Kasbiy nutqning qo'llanilish sohalari

Internet saytlari
1.http://teachyourselfuzbek.com/resources/coursebooks/–Самоучитель узбекского языка.
2.http://solver.uz/translate.php – Русско-узбекский переводчик.
3.http://library.ziyonet.uz/ – таълим портали

38-Mavzu: FARMOYISH HUJJATLARI. FARMOYISH HUJJATLARINING TURLARI, XUSUSIYATLARI.BUYRUQ, FARMOYISH, KO‘RSATMALAR BILAN TANISHISH.UNIVERSITET FAOLIYATIGA VA TALABANING TAHSIL OLISH JARAYONIGA OID FARMOYISH HUJJATLARI BILAN ISHLASH.


Reja:
1. Farmoyish hujjatlarining turlari, xususiyatlari.
2. Buyruq, farmoyish, ko’rsatmalar bilan tanishish.


Farmoyish hujjatlari
Farmoyish hujjatlari asosan tashkilot rahbari (dirеktor)ning buyruq, ko‘rsatma, farmoyishlari asosida vujudga kеladi.

B U Y R U Q
Mazkur huquqiy hujjat muayyan muassasa oldida turgan asosiy va kundalik vazifalarni hal qilish maqsadida qo‘llaniladi. Mohiyat-e’tibori bilan buyruqlar ikkiga bo‘linadi:
1) asosiy faoliyatga oid;
2) kadrlar shaxsiy tarkibiga oid.
Asosiy faoliyatga oid buyruqlar ishni tashkil qilish, muassasa yoki uning bo‘limlari faoliyatini tartibga solishda qo‘llanadi.
Buyruq loyihasi bosh mutaxassislar, huquq maslahatchisi, bosh hisobchi bilan kelishilgan holda tuziladi. Buyruq matni muassasa blankasida yozilib, asoslovchi (kirish) va farmoyish qismlardan tashkil topadi. Asoslovchi qismda buyruqdan maqsad, shart-sharoit ko‘rsatiladi, asos qilingan buyruqqa (hujjatga) havola qilinadi. Asoslashga ehtiyoj bo‘lmagan hollarda to‘g‘ridan-to‘g‘ri buyruqning farmoyish qismi beriladi. Buyruqning farmoyish qismi yangi satrdan «BUYURAMAN:» so‘zini bosh harflar bilan ikki nuqta qo‘yib yozishdan boshlanadi. Shundan so‘ng farmoyish yoziladi. Agar farmoyish bir nechta bo‘lsa, bandlarga ajratilib, arabcha raqamlar bilan belgilanadi.
Farmoyishlarda biror vazifani kim, qanday va qachon bajarishi majhul nisbatdagi fe’lning buyruq (III shaxs, birlik) shakli bilan ifodalanadi (tayinlansin, belgilansin, o‘tkazilsin, qabul qilinsin kabi).
Farmoyish oxirida buyruqni nazorat qilish kimga yuklatilgani qayd etiladi.
Ba’zan farmoyishdan so‘ng buyruqqa asos bo‘lgan hujjat nomi ham ko‘rsatiladi.