Keleshekti kóriwshi

Elektron portfolio bul – basshı hám pedagog xızmetkerlerdiń kásiplik iskerlik nátiyjelerin bahalawǵa qaratılǵan oqıw-metodikalıq, ilmiy-izertlew hám dóretiwshilik jumıs máterialların qamtıp alıwshı elektron resusrlar kompleksi.
Qarardıń 37 bántine muwapıq Qayta tayarlaw hám qánigeligin arttırıw kursları tıńlawshılarınıń ózlestiriwi reyting bahalaw sistemasında qadaǵalanadı. Bunda tıńlawshılar elektron portfoliosına basshı hám pedagog xızmetkerlerdiń aqırǵı 3 jıllıq kásiplik, oqıw-metodikalıq hám ilimiy-metodikalıq iskerligi dawamında islengen dóretiwshilik jumısları, erisken jetiskenliklerin tastıyıqlawshı hújjetleri jaylastırılıwı kerek.
Bul hújjetlerdi jaylastırıw tártibi tómendegishe alıp barıladı:

• 
  Ashıq oqıw shınıǵıwları hám sheberlik sabaqların shólkemlestirilgenligi haqqında bilimlendiriw mákemesi kafedrası yáki ilimiy-metodikalıq keńesi jıynalısında dodalanıwınıń oqıw isleri boyınsha prorektor tárepinen tastıyıqlanǵan kóshirmesi;
  
• 
  Sabaq berip atırǵan pánleri boyınsha talabalardıń respublika hám xalıqaralıq kólemdegi pán olimpiadaları, sport jarısları, kórkem óner tarawındaǵı tańlawlar hám kórgizbelerindegi qatnasıwın tastıyıqlawshı hújjettiń kóshirmesi;
  
• 
  Ilimiy konferenciyalar toplamında baspadan shıǵarılǵan jumıslardıń tastıyıqlanǵan kóshirmesi;
  
• 
  Ilimiy jurnallarda baspadan shıǵarılǵan jumıslardıń tastıyıqlanǵan kóshirmesi;
  
• 
  Kórik tańlawlar hám kórgizbelerdegi qatnasqanlıǵın tastıyıqlawshı hújjettiń nusqası;
  
• 
  Ilimiy joybarlarda qatnasqanlıǵı boyınsha joybardıń atı hám dizimge alıw nomeri, joybardı ámelge asırıwdaǵı róli, ámelge asırılıw múddetleri haqqındaǵı maǵlıwmatlardıń ilimiy jumıslar hám innovacion iskerlik boyınsha prorektor tárepinen tastıyıqlanǵan kóshirmesi;
  

Sonday-aq elektron portfolioǵa sistemasına kiritilgen barlıq maǵlıwmatlardıń durıslıǵına basshı hám pedagog kadrlar jeke juwapker esaplanadı. Egerde bul maǵlıwmatlar haqıqıymesligi tastıyıqlanǵan jaǵdayda tiyisli basshı hám pedagog xızmetkerdiń elektron portfoliosı biykar etiledi.
Hár bir sistemanıń óziniń wazıypaları bar bunda elektron portfolionıńda funkciyaları bar olar tómendegishe:

• 
  Diagnostikalıq funkciya (málim waqıt aralıǵında bilim, tájiriybelerdi ózlestiriw dárejesi);
  
• 
  Maqsetge erisiwdi támiyinlew funkciyası (kásiplik maqsetge erisiw ushın háreketler kompleksin belgilep alıp, erisiw jolların tańlaw) ;
  
• 
  Rawajlandırıw funkciyası (bilim hám tájiriybe arttırıwdıń dawamlılıǵım támiyinlew);
  
• 
  Reytingti belgilew funkciyası (individual jetiskenliklerdi san hám sıpat kórsetkishi tiykarında belgilew) sıyaqlı funkciyalardı orınlaw arqalı tıǵlawshılardıń bilimin obektiv bahalawda úlkem áhmiyetke iye esaplanadı.
  

Elektron portfolionı búgingi kúnde bilimlendiriw sistemasında basshı hám pedagog xızmetkerlerdiń qánigeligin hám tájiriyebesin arttırıw oraylarında tıńlawshılardı adalatlı, obektiv bahalawda qollanılıp kelinbekte. Bul bolsa óz gezeginde qansha waqıttan berli bul sistema arqalı nátiyjelikge erisilmekte.
Elektron portfolio basshı hám pedagog xızmetkerdiń kásiplik komptentligin bahalaw ushın ámeliy iskerligindegi nátiyjelerin (orınlanǵan joybarlar, talabalarınıń olimpiada hám tańlawlarda qatnasqanlıǵı, alıp barǵan ilimiy izertlewleri sıyaqlılardı) kórsete alıwdan ibarat. Portfolio tıńlawshıǵa óz jumısları nátiyjelerin analiz etiw, ulıwmalastırıw, sistemalastırıw, óz imkaniyatların obektiv bahalaw hám qıyınshılıqlardı sheshiwdi rejelestiriw hámde joqarı nátiyjege erisiw imkaniyatın beredi.