инвестиция 
лойиҳаларини биргаликда кредитлаш. 
Йирик инвестиция лойиҳаси - умумий қиймати тижорат банкларининг биринчи даражали 
капиталининг 25 фоизидан ошадиган инвестиция лойиқаси. 
Синдициялаштирилган кредитлар фақат юридик шахсларга берилади. 
213. 
Қайси мижозлар ва мақсадларга кредитлар бериш тақиқланади? 
- 
Давлат бошқаруви органлари ва бюджет ташкилотларига (Ҳукуматнинг алоҳида қарорига 
асосан ажратилиши лозим бўлган кредитлардан ташқари); 
- 
хўжалик фаолияти билан шуғулланмайдиган жамоат ташкилотларига; 
- 
зарар кўриб ишлаётган корхоналарга (банк балансига олинган банкрот ишлаб чиқариш 
корхоналари мулкларини бошқариш учун таъсис этиладиган бошқарув компаниялари устав 
капиталидаги иштироки бундан мустасно). 
- 
қимматли қоғозлар бўйича биржа спекулятив амалиётларига; 
- 
сиёсий мақсадларга; 
- 
қурол ишлаб чиқариш ва сотиб олишга; 
- 
ноқонуний (жиноий фаолият, терроризмни молиялаштириш ва бошқа.) мақсадларга; 
- 
АТ Халқ банк қимматли қоғозлари гарови асосида (банк акцияларидан ташқари) кредитлар 
бериш; 
- 
бошқа банкларнинг кредитларини таъминоти сифатида кафолат, кафиллик ва 
аккредитивлар бериш (алоҳида ҳолларда ушбу масала Бош Банк Кредит қўмитаси томонидан 
кўриб чиқилиши мумкин); 
- 
қиморхоналар фаолиятига.