Keleshekti kóriwshi

Mavzu. Bilimlendiriw mákemesi xızmetin bahalaw.

Bilimlendiriw mákemeleri attestaciyası ham akkreditaciyası. Bilimlendiriw mákemesi xızmetkerleri attestaciyası. Bilimlendiriw mákemeleri reytingin anıqlaw. Bilimlendiriw mákemelerin licenziyalaw. Sertifikatlastırıw.
Bilimlendiriw sıpatı hám kadrlar tayarlawdı basqarıwda bilimlendiriw mákemesi hám onıń oqıtıw-kásiplik baǵdarmaların akkreditaciya hám atestaciyadan ótkeriw zárúr áhmiyetke iye. Rawajlanǵan mámleketlerde bilimlendiriw mákemeleri hám onıń baǵdarlamasın akkreditaciyalaw, oǵan bilimlendiriw sistemasın hám ózi xızmet kórsetiwi lazım bolǵan keń jámáátshilik iseniminiń kórinisi esaplanadı.
Attestaciya - bilimlendiriw mákemelerin mámleket tárepinen tekseriw hám bahalawdıń tiykarǵı túri bolıp, bilimlendiriw mákemesi mazmunı hám sıpatınıń mámleketlik bilimlendiriw standartları hám mámleket talaplarına juwap beriwin anıqlaydı.
Ózbekstan Respublikası Ministrler Kabinetiniń 2019-jılı 7-iyundaǵı 470- sanlı qararınıń birinshi bántinde Mámleketlik hám mámleketlikemes bilimlendiriw mákemelerin attestaciyadan hám mámleketlik akkreditaciyadan ótkeriw tártibi haqqındaǵı qaǵıyda 1-qosımshasına muwapıq tastıyıqlanǵan hám 2019-jıl 1-sentyabrden baslap ámeliyatqa engizilgen.
Mámleketlik hám mámleketlikemes bilimlendiriw mákemelerin attestaciyadan hám mámleket akkreditaciyadan ótkeriw tártibi haqqındaǵı qaǵıydada «Bilimlendiriw haqqındaǵı» Ózbekstan Respublikası Nizamına muwapıq mákemelik tiyislilik hám shólkemlestiriw-huqıqıy formalarınan qaramastan Ózbekstan Respublikasınıń mektepke shekemgi, ulıwma orta, orta arnawlı, kásip-óner, mektepten tısqarı, joqarı, joqarı oqıw ornınan keyingi bilimlendiriwdi ámelge asırıw hám olardı qayta tayarlaw mámleket bilimlendiriw mákemelerin hám de mámleketlikemes bilimlendiriw mákemelerin attestaciyadan hám mámleketlik akkreditaciyadan ótkeriw tártibin belgileydi.
Usı qaǵıyda Ózbekstan Prezidenti janındaǵı Mámleketlik basqarıwı akademiyası, Ózbekstan Respublikası Bank-qarjı akademiyası hám Ózbekstan Respublikası Prezidenti janındaǵı Joybar basqarıwı milliy agentligi qasındaǵı Abu Rayxan Beruniy atındaǵı Biznes hám basqarıw respublika joqarı mektebi hámde áskeriy bilimlendiriw mákemelerine salıstırǵanda hám engiziledi.
Áskeriy bilimlendiriw mákemelerin attestaciyadan hám akkreditaciyadan ótkeriwde mámleket, áskeriy, xızmet sırları yáki nızam menen qorıqlanatuǵın basqa sırlarǵa tiyisli maǵlıwmatlardı talap etiwge jol qoyılmaydı delingen.
1.Bilimlendiriw shólkemleri attestaciyas hám akkreditaciyası Ózbekstan Respublikasınıń «Bilimlendiriw haqqında»ǵı Nızamında hámde usı Qaǵıydada belgilengen talaplar tiykarında ótkeriledi.
Bilimlendiriw mákemelerin attestaciyadan hám akkreditaciyadan ótkeriw usı Qaǵıydaǵa qarardıń 1-qosımshasına muwapıq sxema boyınsha ámelge asırıladı.
2.Bilimlendiriw mákemelerin akkreditaciyadan ótkeriw Ózbekstan Respublikası Ministrler Kabineti qasındaǵı Bilimlendiriw sıpatın qadaǵalaw mámleketlik inspekciyası (keyingi orınlarda Mámleketlik inspekciyası dep ataladı) tárepinen attectaciyaǵa tiykarınan ámelge asırıladı.
Attestaciya bilimlendiriw shólkeminiń iskerligin bahalawda mámleket qadaǵalawınıń tiykarǵı forması esaplanadı hám mámleket mákemelerinde kadrlar tayarlaw mazmunı, dárejesi hám sıpattıń mámleket tálim standartları hámde mámleketlik talaplarna muwapıqlıǵın anıqlawdan ibarat.
1.Attestaciyanıń tiykarǵı principleri tómendegiler esaplanadı:
ǵarezsizlik;
biytáreplik;
ashkaralıq;
ashıqlıq;
ádillik;
dáwirlik.
2.Akkreditaciya bilimlendiriw mákemeleri iskerliginiń mámleket tálim standartları hám mámleket talapları bahalaw hám talaplarına muwapıqlıǵınıń mámleket tárepinen tán alınıwı hám olardıń pitiriwshilerine mámleket tárepinen tastıyıqlanǵan úlgidegi maǵlıwmat haqqındaǵı hújjetlerdi tapsırıw huqıqın beriwden ibarat.
3.Jańa shólkemlestirilgen bilimlendiriw mákemeleri olar shólkemlestirilgen payıttan baslap 5 jıl múddetge akkreditaciyadan ótken dep esaplanadı. Medicina joqarı oqıw orınları shólkemlestirilgen payıttan baslap 6 jıl múddetge akkreditaciyadan ótgen dep esaplanadı. Belgilengen múddetler tamamlanǵannan soń bilimlendiriw mákemeleri akkreditaciyadan ótkeriliwi shárt.
4.Licenziyaǵa iye bolǵan mámleketlikemes bilimlendiriw mákemeleri tárepinen mámleket úlgisindegi maǵlıwmat haqqındaǵı hújjet mámleketlik tálim standartları yáki mámleket talapları tiykarǵı bilim alǵan pitiriwshilerine beriledi. Mámleketlik tálim standartları yáki mámleket talaplarınan tısqarı bilimlendiriw baǵdarlamaları tiykarǵı bilim alǵan mámleketlikemes bilimlendiriw mákemeleri pitiriwshilerine mámleket úlgisindegi maǵlıwmat haqqındaǵı hújjet berilmeydi.
5. Bilimlendiriw mákemelerin akkreditaciyadan ótkeriw tómendegi basqıshlardan ibarat:
Attestaciyadan ótkeriw procesine tayarlıq kóriw;
Bilimlendiriw mákemelerin attestaciyadan ótkeriw hám onıń nátiyjelerin analiz etiw;
Attestaciya nátiyjelerine kóre bilimlendiriw mákemelerin akkreditaciyadan ótkeriw boyınsha qarar qabıl etiw;
Attectaciyadan ótkeriw procesinde anıqlanǵan kemshilikerdi sheshiw is-ilajların belgilew;
Attestaciya nátiyjeleri boyınsha islep shıǵılǵan is-ilajlar orınlanıwın qadaǵalaw.
6.Mámleketlik inspekciyası Ózbekstan Respublikası Mektepke shekemgi bilimlendiriw ministrligi, Xalıq bilimlendiriw ministrligi, Joqarı hám orta arnawlı bilimlendiriw ministrligi, Innovaciya ministrligi hámde sistemasında mámleketlik bilimlendiriw mákemeleri bolǵan basqa ministrlikler hám mákemeler menen kelisilgen halda usı qaǵıyda talaplarınan kelip shıǵıp bilimlendiriw mákemelerin attestaciyadan ótkeriw bahalawların islep shıǵadı hámde attestaciya olar tiykarǵı ótkeriledi.
7.Attestaciya Mámleketlik inspekciyasi tárepinen shólkemlestiriledi. Attestaciya bilimlendiriw mákemeleriniń iskerligin ishki hám sırtqı bahalawdan ibarat eki basqıshta ámelge asırıladı. Bilimlendiriw mákemeleriniń iskerligin ishki bahalaw bilimlendiriw mákemeleri tárepinen ózin-ózi bahalaw esaplanadı. Bilimlendiriw mákemeleriniń iskerligin sırtqı bahalaw ishki bahalaw ótkeriletuǵın keyin bilimlendiriw máekemeleri iskerligine Mámleketlik inspekciyası tárepinen baha beriw esaplanadı.
8.Tómendegiler bilimlendiriw mákemeleri iskerligin ishki bahalawdıń tiykarǵı maqseti esaplanadı:
bilimlendiriw mákemeleri yáki oqıtıw baǵdarlamaların attestaciya kórsetkishleri hám bahaları tiykarında bahalaw;
bilimlendiriw mákemelerinde tálim sıpatı hám mazmunınıń mámleketlik tálim standartları hám mámleketlik talaplarına muwapıqlıǵın anıqlaw;
bilimlendiriw mákemeleriniń iskerligindegi bar mashqalalar hám kemshiliklerdi anıqlaw hám olardı sheshiw ilajların kóriw;
bilimlendiriw mákemelerin sırtqı bahalawdan ótkeriwge tayarlaw.
9.Ishki bahalaw joqarı oqıw orınlarında usı mákemelerdiń bilimlendiriw sıpatın qadaǵalaw bólimleri tárepinen, basqa bilimlendiriw mákemelerinde basshılardıń buyrıǵı menen shólkemlestiriletuǵın ishki bahalaw komissiyaları tárepinen ámelge asırıladı.
10.Komissiyalar tárepinen bilimlendiriw mákemeleri iskerligin ishki bahalaw sırtqı bahalawdan keminde bir ay aldın ótkeriledi.
11. Bilimlendiriw mákemeleriniń iskerligin sırtqı bahalawdan ótkeriw ushın ekspert komissiyaları shólkemlestiriledi.
12.Ekspert komissiyaları tárepinen tálim shólkemleri iskerligin sırtqı bahalaw tómendegi múddetlerde ótkeriledi:
Mektepge shekemgi, ulıwma orta bilimlendiriw, orta arnawlı hám mektepten tısqarı bilimlendiriw shólkemlerinde – 3 jumıs kúnine shekem;
Kásip-óner bilimlendiriw shólkemlerinde – 6 jumıs kúnine shekem;
Kadrlar tájiriybesin asırıw hám olardı qayta tayarlaw mákemelerinde – 10 jumıs kúnine shekem.
Joqarı oqıw orınları, sonday-aq, joqarı oqıw ornınan keyingi bilimlendiriwdi ámelge asırıwshı joqarı oqıw mákemeleri hám ilimiy-izertlew mákemelerinde - 12 jumıs kúnine shekem.
13. Bilimlendiriw mákemeleri yáki oqıtıw baǵdarlamaları 5 jılda bir márte attestaciyadan ótkeriledi. Bilimlendiriw mákemeleri quramındaǵı filiallar hám joqarı bilimlendiriw mákemeleri quramındaǵı joqarı oqıw ornınan keyingi bilimlendiriw institutı attestaciyası bilimlendiriw shólkemleri attestaciyası menen bir waqıtta ótkeriledi.
14. Bilimlendiriw mákemeleri yáki oqıtıw baǵdarlamaları 5 jılda bir márte attestaciyadan ótkeriledi. Bilimlendiriw mákemeleri quramındaǵı filiallar hám joqarı bilimlendiriw mákemeleri quramındaǵı joqarı oqıw ornınan keyingi bilimlendiriw institutı attestaciyası bilimlendiriw shólkemleri attestaciyası menen bir waqıtta ótkeriledi.
15.Attestaciya procesinde oqıtıw túrleri boyınsha bilimlendiriw mákemeleriniń aqırǵı eki jıllıq iskerligin kompleks analiz tiykarǵı tómendegilerge ayrıqsha itibar beriledi.

1. 
   Mektepge shekemgi bilimlendiriw shólkemlerinde:
   

Tálim-tárbiya procesiniń mámleketlik talaplarına muwapıq shólkemlestirilgeni;
Tárbiyalanıwshılardıń rawajlanıw dárejesi;
Basshı hám tárbiyashı-pedagog kadrlar potenciyalı;
Máteriallıq-texnika bazanıń halatı hám tárbiyalanıwshılardıń rawajlanıwı ushın jaratılǵan sharayatlar;
Sanitariya qaǵıydalar, normalar hám gigiena normativlerine, estetikalıq talaplarǵa ámel etiliwi hámde awqatlandırıw sıpatı;
Milliy, mádeniy-tarıyxıy qádriyatlardı sáwlelendiriwshi hám kitap oqıwǵa qızıǵıwdı oyatıwshı oqıw-metodikalıq, didaktikalıq máteriallar, oyın hám oyınshıqlar, kórkem ádebiyatlar menen támiyinlew halatı;
Mektepge shekemgi bilimlendiriw mákemeleri iskerligin ata-analar yáki olardıń ornın basıwshı shaxslar ortasında ótkerilgen sociallıq sorawnama nátiyjeleri;
Mektepe shekemgi bilimlendiriw mákemesi iskerligi esabınan ata-analar yáki olardıń ornın basıwshı shaxslar ortasında ótkerilgen sociallıq sorawnama nátiyjeleri;
Bilimlendiriwdiń keyingi basqıshına tayarlaw baǵdarlamalarınıń orınlanıwı;

2. 
   Ulıwma orta hám arnawlı bilimlendiriw mákemelerinde:
   

Shólkemlestiriw-basqarıw iskerliginiń nátiyjeligi;
Bilimlendiriw procesine mámleketlik tálim standartlarınıń engizilgenligi;
Oqıwshılar bilim dárejeleriniń mámleket tálim standartlarına muwapıqlıǵı;
Oqıwshılardıń sabaqlıq hámde metodikalıq qollanbalar menen támiyinlengenlik dárejesi;
Pedagog kadrlar potenciali;
Bilimlendiriw procesine zamanagóy oqıtıw usılları hám xabar texnologiyalarınıń engizilgenligi;
Máteriallıq-texnikalıq támiynati;
Ruwxıy-aǵartıwshılıq jumıslardı shólkemlestiriw sapası;
Oqıwshılardı kásip-ónerge baǵdarlaw jumıslarınıń hám olarǵa kásiplik bilim beriliwiniń sapası;
Xalıqaralıq hám respublikalıq pán olimpiadalarında qatnasıw halatı hám olarda jeńimpaz bolǵan oqıwshılar salmaǵı;
Reyting bahalaw sistemasınıń qollanılıw sapası;
Pitiriwshilerdı joqarı bilimlendiriw mákemelerine oqıwǵa kiriw halatı;
Ulıwma orta hám orta arnawlı bilimlendiriw mákemesi iskerligi esabınan ótkerilgen sociallıq sorawnama nátiyjeleri;
3) mektepten tısqarı bilimlendiriw mákemelerinde:
a)muzika hám kórkem-óner bilimlendiriw mákemelerinde:
bilimlendiriw procesine mámleket talaplarınıń engizilgenligi;
bilim alıwshılar bilim dárejeleriniń mámleket talaplarına muwapıqlıǵı;
oqıw-metodikalıq jumıslarınıń alıp barılıwı hám oqıwshılardıń ásbaplar, notalar hámde metodikalıq qollanbalar menen támiyinlengenligi dárejesi;
máteriallıq-texnikalıq támiynatı hám onıń tálim baǵdarlarına maslıǵı;
xalıqara hám respublika kórik-tańlawları hámde festivalları jeńimpazları bolǵan oqıwshılar salmaǵı;
b) balalar-óspirimler sportı bilimlendiriw mákemelerinde:
sportshılardı tayarlaw boyınsha oqıw shınıǵıwlarınıń mámleket talapları hám oqıw baǵdarlamalarına muwapıqlıǵı;
sport jarısların ótkeriw kalendar rejesiniń dúzilgenligi hám onıń orınlanıwı halatı;
pedagog kadrlar hám trenerler menen támiyinlengenlik dárejesi;
sport túrleri boyınsha sport bazasınıń ámeldegi, sport inventarları hám úskeneler menen támiyinlengenlik dárejesi;
respublika hám aymaqlıq qurama komandalardıń tiykarǵı xalıqara, respublika hám aymaqlıq sport jarıslarında erisken nátiyjeleri;
sport bilimlendiriw mákemelerinde islengen sport ilajları; analizi;
sport túrleri boyınsha oqıw-metodikalıq ádebiyatlar menen támiyinlengenlik dárejesi;
bilim alıwshılardıń sport tayarlaw toparınıń keyingi basqıshlarında saqlap qalıw monitoringi;
oqıwshı-jaslar ortasında fizikalıq tárbiya hám sporttı úgit-násiyatlawdıń halatı;
v) basqa mektepten tısqarı bilimlendiriw mákemelerinde:
bilim alıwshılar bilim dárejeleriniń mámleket talaplarına muwapıqlıǵı;
mádeniy-ǵalabalıq ilajlardiń nátiyjeligi;
mektepten tısqarı bilimlendiriw mákemesiniń bilimlendiriw tarawına mas támiyinleniwi hám olardan paydalanıw dárejesi;
pedagog kadrlar menen támiyinlengenlik dárejesi hám pedagog kadrlar potenciyali;
4) kásip-óner bilimlendiriw shólkemlerinde:
oqıw-tárbiyalıq procesiniń mámleket tálim standartlarına muwapıq shólkemlestirilgenligi;
oqıwshılardıń oqıw rejesindegi pánlerdi ózlestiriw dárejesi;
pedagog, injener-pedagog kadrlar menen támiyinlengenlik dárejesi hám olardıń sıpat quramı;
oqıw rejesindegi pánler boyınsha zárúr oqıw ádebiyatlar (sabaqlıq, oqıw qollanba, lekciya toplamı, metodikalıq qollanba, elektron sabaqlıqlar) bar ekenligi hámde kitapxana yáki málimleme-resurs orayı fondınıń olar menen toltırılǵanlıǵı;
kitapxananıń yáki málimleme-resurs orayınıń oqıtıw tiline mas halda oqıw, metodikalıq, siyasıy-sociallıq, ruwxıy-aǵartıwshılıq hám kórkem ádebiyatlar menen bayıtılıwı;
máteriallıq-texnikalıq támiyinleniwi hám olardan oqıw procesinde paydalanıw halatı;
zamanagóy pedagogikalıq, xabar-kummunikaciya hám innovacion texnologiyalardıń oqıw procesinde qollanıwı;
respublika hám xalıqaralıq kólemdegi kásiplik kórik-tańlawlar jeńimpazları salmaǵı;
bilimlendiriwdiń ilim hám islep shıǵarıw menen integraciyası;
kásipke baǵdarlaw boyınsha úǵit-násiyat jumıslarınıń nátiyjeligi, bilimlendiriw mákemesine oqıwshılar qabıl etiw procesiniń shólkemlestiriw hám ámelge asırılıwı;
pitiriwshilerdiń bilimlendiriwdiń keyingi basqıshlarına oqıwǵa kiriwi hámde jumısqa jaylasıw dárejesi;
úǵit-násiyat jumıslarınıń shólkemlestirilgenligi hám onıń nátiyjesi;
oqıtıwshı hám oqıwshılar ushın jaratılǵan sharayatlar hámde olardı máteriallıq hám ruwxıy xoshametlew halatı;
5) joqarı oqıw orınları:
shólkemlestirilgen-basqarıw iskerliginiń nátiyjesi;
mámleket tálim standartlarınıń oqıw procesine engiziliwi;
talabalardıń pán baǵdarlamaların ózlestiriw dárejesi (bilim);
professor-oqıtıwshılardıń ilimiy-pedagogikalıq potencialı hám olar qániygeliklerdiń sabaq berip atırǵan pánlerine muwapıqlıǵı;
talabalardıń sabaqlıq (elektron sabaqlıq) hám oqıw qollanbaları menen támiyinlengenligi dárejesi, elektron kitapxana sistemasınıń bar ekenligi, onnan paydalanıw nátiyjeligi hám ózbetinshe bilim boyınsha xabar resurslarınan paydalanıw imkaniyatınıń jaratılǵanlıǵı;
máterillıq-texnikalıq támiyinlengenligi, oqıw laboratoriyalardıń zamanagóy asbap-úskeneler menen hámde paydalı oqıw-laboratoriya maydanı menen támiyinlengenlik dárejesi;
elektron oqıtıwdıń engiziliwinde zamanagóy pedagogikalıq, xabar-kommunikaciya hám innovacion texnologiyalarınıń qollanılıwı;
bilimlendiriwdiń islep shıǵarıw hám ilim-pán menen integraciyası;
ilimiy-izertlew iskerligi;
ruwxıy-aǵartıwshılıq iskerligi;
pitiriwshilerdiń bilimlendiriwdiń keyingi basqıshlarına oqıwǵa yáki jumısqa jaylasıwı;
xalıqaralıq baylanıstıń jolǵa qoyılǵanlıǵı;
abiturientlerdiń oqıwǵa qabıl etiw procesiniń shólkemlestiriliwi hám ámelge asırılıwı;
pitiriwshiler tárepinen pitiriw qánigelik jumısları hám magistrlik dissertaciyaları orınlanıwı, juwmaqlawshı mámleketlik attestaciyaǵa tiyisli iskerlik hám onıń nátiyeleri;
jumıs beriwshilerdi pitiriwshileri bilimi, tájiriybesi hám kónlikpelerinen qanıǵıw halatı;
16) joqarı oqıw ornınan keyingi bilimlendiriwdi ámelge asırıwshı joqarı oqıw bilimlendiriw hám ilimiy-izertlew mákemelerinde;
mámleket talaplarınıń oqıtıw procesine engiziliwi;
ilimiy basshı hám másláhátshiler quramınıń sıpat kórsetkishleri hámde olardıń ilimiy-shólkemleskenlik iskerligi nátiyjeleri;
bilimlendiriwdi ámelge asırıw procesine qamtıp alınǵan pedagog hám ilimiy xızmetkerlerdiń Ózbekstan Respublikası Ministrler Kabineti qasındaǵı Joqarı attestaciya komissiyası tán alınǵan jurnallarda, sonday-aq shet el baspalarında ilimiy maqalalardı basıp shıǵarıw iskerligi;
ilimiy-eksperimental, máteriallıq-texnikalıq bazanıń halatı;
doktorant hám erkin izleniwshilerge sociallıq, ilimiy, dóretiwshilik hámde joybarlastırıw jumısların alıp barıwları ushın jaratılǵan shart-sharayatlar;
doktorant hám erkin izleniwshiler jeke is rejeleriniń orınlanıwı, esabatlarınıń joqarı bilimlendiriw orınlarınıń yáki ilimiy-izertlew mákemeleriniń kollegial organlarında (ilimiy keńes, keńes, ilimiy-texnikalıq keńes, ilimiy-muwapıqlastırıwshı keńes hám basqalarda) dodalaw talqılanlanǵanlıǵı hámde tastıyıqlanǵan rejege mas dep tabılǵanlıǵı;
doktorant hám erkin izleniwshiler iskerligi nátiyjeligi monitoringiniń alıp barılıw halatı;
joqarı oqıw ornınan keyingi bilimlendiriw institutın pitirgen doktorantlar hám ekin izleniwshilerdiń filosofiya doktorı (PhD) hám ilim doktorı (Doctor of Science) dissertaciyaların qorǵaw halatı;
17) kadrlar tájiriybelerin asırıw hám olardı qayta tayarlaw tálim shólkemlerinde:
shólkemleskenlik-basqarıw iskerliginiń nátiyjeligi;
mámleket talaplarınıń oqıw rejesine engiziliwi;
máteriallıq-texnikalıq támiyinlengenligi;
pedagog kadrlardıń ilimiy-pedagogikalıq potencialı;
oqıw procesine zamanagóy pedagogikalıq hám xabar-kommunikaciya texnologiyalarınıń engiziliwi;
bilimlendiriwdiń islep shıǵarıw menen integraciyası hámde xalıqara baylanıs iskerligi;
pitiriw imtixanları, tájiriybe hám pitiriw jumıslarınıń orınlanıwı;
tájiriybe asırıw hám qayta tayarlaw juwmaǵı boyınsha diplomlar, guwalıqlar, sertifikatlar rásmiylestiriliwi hám beriliwi.
18.Mámleketlikemes bilimlendiriw mákemeleri hámde ózin-ózi tolıq finanslastıratuǵın mámleket bilimlendiriw mákemeleriniń attestaciyadan ótkergenlik ushın tómendegi muǵdarlarda jıyım óndiriledi:
mektepke shekemgi, ulıwma orta arnawlı hám mektepten tısqarı bilimlendiriw boyınsha – eń kem aylıq is haqınıń on bes barabarı;
orta arnawlı hám kásip-óner bilimlendiriw boyınsha tiyisliligi kóre attestaciyaǵa qamtıp alınatuǵın hár bir tálim baǵdarı hám kásip ushın – eń kem aylıq is haqınıń jeti barabarı;
joqarı bilimlendiriw boyınsha attestaciyaǵa qamtıp alınatuǵın hár bir tálim baǵdarı hám qánigelikler ushın – eń kem aylıq is haqınıń on eki barabarı;
joqarı oqıw ornınan keyingi bilimlendiriw boyınsha attestaciyaǵa qamtıp alınatuǵın hár bir qánigelik ushın eń kem aylıq is haqınıń altı barabarı;
qánigelik asırıw hám qayta tayarlaw bilimlendiriwi boyınsha attestaciya qamtıp alınatuǵın hár bir kurs ushın – eń kem aylıq is haqınıń bes barabarı;
attestaciyadan ótkergenlik ushın jıyım mámleket inspekciyasınıń byudjetten tısqarı esap betine ótkeriledi hám attestaciya menen baylanıslı qárejetlerdi qaplaw ushın baǵdarlanadı;
19. Bilimlendiriw mákemeleri tárepinen akkreditaciya múddeti tamamlanatuǵın jıldan aldıńǵı jıldıń 1-oktyabrge shekem mámleket inspekciyasına attestaciyadan ótkeriw haqqında arza usınıs etiledi.
20. Bilimlendiriw mákemeleriniń attestaciyadan ótkeriw haqqındaǵı arzasına tómendegi hújjetler qosımsha etiledi:
yuridikalıq shaxs sıpatında mámleket diziminen ótkenligi haqqındaǵı guwalıq nusqası;
bilimlendiriw mákemeleriniń tolıq hám qısqartılǵan atı, jaylasqan jeri, telefon nomeri, internet dúnya xabar tarmaǵındaǵı rásmiy veb saytı hám elektron poshta mánzili haqqındaǵı maǵlıwmat (filialı bar bolǵan bilimlendiriw mákemesi maǵlıwmatlardı filial boyınsha beriledi);
salıq tólewshiniń identifikaciya nomeri;
attestaciyadan ótkeriw ushın jıyım tólengenligin tastıyıqlawshı hújjettiń nusqası (mámleketlikemes bilimlendiriw mákemeleri hám ózin-ózi tolıq finanslastıratuǵın mámleket bilimlendiriw mákemeleri ushın);
attestaciyadan ótkeriletuǵın tálim baǵdarları, qánigelikler, kurslar hám kásipler dizimi;
21.Quramında mámleket bilimlendiriw mákemeleri bolǵan ministrlikler hám mákemeler hámde mámleketlikemes bilimlendiriw mákemeleri attestaciyadan ótkeriw kestesin hámde attestaciyaǵa tiyisli basqa hújjetlerdi bilimlendiriw mákemeleri iskerligin sırtqı bahalaw baslanıwınan keminde eki ay aldın mámleket inspekciyasınan aladı.
Attestaciya ótkeriw kestesi hám attestaciyaǵa tiyisli basqa hújjetler alınǵan kúnnen baslap bilimlendiriw mákemeleri iskerligin ishki bahalaw shólkemlestiriledi hám ótkeriledi.
Bilimlendiriw mákemeleri iskerligin ishki bahalaw nátiyjesinde toplanǵan maǵlıwmatlar hám máteriallar, mámleket inspekciyası tárepinen usınıs etilgen bilimlendiriw mákemesi iskerligine tiyisli maǵlıwmatlar kiritilgen kesteler sırtqı bahalaw baslanıwınan keminde bir ay aldın mámleket inspekciyasına jiberiledi.
Belgilengen múddette hújjetlerdiń bermewi yáki hújjetlerdegi kemshiliklerdiń saplastırılmawı bilimlendiriw mákemesiniń attestaciyadan ótkermewine tiykar boladı.
22. Bilimlendiriw mákemeleri tárepinen akkreditaciyadan ótkeriw haqqındaǵı arza hám oǵan qosımsha etiletuǵın hújjetler, bilimlendiriw mákemeleri iskerligin ishki bahalaw nátiyjesinde toplanǵan maǵlıwmatlar hám máteriallar Mámleket inspekciyasına tómendegi formalardan birinde beriledi:
a) qaǵaz formada – bilimlendiriw mákemesiniń isenimli wákili poshta xızmeti arqalı;
b) elektron formada – bilimlendiriw mákemesi basshısınıń elektron nomerli qolı menen Mámleket inspekciyasınıń rásmiy veb-saytındaǵı arnawlı portal arqalı.
23. Mámleket inspekciyasında attestaciyadan ótiwshi bilimlendiriw mákemesi ushın attestaciyadan hám akkreditaciyadan ótkeriw baylanıslı bolǵan hújjetler jıyındısı jıynaladı. Onda tómendegiler toplanadı:
ekspert komissiyasın dúziw haqqındaǵı buyrıq yáki qarar;
attestaciya nátiyjeleri boyınsha ekspert komissiyası sheshimi;
akkreditaciya boyınsha Mámleket inspekciyası baslıǵınıń buyrıǵı;
attestaciya boyınsha Mámleketlik inspekciyasi baslıǵınıń buyrıǵı;
attestaciyadan hám akkreditaciyadan ótkeriw menen baylanıslı bolǵan basqa hújjetler.
Hújjetler toplamı náwbettegi attestaciya ótkeriliwine shekem Mámleket inspekciyasında saqlanadı.